ନୂଆଦିଲ୍ଲୀ,୬।୧୦: ଆଗାମୀ ବିଧାନସଭା ନିର୍ବାଚନ ପୂର୍ବରୁ ଶାସକ ଦଳ ଭାଜପା ଏକ ବଡ଼ ଜୁଆ ଖେଳିଛି। କେନ୍ଦ୍ର ସରକାର ସୁପ୍ରିମକୋର୍ଟଙ୍କୁ କହିଛନ୍ତି ଯେ ସରକାରୀ ବିଭାଗରେ ୪୫ଦିନ କିମ୍ବା ତା’ଠାରୁ ଅଧିକ ଚୁକ୍ତିଭିତ୍ତିକ ଚାକିରିରେ ଏସସି, ଏସଟି ଏବଂ ଓବିସିଙ୍କୁ ସଂରକ୍ଷଣ ଦିଆଯିବ।
କେନ୍ଦ୍ର ଆହୁରି ମଧ୍ୟ କହିଛି ଅସ୍ଥାୟୀ ପଦବୀରେ ସଂରକ୍ଷଣକୁ କଡାକଡି ଲାଗୁ କରିବାକୁ ସମସ୍ତ ମନ୍ତ୍ରଣାଳୟ ଏବଂ ବିଭାଗକୁ ନିର୍ଦ୍ଦେଶ ଦିଆଯାଇଛି। କେନ୍ଦ୍ର ସଂରକ୍ଷଣ ଦାବିରେ ଏକ ରିଟ ପିଟିସନର ଜବାବ ଦେଇଥିବାବେଳେ ସୁପ୍ରିମକୋର୍ଟରେ ଏହା କହିଛନ୍ତି।
‘ଲାଇଭ ଲ’ ଅନୁଯାୟୀ, କେନ୍ଦ୍ର ସରକାରୀ ପଦବୀ ତଥା ସେବାରେ ନିଯୁକ୍ତିକୁ ନେଇ ଏସସି, ଏସଟି ଏବଂ ଓବିସି ପ୍ରାର୍ଥୀଙ୍କୁ ଅସ୍ଥାୟୀ ନିଯୁକ୍ତିରେ ସଂରକ୍ଷଣ ଦିଆଯିବ।
ଓଏମରେ ସଂସଦୀୟ କମିଟିର ଏସସି ଏବଂ ଏସଟିଙ୍କ କଲ୍ୟାଣ ଉପରେ ଏକ ରିପୋର୍ଟକୁ ଦର୍ଶାଉଛି। ଏହା ଜଣାପଡିଛି ଯେ ସମସ୍ତ ବିଭାଗ ଅସ୍ଥାୟୀ ଚାକିରିରେ ସଂରକ୍ଷଣ ପାଇଁ ନିର୍ଦ୍ଦେଶନାମା ପାଳନ କରୁନାହାଁନ୍ତି।
୪୫ ଦିନ କିମ୍ବା ତା’ଠାରୁ ଅଧିକ ସମୟ ଧରି ଚାଲିଥିବା ସମସ୍ତ ଅସ୍ଥାୟୀ ନିଯୁକ୍ତିରେ ଅନୁସୂଚିତ ଜାତି, ଅନୁସୂଚିତ ଜନଜାତି ଏବଂ ଅନ୍ୟାନ୍ୟ ପଛୁଆ ବର୍ଗଙ୍କ ପାଇଁ ସଂରକ୍ଷଣ ଯୋଗାଇ ଦିଆଯିବା ନିଶ୍ଚିତ କରିବାକୁ ସମସ୍ତ ମନ୍ତ୍ରଣାଳୟ ଏବଂ ବିଭାଗକୁ ଅନୁରୋଧ କରାଯାଇଛି ବୋଲି କେନ୍ଦ୍ର କହିଛି। ଏହି ନିର୍ଦ୍ଦେଶାବଳୀ ଅନୁସରଣ କରିବାକୁ ସମ୍ପୃକ୍ତ ସମସ୍ତଙ୍କୁ ଅବଗତ କରାଯିବା ଉଚିତ।
