ଝାରସୁଗୁଡ଼ା ଅଫିସ,୧୯।୮: ଝାରସୁଗୁଡ଼ା ଜିଲା ପରିଷଦ ସମ୍ମିଳନୀ କକ୍ଷରେ ଶୁକ୍ରବାର ଉତ୍ତରାଞ୍ଚଳ ରାଜସ୍ବ କମିଶନର(ଆରଡିସି) ଡ. ସୁରେଶ ଚନ୍ଦ୍ର ଦଳାଇଙ୍କ ଅଧ୍ୟକ୍ଷତାରେ ତଲାବିରାସ୍ଥିତ ଏନ୍ଏଲସି ତାପଜ ବିଦ୍ୟୁତ୍ କେନ୍ଦ୍ରର ଆରପିଡିଏସି ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ସ୍ବାସ୍ଥ୍ୟ ମନ୍ତ୍ରୀ ନବ କିଶୋର ଦାସ, ଏମ୍ପି ସୁରେଶ ପୂଜାରୀ, ରେଙ୍ଗାଲି ବିଧାୟକ ନାଉରୀ ନାଏକ, ଆଇଜି ପ୍ରଦୀପ କୁମାର, ଜିଲାପାଳ ସରୋଜ କୁମାର ସାମଲ,ଏସ୍ପି ରାହୁଲ ଜୈନ,ଏନ୍ଏଲ୍ସି ନିଦ୍ଦେର୍ଶକ(ପାଓ୍ବାର) ଶାଜି ଜୋନ, ପ୍ରୋଜେକ୍ଟ ମୁଖ୍ୟ ଅନୁରାଗ ମିତ୍ତଲ ପ୍ରମୁଖ ଅଧିକାରୀ ଓ ଗ୍ରାମବାସୀ ଉପସ୍ଥିତ ଥିଲେ। ଏହି ପ୍ରକଳ୍ପ ଦ୍ୱାରା ଝାରସୁଗୁଡ଼ା ଜିଲା ହିର୍ମା ପଞ୍ଚାୟତ ତରେଇକେଲା ଓ ତୁମ୍ବେକେଲା ଆଦି ଗ୍ରାମ ପ୍ରଭାବିତ ହେବ। ଏପରି କି ଗ୍ରାମବାସୀ ନିଜ ଭିଟାମାଟି, ଚାଷଜମି ଆଦି ହରାଇବାକୁ ଯାଉଛନ୍ତି। ତେଣୁ ଗ୍ରାମବାସୀଙ୍କୁ ଉପଯୁକ୍ତ କ୍ଷତିପୂରଣ, ଥଇଥାନ ଓ ସ୍ଥାୟୀ ନିଯୁକ୍ତି ଆଦି ଯୋଗାଇଦେବା ପାଇଁ ଦାବି ହୋଇଆସୁଛି। ଏ ନେଇ ବୈଠକରେ ଲୋକେ କିପରି ଅଧିକ ଉପକୃତ ହୋଇପାରିବେ ଏ ସମ୍ପର୍କରେ ବିସ୍ତୃତ ଆଲୋଚନା ହୋଇଥିଲା। ଏହାସହିତ ଲୋକେ ମୌଳିକ ସୁବିଧା ସୁଯୋଗ ସାଙ୍ଗକୁ ସ୍ବାସ୍ଥ୍ୟ, ଶିକ୍ଷା ଆଦି ପାଇପାରିବେ ଏ ନେଇ ସ୍ବାସ୍ଥ୍ୟମନ୍ତ୍ରୀ ବୈଠକରେ ଗୁରୁତ୍ୱାରୋପ କରିଥିଲେ।
