ବେଜିଂ,୧୨।୬ : କିଛି ଦିନ ଧରି ଚାଇନା ସହିତ ଅନେକ ଦେଶର ଉତ୍ତେଜନା ବୃଦ୍ଧି ପାଇଛି। ଚାଇନା ସହିତ ଭାରତ ସୀମାରେ କ୍ରମାଗତ ଉତ୍ତେଜନା ଦେଖାଦେଇଛି। ଏହି ସମୟରେ ଏକ ରିପୋର୍ଟ ପ୍ରକାଶିତ ହୋଇଛି ଯେଉଁଥିରେ ଭାରତ, ପାକିସ୍ଥାନ ଏବଂ ଚାଇନା ସମେତ ଅନେକ ଦେଶର ଆଣବିକ ଅସ୍ତ୍ରଶସ୍ତ୍ରର ଭଣ୍ଡାର ସମ୍ପର୍କରେ ତଥ୍ୟ ପ୍ରକାଶ ପାଇଛି। ଷ୍ଟକହୋମ ଅନ୍ତର୍ଜାତୀୟ ଶାନ୍ତି ଅନୁସନ୍ଧାନ ପ୍ରତିଷ୍ଠାନ ଦ୍ୱାରା ପ୍ରକାଶିତ ଏକ ରିପୋର୍ଟରେ କୁହାଯାଇଛି ଚାଇନା ଆଣବିକ ଅସ୍ତ୍ରଶସ୍ତ୍ରର ବିକାଶ କରୁଛି। ତେବେ ଗତ ଏକ ବର୍ଷ ମଧ୍ୟରେ ଭାରତ ଏବଂ ପାକିସ୍ତାନ ମଧ୍ୟ ଆଣବିକ ଅସ୍ତ୍ର ସଂଖ୍ୟା ବୃଦ୍ଧି କରିଛନ୍ତି।
ଷ୍ଟକହୋମ ଅନ୍ତର୍ଜାତୀୟ ଶାନ୍ତି ଅନୁସନ୍ଧାନ ପ୍ରତିଷ୍ଠାନ ନିର୍ଦ୍ଦେଶକ ଡାନ ସ୍ମିଥ କହିଛନ୍ତି , ଗତ ବର୍ଷ ଅନେକ ଦେଶର ଆଣବିକ ଅସ୍ତ୍ରଶସ୍ତ୍ର ବୃଦ୍ଧି ପାଇଥିଲା। ସେମାନେ ଭୌଗୋଳିକ ରାଜନୈତିକ ତିକ୍ତତା ବଢ଼ିବା ସହିତ ଅନ୍ୟ ପରମାଣୁ ଶକ୍ତି ଆଧୁନିକୀକରଣ ଜାରି ରଖିଥିଲେ। ସେ କହିଛନ୍ତି ସାରା ବିଶ୍ୱରେ ପ୍ରମୁଖ ଶକ୍ତିମାନଙ୍କର ସାମରିକ ଅସ୍ତ୍ରଶସ୍ତ୍ରରେ ବର୍ତ୍ତମାନ ୮୬ ଟି ଆଣବିକ ଯୁଦ୍ଧ ହେଡ ରହିଛି।
ଷ୍ଟକହୋମ ଅନ୍ତର୍ଜାତୀୟ ଶାନ୍ତି ଅନୁସନ୍ଧାନ ପ୍ରତିଷ୍ଠାନ ଅନୁଯାୟୀ, ନଅଟି ଆଣବିକ ଶକ୍ତି ସମ୍ପନ୍ନ ରାଷ୍ଟ୍ର ବ୍ରିଟେନ, ଚାଇନା, ଫ୍ରାନ୍ସ, ଭାରତ, ଇସ୍ରାଏଲ, ଉତ୍ତର କୋରିଆ, ପାକିସ୍ଥାନ, ରୁଷିଆ ଏବଂ ଆମେରିକାରେ ମୋଟ ପରମାଣୁ ଅସ୍ତ୍ର ସଂଖ୍ୟା ୨୦୨୩ ଆରମ୍ଭ ହ୍ରାସ ହୋଇଥିଲା। ଗତ ବର୍ଷ ଆରମ୍ଭରେ ଅସ୍ତ୍ରଶସ୍ତ୍ର ସଂଖ୍ୟା ୧୨,୭୧୦ ଥିଲା, ଯାହା ଚଳିତ ବର୍ଷ ଆରମ୍ଭରେ ୧୨,୫୧୨କୁ ଖସି ଆସିଥିଲା। ସେଥିମଧ୍ୟରୁ ପ୍ରାୟ ୯,୫୭୬ ଅସ୍ତ୍ର ସାମରିକ ଭଣ୍ଡାରରେ ଥିଲା, ଯାହାକି ଏକ ବର୍ଷ ପୂର୍ବ ତୁଳନାରେ ୮୬ ଅଧିକ ।
ସମ୍ପ୍ରତି ଏହି ସଂଖ୍ୟା ୧୯୮୦ ଦଶକରେ ଦେଖାଯାଇଥିବା ୭୦ ହଜାର ଅତିକ୍ରମ କରିଛି। ଏହା ଉପରେ ସ୍ମିଥ କହିଛନ୍ତି ବର୍ତ୍ତମାନ ଷ୍ଟକପାଇଲରେ ଥିବା ସମସ୍ତ ଅସ୍ତ୍ର ବ୍ୟବହାରଯୋଗ୍ୟ। ରିପୋର୍ଟରେ କୁହାଯାଇଛି ଚାଇନା ନିଜର ଅସ୍ତ୍ରଶସ୍ତ୍ର ସଂଖ୍ୟାକୁ ସର୍ବାଧିକ ବୃଦ୍ଧି କରିଛି। ଏହାର ଷ୍ଟକପାଇଲରେ ୩୫୦ ଅସ୍ତ୍ର ଥିଲା, ଯାହା ବର୍ତ୍ତମାନ ୪୧୦ ଛୁଇଁଛି।
ଏଥି ସହିତ ଭାରତ, ପାକିସ୍ଥାନ ଏବଂ ଉତ୍ତର କୋରିଆ ମଧ୍ୟ ଅସ୍ତ୍ରଶସ୍ତ୍ର ସଂଗ୍ରହ କରିଛନ୍ତି। ରୁଷିଆର ସଂଖ୍ୟା ୪,୪୭୭ ରୁ ୪,୪୮୯କୁ ବୃଦ୍ଧି ପାଇଥିବାବେଳେ ଅବଶିଷ୍ଟ ପରମାଣୁ ଶକ୍ତି ସେମାନଙ୍କର ଅସ୍ତ୍ରଶସ୍ତ୍ର ସଂଖ୍ୟା ବଜାୟ ରଖିଛନ୍ତି। ପରମାଣୁ ଅସ୍ତ୍ରର ପ୍ରାୟ ୯୦ ପ୍ରତିଶତ ରୁଷିଆ ଏବଂ ଆମେରିକା ପାଖରେ ଅଛି।
ଭାରତର ଆଣବିକ ଅସ୍ତ୍ରଶସ୍ତ୍ର ଉଭୟ ଚାଇନା ଏବଂ ପାକିସ୍ତାନଠାରୁ କମ। ଚାଇନା ପରମାଣୁ ଅସ୍ତ୍ରରେ ଭାରତର ଅଧାରୁ କମ ରହିଛି। ଷ୍ଟକହୋମ ଅନ୍ତର୍ଜାତୀୟ ଶାନ୍ତି ଅନୁସନ୍ଧାନ ପ୍ରତିଷ୍ଠାନ ରିପୋର୍ଟ ଅନୁଯାୟୀ, ୮୬ ଟି ନୂତନ ଅସ୍ତ୍ର ମଧ୍ୟରୁ ଭାରତରେ ପ୍ରାୟ ଚାରିଟି, ପାକିସ୍ତାନରେ ୫ ଟି ଏବଂ ଚାଇନାରେ ୬୦ ଟି, ଉତ୍ତର କୋରିଆରେ ୫ ଟି ଏବଂ ରୁଷିଆରେ ୧୨ ଟି ଅଛି।
ସ୍ମିଥ କହିଛନ୍ତି ପରମାଣୁ ଅସ୍ତ୍ର ସଂଖ୍ୟା ୩୦ ବର୍ଷରୁ ଅଧିକ ସମୟ ଧରି ହ୍ରାସ ପାଉଛି। କିନ୍ତୁ ବର୍ତ୍ତମାନ ଆମେ ଏହା ଦେଖୁଛୁ ଅସ୍ତ୍ରଶସ୍ତ୍ରର କ୍ରମାଗତ ଭାବେ ବୃଦ୍ଧି ପାଉଛି । ରୁଷିଆ-ୟୁକ୍ରେନ ଯୁଦ୍ଧ ମଧ୍ୟରେ ପ୍ରତି ଦେଶ ନଜର ଆଣବିକ ଶକ୍ତି ବୃଦ୍ଧି କରୁଛନ୍ତି।
