Posted inଖେଳ

ନିଜଠାରୁ ୬ ବର୍ଷ ବଡ଼ ଅଞ୍ଜଳିଙ୍କୁ ହୃଦୟ ଦେଇ ବସିଥିଲେ ସଚିନ୍‌: ୧୭ ବର୍ଷ ବୟସରେ ଏପରି ଆରମ୍ଭ ହୋଇଥିଲା ‘ଲଭଷ୍ଟୋରୀ’

ନୂଆଦିଲ୍ଲୀ,୧୪।୮: ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକରଙ୍କ ପାଇଁ ଆଜିର ଦିନଟି ବେଶ ଗୁରୁତ୍ୱପୂର୍ଣ୍ଣ। ୧୯୯୦ ଅଗଷ୍ଟ ୧୪ରେ ସେ ନିଜ କ୍ୟାରିୟରର ପ୍ରଥମ ଶତକ ମାରିଥିଲେ। ଇଂଲଣ୍ଡ ବିରୋଧରେ ମଞ୍ଚେଷ୍ଟରରେ ଖେଳାଯାଉଥିବା ଟେଷ୍ଟର ପଞ୍ଚମ ଦିନରେ ସଚିନ ୧୧୯ ରନ୍‌ କରି ଭାରତକୁ ଜିତାଇଥିଲେ।

୪୦୮ ରନ୍‌କୁ ପିଛା କରୁଥିବା ଭାରତୀୟ ଟିମ୍‌ ୧୮୩ରନ୍‌ରେ ୬ ଓ୍ବିକେଟ୍‌ ହରାଇଥିଲା। ଏହାପରେ ସଚିନ ଏବଂ ମନୋଜ ପ୍ରଭାକର ମଇଦାନକୁ ଆସିଥିଲେ। ଉଭୟ ୧୬୦ରନ୍‌ର ଯୋଗଦାନ କରିଥିଲେ। ଫଳରେ ଭାରତ ୩୪୩/୬ ଭଳି ସ୍ଥିତିରେ ପହଞ୍ଚିଥିଲା। ଗୋଟିଏ ପଟେ ଜୀବନର ପ୍ରଥମ ଶତକ ଏବଂ ପରଦିନ ସ୍ବାଧୀନତା ଦିବସ ଥିବାରୁ ଏହି ଶତକ ବହୁତ ଖାସ୍‌ ପାଲଟିଥିଲା। ସେ କମ୍‌ ବୟସ(୧୭ ବର୍ଷ ୭୮ ଦିନ)ରେ ଟେଷ୍ଟ ଖେଳି ଶତକ ହାସଲ କରିଥିବା ଦ୍ୱିତୀୟ କ୍ରିକେଟର ପାଲଟିଥିଲେ।

ନିଜ କ୍ୟାରିୟରର ପ୍ରଥମ ଇଂଲଣ୍ଡ ଗସ୍ତ ସାରି ଫେରିବା ପରେ ସଚିନଙ୍କ ଜୀବନର ଆଉ ଏକ ଅଧ୍ୟାୟ ଆରମ୍ଭ ହୋଇଥିଲା। କାରଣ ପ୍ରଥମ ଥର ପାଇଁ ସଚିନ ଅଞ୍ଜଳିଙ୍କୁ ମୁମ୍ବାଇ ବିମାନବନ୍ଦରରେ ଦେଖିଥିଲେ। ଅଞ୍ଜଳି ନିଜ ବନ୍ଧୁଙ୍କ ସହ ମା’ଙ୍କ ଆସିବା ବାଟକୁ ଅନାଇ ବସିଥିଲେ। ଏହି ସମୟରେ ତାଙ୍କ ବନ୍ଧୁ ଡା. ଅପର୍ଣ୍ଣା ସଚିନଙ୍କୁ ଚିହ୍ନି ନେଇଥିଲେ। ପରେ ସେ ଅଞ୍ଜଳିଙ୍କୁ କହିଥିଲେ, ଦେଖ..ଇଏ ହେଉଛନ୍ତି ସେହି ଖେଳାଳି, ଯିଏ ଇଂଲଣ୍ଡରେ ଶତକ କରିଛନ୍ତି। ଏହା ଶୁଣି ଅଞ୍ଜଳି ଅଟୋଗ୍ରାଫ ପାଇଁ ସଚିନଙ୍କ ପଛରେ ଦୌଡ଼ିଥିଲେ। ଝିଅଟିଏ ପିଛା କରୁଥିବାରୁ ସଚିନ ମଧ୍ୟ ଲାଜେଇ ଯାଇଥିଲେ। ସେ ଚୁପ୍‌ଚାପ କାର୍‌ରେ ବସିଥିଲେ। ଏସବୁ ମଧ୍ୟରେ ମଜା କଥା ଏହା ଥିଲା ଯେ, ସଚିନଙ୍କଠାରୁ ଅଟୋଗ୍ରାଫ ଆଣିବାକୁ ଯାଇ ଅଞ୍ଜଳି ନିଜ ମାଆଙ୍କୁ ଭୁଲିଯାଇଥିଲେ।

ବିମାନବନ୍ଦରରେ ଭେଟିବା ପରେ ଅଞ୍ଜଳି ସଚିନଙ୍କ ସହ କଥା ହେବାକୁ ଚାହିଁଥିଲେ। ସାଙ୍ଗମାନଙ୍କ ସହାୟତାରେ ସେ ଫୋନ୍‌ ନମ୍ବର ପାଇଥିଲେ। ପରେ ଉଭୟ କଥା ହୋଇଥିଲେ। ପ୍ରଥମ କଲ୍‌ରେ ଅଞ୍ଜଳି ସଚିନଙ୍କୁ କହିଥିଲେ- ମୁଁ ବିମାନବନ୍ଦରରେ ଆପଣଙ୍କୁ ଦେଖିଥିଲି। ଏହାର ଜବାବରେ ସଚିନ କହିଥିଲେ-ହଁ, ମୁଁ ବି ଆପଣଙ୍କୁ ଦେଖିଥିଲି, ଆପଣ ମୋ ପଛରେ ଦୌଡ଼ୁଥିଲେ। ଧିରେ ଧିରେ କଥା ଆଗକୁ ବଢ଼ିଥିଲା। ଉଭୟ ଭଲ ବନ୍ଧୁ ହୋଇଥିଲେ। ସଚିନଙ୍କୁ ଦେଖିବା ପାଇଁ ଅଞ୍ଜଳି ନିଜକୁ ସାମ୍ବାଦିକାର ପରିଚୟ ଦେବାକୁ ମଧ୍ୟ ପଛାଇ ନ ଥିଲେ।

ଦୀର୍ଘ ପାଞ୍ଚ ବର୍ଷ ଧରି ସମ୍ପର୍କରେ ରହିବା ପରେ ବିବାହ କରିବାକୁ ନିଷ୍ପତ୍ତି ନେଇଥିଲେ ସଚିନ। ହେଲେ ଏହା କୌଣସି ବଡ ମ୍ୟାଚ୍‌ ଖେଳିବାରୁ କମ୍‌ ନ ଥିଲା। ହେଲେ ଉଭୟଙ୍କ ପରିବାର ରାଜି ହୋଇଥିଲେ। ଶେଷରେ ୧୯୯୪ରେ ଉଭୟ ନିର୍ବନ୍ଧ କରିନେଇଥିଲେ। ପରେ ୧୯୯୫ ମେ’ ୨୪ରେ ଉଭୟ ବିବାହ କରିଥିଲେ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ପଡ଼ିଆରେ ରାଗିଗଲେ କୋହଲି, ଅମ୍ପାୟାରଙ୍କ ସହ କଲେ ଯୁକ୍ତି ତର୍କ: ଜାଣନ୍ତୁ କାହିଁକି

କୋଲକାତା,୨୧।୪:ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ବିପକ୍ଷ ମ୍ୟାଚରେ ପ୍ରଥମେ ଖେଳୁଥିବା କୋଲକାତା ନାଇଟ ରାଇଡର୍ସ ୨୨୨ ରନ ସ୍କୋର କରିଥିଲା। ବିରାଟ କୋହଲି ଏବଂ ଫାଫ ଡୁ...

ଶେଷ ବଲ୍‌ରେ ଆରସିବିଠାରୁ ମ୍ୟାଚ୍‌ ଛଡାଇନେଲା କେକେଆର୍‌

କୋଲକାତା,୨୧।୪: ଆଇପିଏଲ୍‌ ୨୦୨୪ର ଏକ ରୋମାଞ୍ଚକର ମ୍ୟାଚ୍‌ରେ କୋଲକତା ନାଇଟ୍‌ ରାଇଡର୍ସଠାରୁ ମାତ୍ର ୧ ରନ୍‌ରେ ପରାସ୍ତ ହୋଇଛି ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ। ପ୍ରଥମେ ବ୍ୟାଟିଂ...

ମୋଦିଙ୍କୁ ପ୍ରଶଂସା କରି ରାହୁଲଙ୍କୁ ଜୁମଲା ବୋଲି କହିଲେ ରେସଲର ଦ ଗ୍ରେଟ ଖଲି

ନୂଆଦିଲ୍ଲୀ,୨୧।୪: ଡବ୍ଲ୍ୟୁଡବ୍ଲ୍ୟୁଇ ଷ୍ଟେଜରେ ବିଶ୍ୱର ବିଭିନ୍ନ ସ୍ଥାନରୁ ଆସିଥିବା କୁସ୍ତି ଯୋଦ୍ଧାମାନଙ୍କୁ ପରାସ୍ତ କରିଥିବା ଦି ଗ୍ରେଟ ଖଲି ଓରଫଦିଲୀପ ସିଂ ରାଣା ମଧ୍ୟ ଭାଜପା...

ଆର୍ୟଲ୍ୟାଣ୍ଡ-ସ୍କଟଲ୍ୟାଣ୍ଡ ଜର୍ସିରେ ଦେଖିବାକୁ ମିଳିବ ଦେଶି ଟଚ୍‌,ଏହି ଡେରି ପ୍ରୋଜେକ୍ଟ କରିବ ସ୍ପନସର

ନୂଅଦେିଲ୍ଲୀ,୨୧।୪: କର୍ନାଟକ ମିଲ୍କ ଫେଡେରେଶନ (କେଏମଏଫ) ଟି -୨୦ ବିଶ୍ୱକପରେ ସ୍କଟଲ୍ୟାଣ୍ଡ ଏବଂ ଆର୍ୟଲ୍ୟାଣ୍ଡ ଦଳକୁ ପ୍ରାୟୋଜିତ କରିବାକୁ ଯାଉଛି। ସୂଚନାଯୋଗ୍ୟ, ୱେଷ୍ଟଇଣ୍ଡିଜ ଏବଂ ଆମେରିକାରେ...

‘ହାର୍ଦ୍ଦିକ କି ପନ୍ତ ନୁହନ୍ତି, ଏହି ୨୪ ବର୍ଷୀୟ ଖେଳାଳି ହେବେ ଟିମ୍‌ ଇଣ୍ଡିଆର ଆଗାମୀ ଅଧିନାୟକ’

ନୂଆଦିଲ୍ଲୀ,୨୧।୪: ପୂର୍ବ ଭାରତୀୟ କ୍ରିକେଟର ସୁରେଶ ରାଇନା ୨୪ ବର୍ଷୀୟ ଯୁବ ବ୍ୟାଟ୍ସମ୍ୟାନ୍‌ ଶୁଭମନ ଗିଲଙ୍କୁ ଆଗାମୀ ଭାରତୀୟ ଅଧିନାୟକ ଭାବେ ଚୟନ କରିଛନ୍ତି। ସେ...

ଗ୍ରୀନ୍‌ ଜର୍ସି ପିନ୍ଧି ପଡ଼ିଆକୁ ଓହ୍ଲାଇଲା ଆରସିବି: ଜାଣନ୍ତୁ ଏହା ପଛର କାରଣ

ନୂଆଦିଲ୍ଲୀ,୨୧।୪: ଇଣ୍ଡିଆନ ପ୍ରିମିୟର ଲିଗ ଫ୍ରାଞ୍ଚାଇଜ ଦଳ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ପ୍ରତିବର୍ଷ ଗ୍ରୀନ୍‌ ଜର୍ସି ପିନ୍ଧି ଟୁର୍ନାମେଣ୍ଟର ଗୋଟିଏ ମ୍ୟାଚ ଖେଳେ। ଆଜି କେକେଆର...

କୋହଲିଙ୍କ ବ୍ୟାଟ୍‌ ଭାଙ୍ଗିଦେଲେ ରିଙ୍କୁ ସିଂ: ପୁଣି ମାଗିବାରୁ ମିଳିଲା ଏମିତି ପ୍ରତିକ୍ରିୟା

କୋଲକାତା,୧।୪: କୋଲକାତାର ଇଡେନ ଗାର୍ଡେନ୍ସରେ କେକେଆର୍‌ ବ୍ୟାଟ୍ସମ୍ୟାନ ରିଙ୍କୁ ସିଂ ଏବଂ ବିରାଟ କୋହଲିଙ୍କ ମଧ୍ୟରେ ଏକ ମଜାଦାର ବାର୍ତ୍ତାଳାପ ହୋଇଥିଲା। ଏହି ବାର୍ତ୍ତାଳାପ ଏତେ...

ଏହି କାରଣ ପାଇଁ ମାନସିକ ସମସ୍ୟା ଦେଇ ଗତି କରୁଛନ୍ତି ହାର୍ଦ୍ଦିକ ପାଣ୍ଡ୍ୟା: ରବୀନ ଉଥପ୍ପା

ନୂଆଦିଲ୍ଲୀ,୨୧।୪: ଆଇପିଏଲ୍ ୨୦୨୪ ଆରମ୍ଭ ହେବା ଦିନରୁ ପ୍ରଶଂସକଙ୍କ ସମାଲୋଚନାର ଶିକାର ହୋଇଛନ୍ତି ହାର୍ଦ୍ଦିକ ପାଣ୍ଡ୍ୟା। ରୋହିତ ଶର୍ମାଙ୍କୁ ବାଦ ଦେଇ ମୁମ୍ବାଇ ଇଣ୍ଡିଆନ୍ସର ଅଧିନାୟକ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri