୧୦ ବର୍ଷ ଧରି ଗୋପନରେ ସହାୟତା

ଓ୍ବାଶିଂଟନ,୨୧।୧: ଆମେରିକାର ଆଲବାମାସ୍ଥିତ ଛୋଟ ସହର ଗେରାଲ୍ଡାଇନ୍‌ରେ ଜଣେ କୃଷକ ବର୍ଷ ବର୍ଷ ଧରି ଗୋପନରେ ଲୋକଙ୍କ ବିଲ୍‌ ପଇଠ କରିଚାଲିଥିଲେ। ଅସହାୟ ଲୋକଙ୍କୁ ଔଷଧ କିଣିବା ପାଇଁ କୃଷକ ହୋଡି ବୁଫୋର୍ଡ ଚିଲ୍‌ଡ୍ରେସ୍‌ ଅନେକ ହଜାର ଡଲାର ଦାନ କରିଥିଲେ। ନୂଆବର୍ଷରେ ତାଙ୍କ ମୃତ୍ୟୁ ପରେ ସହରବାସୀ ଏହି ବିଷୟ ଜାଣି ଆଶ୍ଚର୍ଯ୍ୟ ଚକିତ ହୋଇଯାଇଛନ୍ତି।
୧୦ ବର୍ଷ ତଳେ ହୋଡି ଚିଲ୍‌ଡ୍ରେସ୍‌ ଗେରାଲ୍‌ଡାଇନ୍‌ର ଏକ ଔଷଧ ଦୋକାନକୁ ଯାଇଥିଲେ। ଔଷଧ ଦୋକାନୀ ବ୍ରୁକ୍‌ ଓ୍ବାକରଙ୍କୁ ସେ ପଚାରିଥିଲେ, ଏପରି କୌଣସି ପରିବାର ଅଛନ୍ତି କି, ଯେଉଁମାନେ ନିଜ ଔଷଧ କିଣିବା ପାଇଁ ସକ୍ଷମ ନୁହନ୍ତି। ୩୮ ବର୍ଷୀୟା ଓ୍ବାକର କହିଥିଲେ, ହଁ, ଦୁର୍ଭାଗ୍ୟବଶତଃ ଏପରି ହୋଇଥାଏ। ହୋଡି ସେତେବେଳେ ଓ୍ବାକରଙ୍କୁ ୧୦୦ ଡଲାର ଦେଇ କହିଥିଲେ, ଔଷଧ କିଣିପାରୁ ନ ଥିବା ଲୋକଙ୍କ କାମରେ ଏହାକୁ ଲଗାଇବ। କିନ୍ତୁ ଏହି ବିଷୟ କାହାକୁ ଜଣାଇବ ନାହିଁ। ଯଦି କେହି ପଚାରନ୍ତି ଏହା ଭଗବାନଙ୍କ ଆଶୀର୍ବାଦ ବୋଲି ତାଙ୍କୁ କହିଦେବ। ମାସକ ପରେ ହୋଡି ପୁଣି ଓ୍ବାକରଙ୍କ ପାଖକୁ ଆସି ୧୦୦ ଡଲାର ଦେଇଥିଲେ। ଏହିପରି ଭାବେ ସେ ପ୍ରତି ମାସ ସେହି ଔଷଧ ଦୋକାନକୁ ଯାଇ ଓ୍ବାକରଙ୍କୁ ଅର୍ଥ ଦେଉଥିଲେ। ବର୍ଷ ବର୍ଷ ଧରି ଲୋକଙ୍କୁ ସହାୟତା ପ୍ରଦାନ ବେଳେ ସେ ଓ୍ବାକରଙ୍କ ଆଗରେ ଦୋହରାଉଥିଲେ, ଅର୍ଥର ସ୍ରୋତ କାହାକୁ ଜଣାଇବ ନାହିଁ। ଗତବର୍ଷ ଶେଷ ଆଡ଼କୁ ହୋଡି ହଠାତ୍‌ ଫୁସ୍‌ଫୁସ୍‌ଜନିତ ରୋଗରେ ପଡ଼ି ଦୁର୍ବଳ ହୋଇଯାଇଥିଲେ। ଫଳରେ ସେ ଆଉ ଔଷଧ ଦୋକାନୀଙ୍କ ପାଖକୁ ଯାଇପାରି ନ ଥିଲେ।
ଜାନୁୟାରୀ ୧ରେ ୮୦ ବର୍ଷୀୟ ହୋଡିଙ୍କ ମୃତ୍ୟୁ ଘଟିବା ପରେ ଓ୍ବାକର ତାଙ୍କ ପରିବାରକୁ ଏହି ଦାନ ସମ୍ପର୍କରେ ଜଣାଇବାକୁ ନିଷ୍ପତ୍ତି ନେଲେ। ହଣ୍ଟ୍‌ସ୍‌ଭିଲେରୁ ୬୦ ମାଇଲ ଦୂରରେ ବସବାସ କରୁଥିବା କୃଷକମାନଙ୍କୁ ହୋଡି କିପରି ଆର୍ଥିକ ସହାୟତା ଯୋଗାଇଆସିଥିଲେ ତାହା କହିବା ପାଇଁ ସେ ମନସ୍ଥ କଲେ। ହୋଡିଙ୍କ ପରିବାରକୁ ଓ୍ବାକର ଫୋନ୍‌ କରିବା ପାଇଁ ଯାଉଥିବାବେଳେ ଜାନୁୟାରୀ ୫ରେ ତାଙ୍କ ଝିଅ ଟାନିଆ ନିକ୍ସ ସ୍ବର୍ଗତ ପିତାଙ୍କ ବଦାନ୍ୟତା ସମ୍ପର୍କରେ ଲୋକଙ୍କୁ ଅବଗତ କରାଇବା ଲାଗି ପ୍ରସ୍ତୁତ ହେଉଥିଲେ। ବାପା ନିଜ ମୃତ୍ୟୁ ପୂର୍ବରୁ ଏହି ଦାନ ସମ୍ପର୍କରେ କେବଳ ମୋତେ ଜଣାଇଥିଲେ ବୋଲି ୫୮ ବର୍ଷୀୟା ହେୟାରଷ୍ଟାଇଲିଷ୍ଟ ଟାନିଆ ନିକ୍ସ ଗଣମାଧ୍ୟମକୁ କହିଛନ୍ତି। ନିକ୍ସଙ୍କ ସାବତ ମା’ ମାର୍ଥା ଜୋ ଚିଲ୍‌ଡ୍ରେସ୍‌ ମଧ୍ୟ ଏହି ବିଷୟରେ ଜାଣି ନ ଥିଲେ। ସବୁ କଥା ପ୍ରଘଟ ହେବା ପରେ ହୋଡିଙ୍କ ବନ୍ଧୁ ସମ୍ପର୍କୀୟ ଓ ତାଙ୍କୁ ଜାଣିଥିବା ଲୋକେ ତାଙ୍କ ଘରକୁ ଯାଇ ଧନ୍ୟବାଦ ଜଣାଉଛନ୍ତି। ଔଷଧ ଦୋକାନୀ ତାଙ୍କ ଦାନ ପାଣ୍ଠିକୁ ଜୀବିତ ରଖିବା ପାଇଁ ବଳକା ଅର୍ଥରେ ‘ହୋଡି ଚିଲ୍‌ଡ୍ରେସ୍‌ ଫଣ୍ଡ୍‌’ ଗଠନ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ରୁଷିଆ ମହାକାଶଚାରୀ ଆମେରିକାରୁ ଆରମ୍ଭ କଲେ ଯାତ୍ରା…

ଓ୍ବାଶିଂଟନ,୬।୧୦ : ବୁଧବାର ଦିନ, କୋଡିଏ ବର୍ଷ ମଧ୍ୟରେ ପ୍ରଥମ ଥର ପାଇଁ ଜଣେ ରୁଷିଅରେ ମହାକାଶଚାରୀ ଆମେରିକାର ଅନ୍ତର୍ଜାତୀୟ ସ୍ପେସ ଷ୍ଟେଶନରୁ ଯାତ୍ରା ଆରମ୍ଭ...

ଭାରତରୁ କରୋନା ଭ୍ୟାକ୍ସିନ ପହଞ୍ଚିବା ପରେ ଭାବପ୍ରବଣ ହେଲେ ଡେମୋନିକନ ରିପବ୍ଲିକର ପ୍ରଧାନମନ୍ତ୍ରୀ

ସାଣ୍ଟୋ ଡୋମିନଗୋ,୧୧ ।୨: କରୋନା ଭାଇରସକୁ ହରାଇବା ପାଇଁ ସାରା ବିଶ୍ୱ ପ୍ରୟାସ ଜାରି ରଖିଛି । ପାଖାପାଖି ୧ ବର୍ଷ ହେବ ବିଶ୍ୱବାସୀଙ୍କୁ ଚିନ୍ତାରେ...

ଉଇଗର ମୁସଲମାନ୍‌ଙ୍କୁ ଶୋଷଣ: ଆମେରିକା କଳା ତାଲିକାରେ ୨୮ ଚାଇନା କମ୍ପାନୀ

ଓ୍ବାଶିଂଟନ,୮।୧୦: ଚାଇନାରେ ଉଇଗର ମୁସଲମାନ୍‌ଙ୍କୁ ନିର୍ଯାତନା ଦିଆଯାଉଛି। ଶିନଜିୟାଙ୍ଗ୍‌ ପ୍ରଦେଶରେ ଥିବା ୨୮ଟି ଚାଇନା କମ୍ପାନୀ ଏହି ମୁସଲମାନ ସମ୍ପ୍ରଦାୟଙ୍କୁ ଶୋଷଣ କରୁଥିବାରୁ ସେସବୁ କମ୍ପାନୀକୁ...

ନ୍ୟୁୟର୍କରେ ସର୍ବାଧିକ ସଂକ୍ରମିତ

ନ୍ୟୁୟର୍କ,୧୧ା୪: କରୋନା ଭାଇରସ୍‌ ସଂକ୍ରମିତଙ୍କ ସଂଖ୍ୟାରେ ବିଶ୍ୱର ସମସ୍ତ ଦେଶଠାରୁ ଆମେରିକାର ନ୍ୟୁୟର୍କ ପ୍ରଦେଶ ଟପିଯାଇଛି। କେବଳ ନ୍ୟୁୟର୍କରେ ଗୁରୁବାର ୧୦,୩୩୩ ଜଣ ସଂକ୍ରମିତ ହେବା...

କରୋନା ପ୍ରତିଷେଧକ ଟୀକା ପ୍ରସ୍ତୁତି ଲାଗି ଉଦ୍ୟମ ଜାରି ରଖିଛନ୍ତି ୮୦ ଦେଶର ୧୦୨ ସ୍ବାସ୍ଥ୍ୟ ସଂସ୍ଥା

ଓ୍ବାଶିଂଟନ/ନୂଆଦିଲ୍ଲୀ,୧୦।୫: କରୋନା ସଂକ୍ରମଣ ଯୋଗୁ ସାରା ପୃଥିବୀରେ ସଙ୍କଟ ଦେଖାଦେଇଛି। ସଂକ୍ରମଣରୁ ଦୂରେଇ ରହିବା ପାଇଁ ବହୁ ଦେଶରେ ଲକ୍‌ଡାଉନ୍‌ ଜାରି ରହିଛି। ଇତିମଧ୍ୟରେ କରୋନା...

କରୋନାର ଲାଇଭ୍ ରିପୋର୍ଟିଂ ପଡିଲା ମହଙ୍ଗା: ମହିଳା ଖବରଦାତାଙ୍କୁ ଜେଲ!

ବେଜିଂ,୨୮ ।୧୨: ପୁଣିଥରେ ସାମ୍ନାକୁ ଆସିଛି ଚାଇନାର ଅସଲ ରୂପ । ଚାଇନାରେ କରୋନାର କେନ୍ଦ୍ରବିନ୍ଦୁ କୁହାଯାଉଥିବା ଉହାନରେ କୋଭିଡ-୧୯କୁ ନେଇ ଖବର ସଂଗ୍ରହ କରିବା...

ଏକଛତ୍ରବାଦୀ ଶାସକ ପୁଣି କଲେ କ୍ଷେପଣାସ୍ତ୍ର ପରୀକ୍ଷଣ…

ସିଓଲ୍‌, ୪।୫ : ଆଣବିକ ପରୀକ୍ଷଣ କରାଯିବା ଲାଗି ବିଶ୍ୱସ୍ତରରେ ବାରଣ କରାଯାଇଛି। କିନ୍ତୁ ଉତ୍ତର କୋରିଆର ଏକଛତ୍ରବାଦୀ ଶାସକ କିମ୍‌ ଜୋଙ୍ଗ୍‌ ଉନ୍‌ ଏହି...

ସ୍ବାମୀଙ୍କୁ ନପୁଂସକ ଔଷଧ ଦେଉଛନ୍ତି ଏହି ଦେଶର ମହିଳା…

ବେଜିଂ,୨୮।୪: ସ୍ବାମୀଙ୍କ ଅଜାଣତରେ ସ୍ତ୍ରୀ ତାଙ୍କୁ ନପୁଂସକ ଔଷଧ ଦେଉଥିବା ଶୁଣିଲେ ଯେ କେହି ଆଶ୍ଚର୍ଯ୍ୟ ହେବା ସ୍ବାଭାବିକ। ତେବେ ଚାଇନାର କେତେକ ମହିଳା ଗୁପ୍ତରେ...

Advertisement
Archives

Model This Week