କ୍ୱିଭ୍,୧।୩: ୟୁକ୍ରେନ ବିରୋଧରେ ଆକ୍ରମଣାତ୍ମକ ଆଭିମୁଖ୍ୟ ଆପଣାଇ ରୁଷ ଘନଘନ ଆକ୍ରମଣ କରୁଛି। ରଷିଆର ସାମରିକ ଆକ୍ରମଣରେ ୭୦ରୁ ଅଧିକ ୟୁକ୍ରେନ ସୈନିକ ନିହତ ହୋଇଛନ୍ତି। ଓଖର୍ଟିକାରେ ଅବସ୍ଥିତ ସାମରିକ ବେସ୍କୁ ଆର୍ଟିଲିରିକୁ ଟାର୍ଗେଟ କରାଯାଇଥିଲା। ଓଖର୍ଟିକା ସହର ଖାର୍କ୍ୱିଭ ଏବଂ କ୍ୱିଭ୍ ମଧ୍ୟରେ ଅବସ୍ଥିତ।
ସୂଚନାଯୋଗ୍ୟ, ୟୁକ୍ରେନର ରାଜଧାନୀ କ୍ୱିଭ୍କୁ ଦଖଲ ପାଇଁ ରୁଷିଆ ସେନା ଦ୍ରୁତ ଗତିରେ ଆଡକୁ ମାଡିଆସୁଛି। ରୁଷିଆର ଏକ ୪୦ ମାଇଲ ଲମ୍ବା କନଭେନ କ୍ୱିଭ୍ ଅଭିମୁଖେ ବାହାରିଛନ୍ତି। ରୁଷିଆ ଆକ୍ରମଣ ପରେ ୟୁକ୍ରେନକୁ ପଠାଯାଇଥିବା ଏହା ହେଉଛି ଦୀର୍ଘତମ ସାମରିକ କନଭେନ।
ଗୁରୁବାର ଠାରୁ ରୁଷିଆ ଓ ୟୁକ୍ରେନ ମଧ୍ୟରେ ଯୁଦ୍ଧ ଜାରି ରହିଛି। ରୁଷିଆର ସେନା ବେଲାରୁଷର ସୀମାକୁ ବ୍ୟବହାର କରି ୟୁକ୍ରେନରେ ଅନୁପ୍ରବେଶ କରିଥିଲା। ଏହାବ୍ୟତୀତ ରୁଷିଆ ସମର୍ଥିତ ବିଚ୍ଛିନ୍ନତାବାଦୀଙ୍କ ଆଧିପତ୍ୟ ଥିବା ଅଞ୍ଚଳ ଓ କ୍ରିମିଆ ଦେଇ ମଧ୍ୟ ରୁଷୀୟ ସୈନ୍ୟମାନେ ୟୁକ୍ରେନରେ ପ୍ରବେଶ କରିଥିଲେ। ଏପରିକି ରୁଷୀୟ ସେନା ମଧ୍ୟ ଛଦ୍ମବେଶରେ ଲୁଚି ଆକ୍ରମଣ କରିଥିବା ୟୁକ୍ରେନ ସେନା ତା’ର ଅଫିସିଆଲ ଫେସବୁକ ପେଜରେ କହିଛି।
