ନୂଆଦିଲ୍ଲୀ: ସ୍ନାତକ ଡିଗ୍ରୀ ହାସଲ କରିବା ସମସ୍ତଙ୍କ ଜୀବନରେ ଏକ ବିଶେଷ ମୁହୂର୍ତ୍ତ ହୋଇଥାଏ। ନିକଟରେ ଜଣେ ସିକ୍ୟୁରିଟି ଗାର୍ଡଙ୍କ ଝିଅ ବିଦେଶରେ ସ୍ନାତକ ଡିଗ୍ରୀ ହାସଲ କରିବା ପରେ ସାମାଜିକ ଗଣମାଧ୍ୟମ ଇନ୍ଷ୍ଟାଗ୍ରାମ୍ ମାଧ୍ୟମରେ ନିଜ ପିତାଙ୍କୁ ଧନ୍ୟବାଦ ଦେଇଛନ୍ତି।
ଗାଇକ୍ୱାର୍ଡ ନାମ୍ନୀ ଜଣେ ଯୁବତୀ ନିଜ ସ୍ନାତକ ଶିକ୍ଷା ପାଇଁ ବ୍ରିଟେନର ଏକ ବିଶ୍ୱବିଦ୍ୟାଳୟରେ ନାମ ଲେଖାଇଥିବା ବେଳେ ବିଦେଶ ଗସ୍ତ କରିଥିଲେ। ତେବେ ତାଙ୍କ ପିତା ଜଣେ ସାଧାରଣ ସିକ୍ୟୁରିଟି ଗାର୍ଡ ହୋଇଥବାରୁ ଉଚ୍ଚଶିକ୍ଷା ପାଇଁ ଝିଅକୁ ବିଦେଶ ନ ପଠାଇବାକୁ ତାଙ୍କୁ ଅନେକ ଜଣ ପରାମର୍ଶ ଦେଇଥିଲେ। ତେବେ ନିକଟରେ ଧନଶ୍ରୀ ସ୍ନାତକ ଡିଗ୍ରୀ ହାସଲ କରିବା ସହ ସାମାଜିକ ଗଣମାଧ୍ୟମ ଇନ୍ଷ୍ଟାଗ୍ରାମ୍ରେ ଏକ ଭାବବିହ୍ବଳ ପୋଷ୍ଟ କରିଛନ୍ତି। ତାଙ୍କ ଉପରେ ବିଶ୍ବାସ କରିଥିବାରୁ ସେ ନିଜ ପିତାଙ୍କୁ ଏହି ପୋଷ୍ଟରେ ଧନ୍ୟବାଦ ଦେଇଛନ୍ତି।
ଏକ ସମାରୋହରେ ସ୍ନାତକ ଡିଗ୍ରୀ ହାସଲ କରିବା ସମୟର ଗୋଟିଏ କ୍ଲିପ୍ ସେ ଏହି ପୋଷ୍ଟରେ ଶେୟାର କରିଛନ୍ତି। ତାଙ୍କୁ ବିଦେଶ ପଠାଇବା ନେଇ ପିତାଙ୍କ ନିଷ୍ପତ୍ତି ଠିକ୍ ଥିଲା ବୋଲି ଏହି ଭିଡିଓରେ ଧନଶ୍ରୀ ଦର୍ଶାଇଛନ୍ତି। ପିତା ତାଙ୍କ ପାଇଁ ଲାଇଫ ଗାର୍ଡ ସାଜିଥିବାରୁ ଆଜି ସେ ଏହି ସଫଳତା ହାସଲ କରିପାରିଥିବା ଧନଶ୍ରୀ କହିଛନ୍ତି। ଧନଶ୍ରୀଙ୍କ ଏହି ଭିଡିଓ ସାମାଜିକ ଗଣମାଧ୍ୟମରେ ବେଶ୍ ଭାଇରାଲ ହେବାରେ ଲାଗିଛି। ଅନେକ ୟୁଜର୍ସ ଧନଶ୍ରୀଙ୍କ କାହାଣୀକୁ ପସନ୍ଦ କରି ତାଙ୍କୁ ଅଭିନନ୍ଦନ ଜଣାଇଛନ୍ତି। ଏଥିରେ ସାମିଲ ହୋଇଛନ୍ତି ବହୁ ସେଲିବ୍ରିଟି। ଆୟୁଷ୍ମାନ୍ ଖୁରାନା, ଗୁରୁ ରନ୍ଧୱା, ଇଶା ଗୁପ୍ତାଙ୍କ ପରି ବହୁ ସେଲିବ୍ରିଟି ଏହି ପୋଷ୍ଟରେ କମେଣ୍ଟ ମାଧ୍ୟମରେ ଧନଶ୍ରୀଙ୍କ ସଫଳତା ପାଇଁ ତାଙ୍କୁ ଅଭିବାଦନ ଜଣାଇଛନ୍ତି।
View this post on Instagram
