ସଂସ୍କାର ପାଠ

ମା’ ପେଟରୁ ହିଁ ପିଲାଟିଏ ଶିଖିଥାଏ
ପ୍ରଥମ ପାଠ। ଜନ୍ମ ହେଲାମାତ୍ରେ ପରିବାର
ପାଲଟେ ତା’ର ପ୍ରଥମ ପାଠଶାଳା। ମା, ବାପା,ଭଉଣୀ ଭାଇଙ୍କଠାରୁ ଆରମ୍ଭ ହୋଇଥିବା ଏ ସଂସ୍କାର ଜୀବନର ଶେଷ ଯାଏ ଚାଲିଥାଏ। ଜୀବନର ନୀତି ନୈତିକତା ପାଇଁ ନୈତିକ ଶିକ୍ଷା ବି ବେଶ୍‌ ଜରୁରୀ। ଆରମ୍ଭରୁ ଗପ,
ଗୀତ ଆଉ କାହାଣୀ ମାଧ୍ୟମରେ
ଦିଆଯାଉଥିବା ଶିକ୍ଷା ଏବେ
ପାଠ୍ୟକ୍ରମରେ ସାମିଲ
ହେଲାଣି…

ସିଲାବସ ପାଠ ପଢ଼ିବା ଆଗରୁ ପିଲାଙ୍କୁ ପରିବାରରୁ ମିଳେ ନୈତିକତାର ପାଠ। ନୈତିକ ଗୁଣ ହିଁ ସେମାନଙ୍କର ଚରିତ୍ର ଆଉ ସଂସ୍କାରର ପରିଚୟ ଦେଇଥାଏ। ଆଉ ପିଲାଙ୍କୁ ନୈତିକତାର ଶିକ୍ଷା ଦେବା କ୍ଷେତ୍ରରେ ମା’ମାନଙ୍କର ହିଁ ଭୂମିକା ସବୁଠୁ ଅଧିକ।
ଗପ,ଗୀତରେ ଶିକ୍ଷା: ମାଆମାନେ ପିଲାମାନଙ୍କୁ ସବୁଦିନେ ଶୋଇବାବେଳେ ବିଭିନ୍ନ ପ୍ରକାରର ଗପ କହିବା ସହିତ ଗୀତ ବି ଶୁଣାନ୍ତି। ଆଉ ଏଇ ଗପ ଓ ଗୀତ ମାଧ୍ୟମରେ ହିଁ ସେମାନଙ୍କୁ ବିଭିନ୍ନ ପ୍ରକାର ନୀତିଶିକ୍ଷା ଦେଇଥାନ୍ତି। ଗପ କି ଗୀତ ଶୁଣିବା ପାଇଁ ସାଧାରଣତଃ ପିଲାମାନେ ଭଲପାନ୍ତି। ଏହି ମାଧ୍ୟମ ହିଁ ସେମାନଙ୍କ ଉପରେ ବେଶି ପ୍ରଭାବ ପକାଇଥାଏ। ମାଆମାନଙ୍କ ବ୍ୟତୀତ ଜେଜେ କିମ୍ବା ଜେଜମାମାନେ ମଧ୍ୟ ସୁନ୍ଦର କାହାଣୀ ଓ କଥା ମାଧ୍ୟମରେ ଜୀବନର ନୈତିକ ଶିକ୍ଷା ଦେଇଥାନ୍ତି।
ପରିବାର ସହ: ପରିବାରରେ ସମସ୍ତଙ୍କ ସହିତ ଏକାଠି ରହିବା ମଧ୍ୟ ଏକ ନୈତିକ ଶିକ୍ଷାର ମାଧ୍ୟମ। କାହିଁକିନା ଯୌଥ ପରିବାରରେ ସମସ୍ତଙ୍କ ସହିତ ରହିବା ସମୟରେ କାହା ପ୍ରତି କିଭଳି ବ୍ୟବହାର କରିବାକୁ ହୁଏ ସେନେଇ ଶିକ୍ଷା ମିଳିଥାଏ। ପିଲାଙ୍କୁ ଶିଷ୍ଟାଚାର ଶିକ୍ଷା, ନମ୍ର ବ୍ୟବହାର ଆଉ ସହିଷ୍ଣୁତା ଆଦି ଗୁଣ ମଧ୍ୟ ଶିକ୍ଷା ମିଳିଥାଏ।
ସମାଜ ସଂସ୍କାର: ନୀତି ଆଦର୍ଶରେ ଅନୁପ୍ରାଣିତ ହୋଇଥିବା ବ୍ୟକ୍ତିଙ୍କୁ ସମାଜର ସବୁ ସ୍ଥାନରେ ଆଦର ମିଳିଥାଏ। ଉତ୍ତମ ଚରିତ୍ରର ବ୍ୟକ୍ତିଙ୍କ ବ୍ୟବହାରରେ ସମସ୍ତେ ଖୁସି ହୋଇଥାନ୍ତି। ଖାଲି ସେତିକି ନୁହେଁ ପ୍ରତ୍ୟେକ ସ୍ଥାନରେ ସେ ତା’ ମହତ ଗୁଣ ଆଚରଣରେ ସମାଜ ପାଇଁ ମଧ୍ୟ ଉଦାହରଣ ସାଜିପାରନ୍ତି।
ଏମାନେ ଯାହା କରନ୍ତି
ନୈତିକ ଶିକ୍ଷା ନିହାତି ଜରୁରୀ:
ମୋ ମତରେ ପିଲା ଭଲ ପାଠ ପଢୁ କି ନ ପଢୁ କିନ୍ତୁ ଆଗ ଭଲ ମଣିଷଟେ ହେବା ଦରକାର। ସମସ୍ତଙ୍କୁ ଭଲ ବ୍ୟବହାର କରିବା, ସତ୍ୟ ଆଚରଣ, ସାଧୁତା, ପରିଶ୍ରମ ଆଦି ବିଭିନ୍ନ ଗୁଣ ପିଲାମାନେ ଛୋଟବେଳରୁ ପରିବାରରୁ ହିଁ ଶିକ୍ଷା କରିଥାନ୍ତି। ମୁଁ ସବୁବେଳେ ମୋ ପିଲାଙ୍କୁ ଏସବୁ ନୀତି ଶିକ୍ଷା ଦେବା ପାଇଁ ଯଥାସମ୍ଭବ ଚେଷ୍ଟା କରିଥାଏ। ତା ଛଡା ଘରେ ଅନ୍ୟମାନେ ବି ପିଲାଙ୍କୁ ନୀତିଶିକ୍ଷା ଦେଇ ଚରିତ୍ରବାନ୍‌ କରିବା ପାଇଁ ଯଥାସମ୍ଭବ ପ୍ରୟାସ କରିଥାନ୍ତି।
-ମୀନାଲିନ୍‌ ଗରାବଡୁ
ଗୃହିଣୀ, ଜୟରାମ ସିଂହ କମ୍ପ୍ଲେକ୍ସ, କାଡୁଗୋଡି, ବେଙ୍ଗାଲୁରୁ
ସମସ୍ତେ ପ୍ରଶଂସା କରନ୍ତି
ମୋ ପୁଅ ଏବେ ପାଠ ପଢି ଇଞ୍ଜିନିୟର ଚାକିରି କଲାଣି ଆଉ ଝିଅ ଏବେ ଲ ପଢୁଛି। ଭଲ ପାଠ ସାଙ୍ଗକୁ ସେମାନଙ୍କର ଉତ୍ତମ ଚରିତ୍ର ଗଠନ ନିମନ୍ତେ ମୁଁ ଢେର୍‌ ପ୍ରୟାସ କରିଛି। ଅବଶ୍ୟ ସାହିପଡ଼ିଶାଠାରୁ ଆରମ୍ଭକରି ବନ୍ଧୁବାନ୍ଧବ ସମସ୍ତେ ସେମାନଙ୍କ ଆଚରଣରେ ଖୁବ୍‌ ଖୁସି। ସମସ୍ତେ ସେଥିପାଇଁ ଆମର ଲାଳନପାଳନକୁ ବେଶ୍‌ ପ୍ରଶଂସା କରନ୍ତି। ଆଉ ପିଲାଙ୍କର ଏଭଳି ଗୁଣ ପାଇଁ ପ୍ରଶଂସା ଶୁଣି ଆମେ ବେଶ୍‌ ଗର୍ବିତ।
-ଆରତୀ ପାଣି
ଗୃହିଣୀ, ବାସନ୍ତି କଲୋନୀ, ଉଦିତ ନଗର, ରାଉରକେଲା
ସର୍ବପ୍ରଥମେ ନୈତିକତା
ପିଲାଙ୍କୁ ପାଠ ସାଙ୍ଗକୁ ସଂସ୍କାରୀ କରି ଗଢ଼ିବା ନିହାତି ଜରୁରୀ। ନୈତିକତା ନ ଥିଲେ ପିଲାମାନେ ଯେତେ ଭଲ ପାଠ ପଢ଼ି ଯେତେ ଅଧିକ ଅର୍ଥ ରୋଜଗାର କଲେ ତା’ର କିଛି ମୂଲ୍ୟ ନ ଥାଏ। ଅମୃତରେ ଭରାଥିବା ପାତ୍ରରେ ଟୋପାଏ ବିଷ ଯେମିତି ସବୁ କିଛି ନଷ୍ଟ କରିଦିଏ ସେମିତି ନୈତିକ ଗୁଣର ଅଭାବରେ ଜଣେ ବ୍ୟକ୍ତି ସବୁ ସ୍ଥାନରେ ନିନ୍ଦାର ପାତ୍ର ହୋଇଥାନ୍ତି। ଏଥିପାଇଁ ମୁଁ ପିଲାଙ୍କୁ ଯଥାସମ୍ଭବ ନୈତିକ ଶିକ୍ଷା ଦେବାକୁ ଚେଷ୍ଟା କରିଥାଏ।
-ପ୍ରତିଭା ଦାସ ମହାପାତ୍ର
ଶିକ୍ଷୟିତ୍ରୀ, ସତ୍ୟବିହାର, ରସୁଲଗଡ଼, ଭୁବନେଶ୍ୱର
ଆଚରଣରେ ପ୍ରଭାବ
ମୁଁ ମୋର ଦୁଇ ପିଲାଙ୍କୁ ନୈତିକ ଶିକ୍ଷା ଦେବାକୁ ସବୁ ସମୟରେ ଚେଷ୍ଟା କରିଥାଏ। ଏଥିପାଇଁ ମୁଁ ତାକୁ ପ୍ରତିଥର ସ୍କୁଲ ଛୁଟି ସମୟରେ ଗାଁରେ ସମସ୍ତଙ୍କ ସହ ରହିବା ପାଇଁ ପଠାଇଥାଏ। ଘରେ ଥିଲେ ପ୍ରତିଦିନ ପ୍ରାର୍ଥନା କରିବାକୁ କୁହେ। ଏହା ସହିତ ମୋତେ ଘରର ବିଭିନ୍ନ କାମରେ ସାହାଯ୍ୟ କରିବାକୁ ଶିଖାଏ। ଖାଲି ସେତିକି ନୁହେଁ ମୁଁ କିଭଳି ବଡ଼ମାନଙ୍କୁ ସମ୍ମାନ ଦେବା ସହ ଭଲ ବ୍ୟବହାର କରୁଛି ତା’ ମଧ୍ୟ ତାକୁ ଉଦାହରଣ ଦିଏ। ଖାଲି ସେତିକି ନୁହେଁ ପିଲାଙ୍କୁ ସଂସ୍କାରୀ କରିବା ପାଇଁ ମୁଁ ସେମାନଙ୍କୁ ଭୁବନେଶ୍ୱରରେ ରହୁଥିଲେ ବି ସରସ୍ବତୀ ଶିଶୁମନ୍ଦିରରେ ପାଠ ପଢାଉଛି।
-ପ୍ରଭାସିନୀ ବେହେରା
ଗୃହିଣୀ, କଳିଙ୍ଗ ନଗର, ପାତ୍ରପଡ଼ା, ଭୁବନେଶ୍ୱର


Enter your email to get our daily news in your inbox.

All Right Reserved By Dharitri.Com

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ମାତ୍ର ୯୦ଟି ଅଭିଯୋଗରେ ସୀମିତ, ପ୍ରଚାର ଅଭାବ ନା ସମାଧାନ ଉପରୁ ତୁଟିଲାଣି ଭରସା

ଥୁଆମୂଳ ରାମପୁର, ୧୬।୧୧ (ଦୁର୍ଗା କୀର୍ତ୍ତି): କଳାହାଣ୍ଡି ଜିଲାର ଅତି ଦୁର୍ଗମ ତଥା ଆଦିବାସୀ ବହୁଳ ଥୁଆମୂଳ ରାମପୁର ବ୍ଲକ ବୈଠକ ସଭା ଗୃହ ଠାରେ ସୋମବାର…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ଶିକ୍ଷକ ନିଯୁକ୍ତି ଦାବି: ସମାଧାନ ନ ହେଲେ ସ୍କୁଲରେ ତାଲା ପକାଇବାକୁ ଗ୍ରାମବାସୀଙ୍କ ଚେତାବନୀ

ଗୁଡାରି, ୧୬।୧୧ (ପ୍ରମୋଦ କୁମାର ପତି): ଗୋଟିଏ ଶିକ୍ଷୟିତ୍ରୀଙ୍କ ଭରସାରେ ଚାଲିଛି ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପାଠପଢ଼ା। ବିଦ୍ୟାଳୟରେ ଆବଶ୍ୟକ ଶିକ୍ଷକ ନଥିବାରୁ ପିଲାଙ୍କ ପାଠପଢ଼ା…

ଯେଉଁଠି ପ୍ରଥମେ ଭେଟିଥିଲେ ସୋନିଆ-ରାଜୀବ, ସେହି ରେଷ୍ଟୁରାଣ୍ଟକୁ ଗର୍ଲଫ୍ରେଣ୍ଡଙ୍କ ସହ ଯାଇଥିଲେ ରାହୁଲ! ନିଜେ କଲେ ଖୁଲାସା

ନୂଆଦିଲ୍ଲୀ,୧୬।୧୧: କଂଗ୍ରେସ ସାଂସଦ ରାହୁଲ ଗାନ୍ଧୀ ତାଙ୍କ ମାଆ ସୋନିଆ ଗାନ୍ଧୀଙ୍କ ପୁସ୍ତକ ‘ବିଲଙ୍ଗିଂ: ଏ ଜର୍ଣ୍ଣି ଅଫ ଲଭ’ର ଉନ୍ମୋଚନ ଅବସରରେ ପରିବାର ସହ ଜଡ଼ିତ…

IPL ନିଲାମୀ ପୂର୍ବରୁ ବଡ଼ ଟ୍ରେଡ୍‌: ବଦଳିବ ଶାମିଙ୍କ ଠିକଣା, ଲକ୍ଷ୍ନୌ ଛାଡ଼ି ଏହି ଦଳକୁ ଯିବେ!

ନୂଆଦିଲ୍ଲୀ,୧୬।୧୧: IPL ନିଲାମୀ ପୂର୍ବରୁ ଖେଳାଳିଙ୍କ ଅଦଳବଦଳ ପ୍ରକ୍ରିୟା ଜୋର୍‌ ଧରିବାରେ ଲାଗିଛି। ଏହି କ୍ରମରେ ଭାରତୀୟ ଦ୍ରୁତ ବୋଲର ମହମ୍ମଦ ଶାମିଙ୍କୁ ନେଇ ଏକ ବଡ଼…

ଥାନାରେ ପଶି ପୋଲିସ ଅଧିକାରୀଙ୍କୁ ହତ୍ୟା ଉଦ୍ୟମ: ଗିରଫ ହୋଇ ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୬।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ଥାନାରେ ପଶି ଏସ୍‌ଆଇ ରାଜ କିଶୋର ପାତ୍ର ଏବଂ ହୋମଗାର୍ଡ ଲକ୍ଷ୍ମୀକାନ୍ତ ମହାପାତ୍ରଙ୍କୁ ହତ୍ୟା ଉଦ୍ୟମ ଘଟଣାରେ ସମ୍ପୃକ୍ତ…

ସେହୱାଗଙ୍କ ପୁଅ ଆର୍ଯ୍ୟବୀରଙ୍କୁ ଲାଗିଲା ବଡ଼ ଝଟ୍‌କା: ଭଲ ପ୍ରଦର୍ଶନ ସତ୍ତ୍ୱେ ଖେଳିପାରିବେନି ଅଣ୍ଡର-୧୯ ବିଶ୍ୱକପ, ଜାଣନ୍ତୁ କାରଣ…

ନୂଆଦିଲ୍ଲୀ,୧୬।୧୧: ଭାରତର ପୂର୍ବତନ ବିସ୍ଫୋରକ ଓପନର ବ୍ୟାଟର ବୀରେନ୍ଦ୍ର ସେହୱାଗଙ୍କ ପୁଅ ଆର୍ଯ୍ୟବୀର ସେହୱାଗ ନିକଟରେ ଅଣ୍ଡର-୧୯ ଏସିଆ କପରେ ନିଜର ଦମଦାର ପ୍ରଦର୍ଶନ ବଳରେ ସମସ୍ତଙ୍କ…

ନ୍ୟୁଜିଲାଣ୍ଡ ସିରିଜ ପୂର୍ବରୁ ଟିମ ଇଣ୍ଡିଆରେ ବଡ଼ ହଲଚଲ: ୧୦ ନୂଆ ଖେଳାଳିଙ୍କ ଏଣ୍ଟ୍ରି, ଦେଖନ୍ତୁ ପୂରା ତାଲିକା

ନୂଆଦିଲ୍ଲୀ,୧୬।୧୧: ଟି-୨୦ ଓ ଦିନିକିଆ ସିରିଜ ପରେ ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ୨ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଖେଳାଯିବ। ନଭେମ୍ବର ୧୯ ତାରିଖରୁ ଏହି…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?