Advertisement

ଖୋଜିଲେ ବାବୁଆଣୀ ମିଳୁନାହାନ୍ତି

ଭୁବନେଶ୍ବର,୬।୧୧(ବ୍ୟୁରୋ): ସରକାରୀ ଅଧିକାରୀମାନଙ୍କ ଉତ୍ତରଦାୟିତ୍ୱ ହେଉଛି ସରକାରଙ୍କ ଜନକଲ୍ୟାଣକାରୀ ଯୋଜନାଗୁଡ଼ିକର ଠିକ୍‌ କାର୍ଯ୍ୟାନ୍ବୟନ କରିବା ଦିଗରେ ଉଚିତ ପଦକ୍ଷେପ ନେବା। ଏହାସହ ରାଜ୍ୟର ସମସ୍ତ ହିତାଧିକାରୀଙ୍କୁ ନ୍ୟାୟ ଦେବା ଲାଗି ସରକାରୀ ଅଧିକାରୀମାନେ ହେଉଛନ୍ତି ଉପଯୁକ୍ତ ବ୍ୟକ୍ତି। ଏଥିପାଇଁ ରାଜ୍ୟ ସରକାର ଜନସାଧାରଣଙ୍କଠାରୁ ଆଦାୟ କରୁଥିବା ଟିକସ ଅର୍ଥରୁ ହିଁ ସରକାରୀ ଅଧିକାରୀମାନଙ୍କୁ ଦରମା ବାବଦରେ ବହୁ କୋଟି ଟଙ୍କା ପ୍ରଦାନ କରୁଛନ୍ତି। ହେଲେ ଏବେକୁ ଏବେ ଦେଖିବାକୁ ମିଳୁଛି ବହୁ ସଂଖ୍ୟକ ଉଚ୍ଚପଦସ୍ଥ ଅଧିକାରୀ ତାଙ୍କ ମୂଳ ଦାୟିତ୍ୱରୁ ହଟିଗଲେଣି। ସାଧାରଣ ଲୋକଙ୍କ ସମସ୍ୟା ଦୂରକରିବା ତ ଦୂରର କଥା ସେମାନଙ୍କ ଅଭିଯୋଗ ଶୁଣିବା ଲାଗି ମଧ୍ୟ ଅଧିକାରୀମାନେ ସାମାନ୍ୟତମ ଆଗ୍ରହ ଦେଖାଉନାହାନ୍ତି। ଅନେକ କ୍ଷେତ୍ରରେ ଓଡ଼ିଶା ସରକାରଙ୍କ ବିଭିନ୍ନ ବିଭାଗର ସଚିବ ଥିବା ଆଇଏଏସ୍‌ ଅଧିକାରୀଙ୍କ କାର୍ଯ୍ୟଶୈଳୀ ମଧ୍ୟ ସାଧାରଣ ଲୋକଙ୍କୁ ଅତିଷ୍ଠ କରିଲାଣି ବୋଲି ଏବେ ଖୋଲାଖୋଲି ଆଲୋଚନା ହେବାରେ ଲାଗିଛି। ଗୋଟିଏ ପଟେ ଓଡ଼ିଶାରେ ରାଜନେତାମାନଙ୍କ ପ୍ରଭାବ ଆଉ ପୂର୍ବପରି ରଖେଇ ଦିଆଯାଉ ନ ଥିବାବେଳେ ଜଣେ ଲେଖା ଆଇଏଏସ୍‌ ଅଧିକାରୀଙ୍କୁ ଏକାଧିକ ପଦବୀରେ ଅଳଙ୍କୃତ କରାଯିବା ବୋଧହୁଏ ସେମାନଙ୍କ ବ୍ୟବହାରରେ ପରିବର୍ତ୍ତନ ଆସିବାର ମୂଳକାରଣ ହୋଇପାରେ ବୋଲି ଚର୍ଚ୍ଚା ହେଉଛି।
ସୂଚନାଯୋଗ୍ୟ, ଗତ ଅକ୍ଟୋବର ୨୭(ଗୁରୁବାର) କଫିଚାଷୀମାନଙ୍କ ସମସ୍ୟା ସମ୍ପର୍କିତ ‘କଫି ଚାଷୀ କ୍ଷତିରେ’ ଶୀର୍ଷକ ଖବର ଧରିତ୍ରୀରେ ପ୍ରକାଶ ପାଇଥିଲା। ସେଥିରେ ମୁଖ୍ୟତଃ ଉଲ୍ଲେଖ ଥିଲା ଯେ, କୋରାପୁଟ ଚାଷୀଙ୍କ କଫି ଏବେ ବିଶ୍ୱ ବଜାରରେ ଆଦୃତ ହେଉଛି। ହେଲେ ଉପଯୁକ୍ତ ତାଲିମ ଏବଂ ପ୍ରୋତ୍ସାହନ ସେମାନଙ୍କୁ ମିଳିପାରୁ ନ ଥିବାରୁ ସେମାନଙ୍କ କଫିର ମାନ ବୃଦ୍ଧି ହୋଇପାରୁ ନାହିଁ ବୋଲି ସ୍ଥାନୀୟ ଚାଷୀମାନେ ଅଭିଯୋଗ କରିବା ସହ ଅନେକ ସମସ୍ୟା ସମ୍ପର୍କରେ କହିଥିଲେ। ଏଥିପାଇଁ ଚାଷୀଙ୍କୁ ସର୍ବୋପରି ମୂଲ୍ୟ ନ ମିଳିବା ସହିତ ବହୁ ପରିମାଣର କ୍ଷତି ସହିବାକୁ ପଡୁଥିବା କଥା ମଧ୍ୟ ସେମାନେ ଉଲ୍ଲେଖ କରିଥିଲେ। ରାଜ୍ୟ ସରକାରଙ୍କ ଓଡ଼ିଶା ଜନଜାତି ଉନ୍ନୟନ ସମବାୟ ନିଗମ(ଟିଡିସିସି) ଜରିଆରେ ଚାଷୀଙ୍କଠାରୁ ପାଚିଲା କଫି ନିଆଯାଉଛି। ହେଲେ ଓଡ଼ିଶାରେ ସେମାନଙ୍କଠାରୁ ଟିଡିସିସି ପାଚିଲା କଫି ଫଳ କେଜି ପିଛା ୩୫ରୁ ୪୫ ଟଙ୍କା ମଧ୍ୟରେ ନେଉଥିବା ବେଳେ କର୍ନାଟକ, କେରଳ ଭଳି ରାଜ୍ୟରେ ତାହା ୬୫ରୁ ୭୫ ଟଙ୍କା ରହୁଛି। କୋରାପୁଟ କଫିର ଚାହିଦା ବଢୁଥିଲେ ମଧ୍ୟ ଚାଷୀଙ୍କଠାରୁ ଏତେ କମ୍‌ ଦରରେ କାହିଁକି ପାଚିଲା କଫି ଫଳ କିଣାଯାଉଛି ବୋଲି ଜାଣିବା ଲାଗି ଟିଡିସିସି ମ୍ୟାନେଜିଂ ଡାଇରେକ୍ଟର(ଏମ୍‌ଡି) ଆଇଏଏସ୍‌ ଅଫିସର ମାନ୍‌ସି ନିମଭାଲ୍‌ଙ୍କୁ ଦେଖାହେବାକୁ ଗତ ୨୬ ତାରିଖରେ ଚେଷ୍ଟା କରିଥିଲୁ। ତାଙ୍କୁ ଭେଟିବା ପାଇଁ ଭୁବନେଶ୍ୱରସ୍ଥିତ ରୂପାଲୀ ଛକଠାରେ ଥିବା ଟିଡିସିସିଓଏଲ୍‌ କାର୍ଯ୍ୟାଳୟକୁ ପୂର୍ବାହ୍ନ ୧୧ଟା ୧୫ ମିନିଟ୍‌ ସମୟରେ ଯାଇପହଞ୍ଚିଥିଲୁ। ହେଲେ ସେଠାରେ ଉପସ୍ଥିତ ଥିବା ଜଣେ ଘରୋଇ ସୁରକ୍ଷା କର୍ମୀ ଏମ୍‌ଡି ମାଡାମ୍‌ ନାହାନ୍ତି ବୋଲି କହିଥିଲେ। ପ୍ରାୟ ୩ ଦିନ ହେବ ମାଡାମ୍‌ ସେଠାକୁ ଆସି ନ ଥିବା କଥା ମଧ୍ୟ ସେ କହିଥିଲେ। ମାଡାମ୍‌ ଓଏଲ୍‌ଏମ୍‌(ଓଡ଼ିଶା ଲାଇଭଲିହୁଡ୍‌ ମିଶନ)ର ସିଇଓ(ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ) ଅଛନ୍ତି। ତେଣୁ ସେଠାରେ ସେ ପ୍ରାୟ ବସୁଛନ୍ତି, ସେଠାକୁ ଯାଇ ଦେଖା ହୋଇପାରିବ ବୋଲି ଉକ୍ତ ଘରୋଇ କର୍ମଚାରୀ ଏବଂ ସେଠାରେ ଉପସ୍ଥିତ ଜଣେ ସରକାରୀ ପିଅନ କହିଥିଲେ। ଏହାପରେ ଦିନ ପ୍ରାୟ ୧ଟା ସମୟରେ ୟୁନିଟ୍‌ ୮ ଜଳେଶ୍ୱର ମନ୍ଦିର ନିକଟସ୍ଥ ଓଏଲ୍‌ଏମ୍‌ କାର୍ଯ୍ୟାଳୟରେ ପହଞ୍ଚି ନିମଭାଲ୍‌ଙ୍କୁ ଭେଟିବାକୁ ଚେଷ୍ଟା କରିଥିଲୁ। ହେଲେ ସେ ମିଟିଂରେ ଥିବାବେଳେ ଅଳ୍ପ ସମୟ ପରେ ମଧ୍ୟାହ୍ନଭୋଜନ ଲାଗି ଚାଲିଗଲେଣି ବୋଲି ତାଙ୍କ ପିଏସ୍‌ଙ୍କ କାର୍ଯ୍ୟାଳୟ ତରଫରୁ କୁହାଯାଇଥିଲା। ଏହାପରେ ଅପରାହ୍ନ ୪ଟା ସମୟରେ ନିମଭାଲ୍‌ଙ୍କୁ ଭେଟିବା ଲାଗି ପୁଣିଥରେ ଓଏଲ୍‌ଏମ୍‌ କାର୍ଯ୍ୟାଳୟଠାରେ ପହଞ୍ଚି ତାଙ୍କୁ ପ୍ରାୟ ୧ ଘଣ୍ଟା ୧୫ମିନିଟ୍‌ ଅପେକ୍ଷା କରିବା ପରେ ମାଡାମ୍‌ ଏବେ ଭେଟିପାରିବେ ନାହିଁ, ଅନ୍ୟ କାର୍ଯ୍ୟ ଅଛି ବୋଲି ତାଙ୍କ ପିଏସ୍‌ଙ୍କ କାର୍ଯ୍ୟାଳୟ ତରଫରୁ ସୂଚନା ଦିଆଯାଇଥିଲା। ଫଳରେ ନିମଭାଲ୍‌ଙ୍କ ମତାମତ ସଂଗ୍ରହ କରାଯାଇପାରି ନ ଥିଲା।
ଏହାପରେ ଟିଡିସିସି କାର୍ଯ୍ୟାଳୟକୁ ୨୭ ତାରିଖରୁ ଲଗାତର ନିମଭାଲ୍‌ କେତେବେଳେ ଆସୁଛନ୍ତି ବୋଲି ସେଠାକୁ ଗତ ୧ ତାରିଖ ପର୍ଯ୍ୟନ୍ତ ଗସ୍ତ କରିଥିଲୁ। ହେଲେ ନିମଭାଲ୍‌ ଏହା ଭିତରେ କେବଳ ୩୧ ତାରିଖରେ ଆସି ଅଳ୍ପ ସମୟ ରହି ଚାଲିଯାଇଥିବା ସେଠାର ଜଣେ କର୍ମଚାରୀ କହିଥିଲେ। ନିମଭାଲ୍‌ ସେଠାକୁ ପ୍ରତି ସପ୍ତାହରେ ଥରେ କିମ୍ବା ମାସକୁ ୨ରୁ ୩ ଥର ଆସୁଥିବା କର୍ମଚାରୀ ଜଣକ ଜଣାଇଥିଲେ। ଏଭଳି ସ୍ଥିତିରେ କୋରାପୁଟରେ କଫିଚାଷ କରି କମ୍‌ ଦାମ୍‌ରେ ଟିଡିସିସିକୁ ଯୋଗାଇ ଦେଉଥିବା ଚାଷୀକୁ କେତେ ହଇରାଣ ହେବାକୁ ପଡୁଥିବ ଏଥିରୁ ସ୍ପଷ୍ଟ ଅନୁମେୟ। ତେବେ ସେହି କର୍ମଚାରୀ ଜଣକ ମଧ୍ୟ କାହିଁକି ଏହି ଏମ୍‌ଡି ପଦବୀ ରହିଛି ସେକଥା କେହି କାହିଁକି ପଚାରୁନାହାନ୍ତି ବୋଲି ପରୋକ୍ଷ ଇଙ୍ଗିତ ମଧ୍ୟ କରିଥିଲେ। ତେବେ ଟିଡିସିସିରେ ଏମ୍‌ଡି ଦାୟିତ୍ୱରେ ଥିବା ଆଇଏଏସ୍‌ ଅଫିସରଙ୍କ ପ୍ରକୃତ ଦାୟିତ୍ୱ କ’ଣ ବୋଲି ପୂର୍ବତନ ମୁଖ୍ୟ ଶାସନ ସଚିବ ସହଦେବ ସାହୁ କହିଛନ୍ତି, ଏବେ ଦୁଇ ରକମର ଆଇଏଏସ୍‌ ଅଛନ୍ତି। କେତେଜଣ ପଛରେ ଗୋଡ଼େଇ ଚାଲିଛନ୍ତି, ଆଉ କେତେଜଣ ଖାଇବା ପାଇଁ ଚାହିଁ ବସିଛନ୍ତି। ଲୋକସେବା ଭବନରେ ସେବା କି ଲୋକ କେହି ନାହାନ୍ତି, କେବଳ ଭବନ ରହିଗଲାଣି। ସଚିବାଳୟରେ ସଚିବମାନଙ୍କ ଦେଖା ମିଳୁନାହିଁ। ଜିଲାପାଳମାନେ ରାସ୍ତାକୁ ଓହ୍ଲାଉନାହାନ୍ତି। କେହି ତ ଜଣେ ଆଇଏଏସ୍‌ ଅଫିସରଙ୍କୁ ଭେଟିପାରୁନାହାନ୍ତି, ତାଙ୍କୁ ପଚାରିବ କ’ଣ ଜାଣିବ କ’ଣ। ଯଦି ଅଫିସରଙ୍କୁ ଭେଟି ହେଉନି, ତେବେ ଭିତରେ କ’ଣ ଚାଲିଛି ସେଥିରୁ ବୁଝାପଡୁଛି। ଜଣେ ଏମ୍‌ଡିଙ୍କ କାମ ହେଉଛି ସଂସ୍ଥାକୁ ଚଳାଇବା ଏବଂ ବଢ଼ାଇବା। ଯଦି କୌଣସି ଏମ୍‌ଡି ଦୈନିକ କାର୍ଯ୍ୟାଳୟକୁ ଆସୁନାହାନ୍ତି, ଏହାର ଅର୍ଥ ଭିତରେ ଅନ୍ୟ କେହି ଉକ୍ତ ସଂସ୍ଥା ଚଳାଉଛି ବୋଲି ସହଦେବ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ରାଜଧାନୀରେ ଚାଞ୍ଚଲ୍ୟ: ଗଛରେ ଝୁଲୁଛି ଯୁବକଙ୍କ ମୃତଦେହ

ଭୁବନେଶ୍ୱର,୧୫ା୪(ବ୍ୟୁରୋ): ରାଜଧାନୀର ନାଲ୍‌କୋ ଛକରେ ଥିବା ଏକ ଗଛରେ ଜଣେ ଯୁବକଙ୍କ ମୃତଦେହ ଝୁଲନ୍ତା ଅବସ୍ଥାରେ ମିଳିଛି । ଯୁବକଙ୍କୁ କେହି ହତ୍ୟା ପରେ ଏଠାରେ...

କାର୍‌କୁ ମୁହାଁମୁହିଁ ପିଟିଲା ବସ୍‌; ଜଣେ ଆରୋହୀଙ୍କ ଜୀବନ ଗଲା

ବରଗଡ଼ ଅଫିସ,୨୪।୪- ବରଗଡ଼ ସହର ଉପକଣ୍ଠ ହଲଦୀପାଲି ଛକରେ ରବିବାର ଭୋର ପ୍ରାୟ ସାଢେ ୪ଟାରେ ଏକ ଯାତ୍ରୀବାହୀ ବସ ଏବଂ କାର ମଧ୍ୟରେ ମୁହାଁମୁହିଁ...

ଯେ କୌଣସି କାର୍ଯ୍ୟାଳୟରେ ଯାଞ୍ଚ କରିପାରେ ଏନ୍‌ଫୋର୍ସମେଣ୍ଟ ଟିମ୍‌

ଭୁବନେଶ୍ୱର,୧୮।୭(ବ୍ୟୁରୋ): ରାଜଧାନୀ ଭୁବନେଶ୍ୱରରେ ଥିବା ସମସ୍ତ କାର୍ଯ୍ୟାଳୟ ଏବଂ ଅନୁଷ୍ଠାନର କର୍ତ୍ତୃପକ୍ଷ ସେମାନଙ୍କ କର୍ମଚାରୀ ଏବଂ ଅଧିକାରୀମାନଙ୍କୁ କୋଭିଡ୍‌ ନିୟମର କଡା ଅନୁପାଳନ କରିବାକୁ ହେବ।...

ରାଜ୍ୟ ସଭାରେ ନବୀନଙ୍କ ପ୍ରଶଂସା କଲେ ମୋଦି, ଜଣାଇଲେ ଅଭିନନ୍ଦନ

ନୂଆଦିଲ୍ଲୀ,୮ା୨- କୋଇଲା ଓ ଖଣି କ୍ଷେତ୍ରରେ କେନ୍ଦ୍ର ସରକାର ଆଣିଥିବା ସଂସ୍କାରଗୁଡ଼ିକୁ କାର୍ଯ୍ୟକାରୀ କରିବାରେ ଓଡ଼ିଶା ସବୁଠୁ ଆଗରେ ରହିଛି। ଏହାକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର...

ହାଲୁକା ବର୍ଷା ସମ୍ଭାବନା

ଭୁବନେଶ୍ୱର,୧୮ା୧୧(ବ୍ୟୁରୋ):ଦକ୍ଷିଣ ଆଣ୍ଡାମାନ ନିକଟରେ ଘୂର୍ଣ୍ଣିବଳୟ ସୃଷ୍ଟି ହୋଇଛି। ଆସନ୍ତା ୨୪ ଘଣ୍ଟାରେ ଏହା ଲଘୁଚାପରେ ପରିଣତ ହେବ। ଏହା ପଶ୍ଚିମ ଉତ୍ତର ପଶ୍ଚିମ ଦିଗକୁ ଗତିକରି...

ରାଜ୍ୟରେ ୮ହଜାରରୁ ଊର୍ଦ୍ଧ୍ୱ ଆକ୍ରାନ୍ତ ଚିହ୍ନଟ: ଖୋର୍ଦ୍ଧାରୁ ସର୍ବାଧିକ

ଭୁବନେଶ୍ୱର,୩।୬(ବ୍ୟୁରୋ): ଗତ କିଛି ଦିନ ହେଲା ରାଜ୍ୟରେ କରୋନା ମିଟର ତଳମୁହାଁ ହୋଇଛି। ଗତ ୨ଦିନ ହେଲା ରାଜ୍ୟରେ ୮ହଜାର ରହିଛି ଆକ୍ରାନ୍ତଙ୍କ ସଂଖ୍ୟା ବୁଧବାର...

ଝଲସିବ କଳିଙ୍ଗ ଷ୍ଟୁଡିଓ

ଭୁବନେଶ୍ୱର, ୧୮ା୨(ବ୍ୟୁରୋ):ନୂଆ ରୂପରେ ଝଲସିବ ଭୁବନେଶ୍ୱରସ୍ଥିତ ଐତିହାସିକ କଳିଙ୍ଗ ଷ୍ଟୁଡିଓ। ଖୁବ୍‌ଶୀଘ୍ର ଏହାର ନବକଳେବର ହେବ। ଏହାକୁ ‘ଷ୍ଟେଟ୍‌ ଅଫ୍‌ ଦି ଆର୍ଟ’ ସିନେମା ଷ୍ଟୁଡିଓ...

ପୁଓର ଚିକିଛା ଲାଗି ବାପ୍‌ ବାରଦୁଆର ଘଟନା:ସାହାଯ୍‌ ଲାଗି କଥା ଦେଲେ ବିଧାୟିକା

  ଅତାବିରା, ୧୭।୮ (ଡି.ଏନ୍‌.ଏ.): ବରଗଡ଼ ଜିଲା ଅତାବିରା ବ୍ଲକ ଚାବିରିପାଲିର ମୂଲ ବାସିନ୍‌ଦା ରାମ ଜାଲକଁର ପୁଓ ଶଙ୍କର ଜାଲ(୮)। ଜନ୍‌ମୁ ଶଙ୍କରର ମଲଦୁଆର...

Advertisement
Archives

Model This Week