ଷ୍ଟେଟ୍ ବ୍ୟାଙ୍କ୍ ଅଫ୍ ଇଣ୍ଡିଆ(ଏସ୍ବିଆଇ) ଅଫିସର ପଦବୀ ପାଇଁ ଗ୍ରାଜୁଏଶ୍ନ ପାସ୍ କରିଥିବା ଛାତ୍ରୀଛାତ୍ରଙ୍କ ଲାଗି ସୁବର୍ଣ୍ଣ ନିଯୁକ୍ତି ସୁଯୋଗ ଆଣିଦେଇଛି। ପାଖାପାଖି ୪୦୦୦ ନିଯୁକ୍ତି ପଦବୀ ପାଇଁ ବିଜ୍ଞପ୍ତି ଜାରି କରିଛି ଏସ୍ବିଆଇ। ଏଥିପାଇଁ ଆବେଦନ ପ୍ରକ୍ରିୟା ମଧ୍ୟ ଆରମ୍ଭ ହୋଇଯାଇଛି। ବିଭିନ୍ନ ରାଜ୍ୟରେ ଏସବିଆଇ ଶାଖାରେ ନିଯୁକ୍ତି ଦିଆଯିବ।
କେଉଁ ରାଜ୍ୟରେ, କେତେ ଅଧିକାରୀ ପଦବୀରେ ନିଯୁକ୍ତି ପାଇବେ, ସବିଶେଷ ତଥ୍ୟ ଦେଖନ୍ତୁ-
ଗୁଜୁରାଟ – ୭୫୦
କର୍ଣ୍ଣାଟକ – ୭୫୦
ମଧ୍ୟପ୍ରଦେଶ – ୨୯୬
ଛତିଶଗଡ – ୧୦୪
ତାମିଲନାଡୁ – ୫୫୦
ତେଲେଙ୍ଗାନା – ୫୫୦
ରାଜସ୍ଥାନ – ୩୦୦
ମହାରାଷ୍ଟ୍ର (ମୁମ୍ବାଇକୁ ବାଦ ଦେଇ) – ୫୧୭
ଗୋଆ – ୩୩
ପୋଷ୍ଟଗୁଡିକର ମୋଟ ସଂଖ୍ୟା – ୩୮୫୦
ଶିକ୍ଷାଗତ ଯୋଗ୍ୟତା – ଯେକୌଣସି ସ୍ବୀକୃତିପ୍ରାପ୍ତ ବିଶ୍ୱବିଦ୍ୟାଳୟରୁ ସ୍ନାତକ ହାସଲ କରିଥିବା ପ୍ରାର୍ଥୀମାନେ ଏହି ପଦବୀ ପାଇଁ ଆବେଦନ କରିପାରିବେ।
ବୟସ ସୀମା – ପ୍ରାର୍ଥୀମାନେ ୧ ଅଗଷ୍ଟ ୨୦୨୦ ପର୍ଯ୍ୟନ୍ତ ୩୦ ବର୍ଷରୁ ଅଧିକ ହୋଇ ନ ଥିବେ। ସଂରକ୍ଷଣ ନିୟମ ଅନୁଯାୟୀ ବୟସ ନିର୍ଦ୍ଧାରଣ କରାଯିବ।
ଆବେଦନ ସୂଚନା
୨୭ ଜୁଲାଇ ୨୦୨୦ରେ ଏସ୍ବିଆଇ ଅଫିସର ପଦବୀ ୨୦୨୦ ପାଇଁ ବିଜ୍ଞପ୍ତି ପ୍ରକାଶ ପାଇଛି।ଏହି ଅନୁଯାୟୀ, ଏହି ନିଯୁକ୍ତି ପ୍ରକ୍ରିୟାରେ ଯୋଗଦେବା ପାଇଁ ଏସବିଆଇ କ୍ୟାରିୟର ୱେବସାଇଟ ପରିଦର୍ଶନ କରି ଅନଲାଇନରେ ଆବେଦନ କରିବାକୁ ପଡିବ। SBI officer recruitment notification 2020ରେ ଅଧିକ ତଥ୍ୟ ଉପଲବ୍ଧ ରହିଛି।
ଅନଲାଇନ ଆବେଦନ ପାଇଁ ଆରମ୍ଭ ତାରିଖ – ଜୁଲାଇ ୨୭ ୨୦୨୦
ଅନଲାଇନ ଆବେଦନ ବନ୍ଦ ତାରିଖ – ୧୬ ଅଗଷ୍ଟ ୨୦୨୦
ଚୟନ ପ୍ରକ୍ରିୟା:
ଏହି ପଦବୀ ପାଇଁ ଯୋଗ୍ୟ ପ୍ରାର୍ଥୀ ଚୟନ ସର୍ଟଲିଷ୍ଟିଂ ଏବଂ ଆବେଦନ ଆଧାରରେ ସାକ୍ଷାତକାର ମାଧ୍ୟମରେ କରାଯିବ।
