ମୁମ୍ବାଇ,୯।୧୨-ବଲିଉଡ ସୁପରଷ୍ଟାର ସଲମାନ୍ ଖାନ୍ ସୋସିଆଲ ମିଡିଆରେ ଅଧିକାଂଶ ସମୟ ଆକ୍ଟିଭ ରହିଥାନ୍ତି। ସେ ଇନ୍ଷ୍ଟାଗ୍ରାମରେ ନିଜର ଫଟୋ ଶେୟାର କରି ଚର୍ଚ୍ଚାରେ ମଧ୍ୟ ରହିଥାନ୍ତି। କେତେବେଳେ ଟ୍ରାକ୍ଟରେ ବସି ବିଲରେ ଚାଷ କରୁଥିବା ନଜର ଆସିଛନ୍ତି ତ ଆଉ କେତେବେଳେ ରାସ୍ତାରେ ସାଇକେଲ ଚଲାଉଥିବା ମଧ୍ୟ ଦେଖାଯାଇଛି। ବର୍ତ୍ତମାନ ସଲମାନ୍ ନିଜର ଇନ୍ଷ୍ଟାଗ୍ରାମରେ ଏକ ଫଟୋ ଶେୟାର କରିଛନ୍ତି। ଯେଉଁଥିରେ ସେ ଜିମରେ ଓ୍ବାର୍କଆଉଟ ପରେ ଖୋଲା ଦେହରେ ପୋଜ ଦେଇ ଠିଆ ହୋଇଥିବା ଦେଖାଯାଇଛି। ସେ କ୍ୟାପସନରେ ଲେଖିଛନ୍ତି, ଶକ୍ତିଶାଳୀ ହୁଅ। ଏହି ଫଟୋ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି। ସଲମାନ୍ଙ୍କ ଏପରି ଫଟୋରେ କଳାକାରଙ୍କଠାରୁ ଆରମ୍ଭ କରି ତାଙ୍କ ଫ୍ୟାନମାନେ ଭିନ୍ନଭିନ୍ନ ମତ ଦେଇ ଦେଇଛନ୍ତି।
