ଚଣ୍ଡିଗଡ଼,୧୫ ।୩: ପଞ୍ଜାବ ବିଧାନସଭା ନିର୍ବାଚନରେ ୯୨ ଆସନରେ ବିଜୟୀ ହୋଇ ସରକାର ଗଢିବାକୁ ଯାଉଥିବା ଆମ ଆଦମୀ ପାର୍ଟି(ଏଏପି) ଏବେ ଆଉ ଏକ ଇତିହାସ ରଚିବାକୁ ଯାଉଛି । ୧୬ ମାର୍ଚ୍ଚରେ ଭଗୱନ୍ତ ମାନ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବାକୁ ଯାଉଥିବା ବେଳେ ଏଏପିର ବିଧାୟକ ସରବଜିତ କୌର ପଞ୍ଜାବର ପ୍ରଥମ ମହିଳା ସ୍ପିକର ହୋଇ ପାରନ୍ତି । ସ୍ପିକର ରେସରେ ବଲଜିନ୍ଦର କୌରଙ୍କ ନାମ ବି ରହିଛି । ହେଲେ ଦଳ ସ୍ଥିର କରଛି ଏଥର ଜଣେ ମହିଳାଙ୍କୁ ସ୍ପିକର କରାଯିବ । ତେବେ ପଞ୍ଜାବ ବିଧାନସଭା ଇତିହାସରେ ଏହା ପ୍ରଥମ ଘଟଣା ହେବ । ଏହା ପୂର୍ବରୁ କୌଣସି ମହିଳାଙ୍କୁ ପଞ୍ଜାବ ବିଧାନସଭାର ସ୍ପିକର ପଦ ମିଳି ନାହିଁ । ଦିଲ୍ଲୀରେ ଏହାକୁ ନେଇ ଚର୍ଚ୍ଚା ହୋଇଛି ।
