ଲିମା,୨୦ ।୧୨: କରୋନା ମହାମାରୀ ମଧ୍ୟରେ ବି ସାରା ବିଶ୍ୱ ଖ୍ରୀଷ୍ଟମାସକୁ ନେଇ ପ୍ରସ୍ତୁତି ଜାରି ରଖିଛି । ପେରୁରେ ଭିନ୍ନ ଢଙ୍ଗରେ ସାନ୍ତା କ୍ଲଜ କରୋନା ସଂକ୍ରମିତ ଶିଶୁଙ୍କୁ ଉପହାର ଦେଉଥିବା ଦେଖାଯାଇଛି । ସାନ୍ତା ଦମକଳ ଗାଡିରେ କ୍ରେନ୍ ଉପରେ ରହି କରୋନା ସଂକ୍ରମିତ ଶିଶୁଙ୍କୁ ଉପହାର ଦେଉଥିବା ଦେଖାଯାଇଛି ।
ସୂଚନାଯୋଗ୍ୟ, ପେରୁର ରାଜଧାନୀ ଲିମାରେ କରୋନା ସଂକ୍ରମିତ ଶିଶୁଙ୍କୁ ଅଲଗା ରଖାଯାଇଛି । ସେମାନେ ରହୁଥିବା ପ୍ୟାନ ଆମେରିକାନ ଭିଲେଜର ନିର୍ଦ୍ଦେଶକ ଜୁଆନ ଅରୋଣ୍ଡି କହିଛନ୍ତି ଏହା ହେଉଛି କୋଭିଡ ହାଇରିସ୍କ ଅଞ୍ଚଳ । ତେଣୁ ସେଠାକୁ ସାଧାରଣ ଭାବେ କେହି ଯାଇ ପାରିବେ ନାହିଁ । ହେଲେ ଖ୍ରୀଷ୍ଟମାସରେ ଶିଶୁମାନଙ୍କୁ ଖୁସି ଦେବାକୁ ସାନ୍ତା ଓ ଫାୟାର ବ୍ରିଗେଡ ଏକ ସମାଧାନ ବାହାର କରି ସଂକ୍ରମିତ ଶିଶୁଙ୍କୁ ଉପହାର ଦେବାକୁ ଯାଇଛନ୍ତି । ସେଠାରେ ସେମାନେ କ୍ରେନ୍ ମାଧ୍ୟମରେ ଶିଶୁଙ୍କୁ ଉପହାର ଦେଇଛନ୍ତି ।
