ଝାରସୁଗୁଡ଼ା ଅଫିସ,୧୩ା୮: ଲଖନପୁର ବ୍ଲକ୍ ପଞ୍ଚଗାଁ ପଞ୍ଚାୟତ ମହିମାପରୁରମ୍ ବିଜାପାଲି ମହିମା ଆଶ୍ରମରେ ନବାନ୍ନ ଭକ୍ଷଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏଥିରେ ଆଶ୍ରମର ଚିତ୍ରସେନ ଦାସ, ନିରଞ୍ଜନ ଦାସ, ସ୍ବରୂପା ଦାସ, ନେପାଳ ଦାସ, ନିର୍ମାୟାନନ୍ଦ ଦାସ, ଅଭୟ ଦାସ, ନରହରି ତ୍ୟାଗୀ ପ୍ରମୁଖ ସାଧୁସନ୍ଥମାନେ ଯୋଗଦେଇଥିଲେ। ପ୍ରାରମ୍ଭରେ ମହାପ୍ରଭୁଙ୍କ ନିକଟରେ ଅଖଣ୍ଡବତୀ ପ୍ରଜ୍ଜ୍ୱଳନ କରିବା ସହ ବ୍ରହ୍ମଧ୍ୱନି କୁଣ୍ଡରେ ଘୃତାହୁତି ଅର୍ପଣ କରାଯାଇ ଜଗତର ମଙ୍ଗଳ କାମନା କରାଯାଇଥିଲା। ଏହି ଅବସରରେ ଆଶ୍ରମ ସଭାମଣ୍ଡପରେ ଏକ ଆଧ୍ୟାତ୍ମିକ ସଭା ଆୟୋଜନ ହୋଇଥିଲା। ଏଥିରେ ବହୁ ସାଧୁସନ୍ଥ ଯୋଗଦେଇ ସତ୍ପଥ ପ୍ରଦର୍ଶନ ପୂର୍ବକ ଧର୍ମମାର୍ଗରେ ପାରିଚାଳିତ ହେବାପାଇଁ ମାର୍ଗଦର୍ଶନ ଦେଇଥିଲେ। ଏହି ସଭାକୁ ବଡଭାଇ ଭକ୍ତ ବିରଞ୍ଚତ୍ ସାହୁ ପରିଚାଳନା କରିଥିଲେ। ମହାପ୍ରଭୁଙ୍କୁ ନବାନ୍ନ ସମର୍ପଣ ପରେ ସାଧୁସନ୍ଥ ଓ ପରେ ଭକ୍ତମାନେ ନବାନ୍ନ ଭକ୍ଷଣ କରିଥିଲେ। ଏଥିରେ ଭକ୍ତ ବାସୁଦେବ ପ୍ରଧାନ, ନଟବର ଭୋଇ, ନେହୁର ବାଗ୍, ପଞ୍ଚାନନ ପ୍ରଧାନ, କୃଷ୍ଣଚନ୍ଦ୍ର ଭୋଇ, ବାବାଜୀ ପ୍ରଧାନ, ରାଜେନ୍ଦ୍ର ଦେହେରୀ ପ୍ରମୁଖ ଉପସ୍ଥିତ ଥିଲେ ।
