ନୂଆଦିଲ୍ଲୀ,୧୭।୧୦: ପ୍ରେମ ପ୍ରେମ ହୋଇଥାଏ। ଏହା ପୁରୁଷ ସ୍ତ୍ରୀ ମଧ୍ୟରେ ହୋଇପାରେ, ନାରୀ ପ୍ରତି ନାରୀ କିମ୍ବା ପୁରୁଷ ପ୍ରତି ପୁରୁଷ ମଧ୍ୟରେ ପ୍ରେମ ହୋଇଥାଏ। ସମାଜରେ ଯେଉଁଠାରେ ପୁରୁଷ ଏବଂ ସ୍ତ୍ରୀ ମଧ୍ୟରେ ପ୍ରେମ ସମ୍ପର୍କ ଗ୍ରହଣୀୟ ନୁହେଁ, ତେବେ ଆମେ କିପରି ବଶ୍ୱାସ କରିପାରିବା ଯେ ଏହି ବିଶ୍ୱ ସମଲିଙ୍ଗୀ ସମ୍ପର୍କକୁ ଗ୍ରହଣ କରିବ। ସମଲିଙ୍ଗୀ ସମ୍ପର୍କ ଏକ ଅପରାଧ ନା ପ୍ରେମ ଏକ ଅପରାଧ। ଭାରତରେ ସମଲିଙ୍ଗି ବିବାହକୁ ମାନ୍ୟତା ମିଳିବ କି ନା ତାକୁ ନେଇ ସୁପ୍ରିମକୋର୍ଟରେ ଶୁଣାଣି ଜାରି ରହିଛି।
ଦୁନିଆର ଅନେକ ଦେଶରେ ସେଠାକାର ସରକାର ସମଲିଙ୍ଗୀ ବିବାହକୁ ଆଇନଗତ ସ୍ବୀକୃତି ଦେଇଛନ୍ତି। ବର୍ତ୍ତମାନ ସମଲିଙ୍ଗୀ ବିବାହକୁ ଆଇନଗତ କରିଥିବା ଦେଶ ତାଲିକାରେ ଏକ ନୂତନ ନାମ ଯୋଡା ଯାଇଛି। ଏହି ଦେଶର ନାମ ହେଉଛି ଆମେରିକା। ସୂଚନାଯୋଗ୍ୟ, ଆମେରିକା ସଂସଦ ଦ୍ୱାରା ସମାନ ଲିଙ୍ଗି ବିବାହ ବିଲ ପାସ ହେବା ସହିତ, ସୁପ୍ରିମକୋର୍ଟଙ୍କ ୨୦୧୫ ନିଷ୍ପତ୍ତି ପରେ ବିବାହ କରିଥିବା ହଜାର ହଜାର ସମଲିଙ୍ଗୀ ଦମ୍ପତିଙ୍କ ପାଇଁ ଏହା ଏକ ବଡ଼ ଆଶ୍ୱସ୍ତି ଥିଲା। ଏହି ନିଷ୍ପତ୍ତି ଅନୁଯାୟୀ ସମଗ୍ର ଦେଶରେ ସମଲିଙ୍ଗୀ ବିବାହକୁ ଆଇନଗତ ମାନ୍ୟତା ଦିଆଯାଇଥିଲା। ଏହା ସହିତ ବର୍ତ୍ତମାନ ବିଶ୍ୱର ଅତି କମରେ ୩୨ ଟି ଦେଶରେ ସମଲିଙ୍ଗୀ ବିବାହକୁ ଅନୁମତି ଦିଆଯାଇଛି।
ସମଲିଙ୍ଗୀ ବିବାହକୁ ଅନୁମତି ଦେଇଥିବା ନେଦରଲ୍ୟାଣ୍ଡ ହେଉଛି ପ୍ରଥମ ଦେଶ। ଏହି ଦେଶ ୧ ଏପ୍ରିଲ ୨୦୦୦ରେ ସମାନ ଲିଙ୍ଗ ବିବାହକୁ ସ୍ବୀକୃତି ଦେଇଥିଲା। ସୂଚନାଯୋଗ୍ୟ, ଅଧିକାଂଶ ୟୁରୋପୀୟ ଏବଂ ଦକ୍ଷିଣ ଆମେରିକୀୟ ଦେଶ ସମଲିଙ୍ଗୀ ବିବାହକୁ ଅନୁମୋଦନ କରନ୍ତି। ମୋଟ ଉପରେ, ବର୍ତ୍ତମାନ ପର୍ଯ୍ୟନ୍ତ ୩୨ଟି ଦେଶ ସମଲିଙ୍ଗୀ ବିବାହକୁ ଆଇନଗତ ମାନ୍ୟତା ଦେଇଛନ୍ତି।
ସମଲିଙ୍ଗୀ ବିବାହକୁ ସମାନ ଲିଙ୍ଗ ବିବାହ ମଧ୍ୟ କୁହାଯାଏ। ଏଥିରେ ସମାନ ଲିଙ୍ଗର ଦୁଇ ଜଣ ପରସ୍ପରକୁ ବିବାହ କରନ୍ତି, ଯେପରିକି ଯଦି ୨ ମହିଳା ଓ ୨ ପୁରୁଷ ପରସ୍ପରକୁ ବିବାହ କରନ୍ତି, ତେବେ ଏହାକୁ ସମଲିଙ୍ଗୀ ବିବାହ କୁହାଯିବ। ସୂଚନାଯୋଗ୍ୟ, ସମଲିଙ୍ଗୀ ବିବାହ ଏପର୍ଯ୍ୟନ୍ତ ଭାରତରେ ଆଇନଗତ ମାନ୍ୟତା ପାଇନାହିଁ। ବିଶ୍ୱର ୩୨ଟି ଦେଶ ଅଛି ଯେଉଁଠାରେ ସମଲିଙ୍ଗୀ ବିବାହ ଆଇନଗତ ଭାବରେ ସ୍ବୀକୃତିପ୍ରାପ୍ତ।
