ମୁମ୍ବାଇ: କାଜଲଙ୍କ ଅଭିନୀତ ଫିଲ୍ମ ‘ସଲାମ ଭେଙ୍କି’କୁ ଦର୍ଶକେ ବହୁ ସମୟ ଧରି ଅପେକ୍ଷା କରି ରହିଛନ୍ତି । ସୋମବାର ଏହାର ଟ୍ରେଲର ରିଲିଜ ହୋଇଛି । ଟ୍ରେଲର ଦେଖି ଅନୁମାନ କରାଯାଉଛି କି ଏହା ପାରିବାରିକ ସମସ୍ୟା ସହ ଜଡିତ ଏକ କାହାଣୀ । ଏଥିରେ କାଜଲ ଜଣେ ମାଆ ଭୂମିକାରେ ଅଭିନୟ କରିଛନ୍ତି ଯିଏ ନିଜ ପୁଅ ସାମ୍ନାରେ ଆସୁଥିବା ସମସ୍ତ ସମସ୍ୟା ସହ ଏକେଲା ଲଢୁଛନ୍ତି ଏହା ସହ ପୁଅକୁ ସାହସ ବି ଦେଉଛନ୍ତି । ଫିଲ୍ମର କାହାଣୀ ଇମୋଶନ, ଫ୍ୟାମିଲି ଡ୍ରାମା ଓ ଚ୍ୟାଲେଞ୍ଜରେ ଭରପୁର । ଫିଲ୍ମରେ କାଜଲଙ୍କ ପୁଅ ଭୂମିକାରେ ଅଭିନୟ କରଛନ୍ତି ବିଶାଲ ଜେଠୱା । ଏଥିରେ ତାଙ୍କ ନାମ ଭେଙ୍କଟେଶ ଓରଫ ଭେଙ୍କି ଭୂମିକାରେ ସେ ଅଭିନୟ କରିଛନ୍ତି । ଟ୍ରେଲରର ଆରମ୍ଭ ମା’ ଓ ପୁଅର ମଜାକ ସହ ଆରମ୍ଭ ହେଉଛି ।
ଉଭୟ ମଆ ପୁଅ ରାଜେଶ ଖାନ୍ନାଙ୍କ ଫିଲ୍ମର ଡାଏଲଗ ‘ଜିନ୍ଦେଗି ଲମ୍ବି ନେହିଁ ବଡି ହୋନି ଚାହିଏ ବାବୁ ମୋଶାୟ’ରୁ ଆରମ୍ଭ ହୋଇଛି । ଭେଙ୍କି କୌଣସି ଏକ ରୋଗରେ ପୀଡ଼ିତ, ସେ ହସ୍ପିଟାଲ ବେଡରେ ପଡି ରହିଥିବା ଦେଖାଯାଇଛି । ଫିଲ୍ମର ଟ୍ରେଲର ଦେଖି ଲାଗୁଛି ଫିଲ୍ମର କାହାଣୀ ଦର୍ଶକଙ୍କୁ ନିଶ୍ଚିତ ଛୁଇଁପାରିବ । ଏହାସହ ସବୁ ପ୍ରକାର ସମସ୍ୟା ଥାଇ ବି କେମିତି ହସିହସି ଜୀବନକୁ ବିତାଇବାକୁ ପଡିଥାଏ ତାହା ଥିରେ ଦର୍ଶାଯାଇଛି । ଭେଙ୍କି ରୋଗ ଗ୍ରସ୍ତ ହେଲେ ବି ସେ ତାଙ୍କ ସ୍ୱପ୍ନକୁ ପୂରଣ କରିବାକୁ ବେଶ ଆଶାବାଦୀ । ଏପଟେ ପୁଅ ସାମ୍ନାରେ କେବେବି ନିଜକୁ କମ ଜୋର କରି ନାହାନ୍ତି କାଜଲ । ଶେଷ ପର୍ଯ୍ୟନ୍ତ ସେ ତାଙ୍କ ପୁଅର ମନୋବଳକୁ ଦୃଢ କରି ରଖିଛନ୍ତି ।
ସୋସିଆଲ ମିଡିଆରେ ଟ୍ରେଲରକୁ ବେଶ ପସନ୍ଦ କରୁଛନ୍ତି ଦର୍ଶକେ । ଏହା ହିଟ ହେବା ସହ ଦର୍ଶକଙ୍କ ଆଖିରେ ଲୁହ ଭରିଦେବ ବୋଲି ଅନେକ କମେଣ୍ଟ କରିଛନ୍ତି । ଫିଲ୍ମରେ କାଜଲଙ୍କ ବ୍ୟତୀତ ଆମିର ଖାଁ, ରାହୁଲ ବୋଷ, ବର୍ଷା କୁକରେଜା, ପ୍ରକାଶ ରାଜ ଓ ଅହାନି କୁମାରୀ ମୁଖ୍ୟ ଭୂମିକାରେ ନଜର ଆସିବେ । ୧୯ ଡିସେମ୍ବରରେ ଏହା ରିଲିଜ୍ ହେବାର ଯୋଜନା ରହିଛି । ଭେଙ୍କି ରେବତିଙ୍କ ଦ୍ୱାରା ନିର୍ଦ୍ଦେଶିତ ।
