ଦୁନିଆରେ ଏମିତି ଅନେକ ଲୋକ ରହିଛନ୍ତି ଯେଉଁମାନେ ନିଜର ଚମତ୍କାର କାର୍ଯ୍ୟକରି ସୁନାମ ଅର୍ଜନ କରିଥାନ୍ତି। ଏହି ସଫଳତା ପାଇବା ପାଇଁ ଲୋକଙ୍କୁ ଅନେକ ବର୍ଷ ଲାଗିଯାଇଥାଏ। ଯେଉଁ କାମକୁ ବଡ଼ ଲୋକମାନେ କରିପାରୁ ନାହାନ୍ତି ତାହାକୁ କରି ଦେଖାଇଛନ୍ତି କାନାଡ଼ାର ମାତ୍ର ୭ ବଷର୍ର୍ର ଝିଅ ରୋରି ଭ୍ୟାନ୍ ଅଲଫ୍ଟ। ଖୁବ୍ କମ୍ ବୟସରେ ରୋରି ସଫଳତାକୁ ନିଜ ନାମରେ କରିପାରିଛନ୍ତି। ରୋରି ନିଜେ ମାତ୍ର ୨୦ କେଜିର ହୋଇଥିବା ବେଳେ ୮୦ କିଲୋ ଓଜନକୁ ଅତି ସହଜରେ ଉଠାଇ ଦେଉଛନ୍ତି। ସେ ହେଉଛନ୍ତି ଆମେରିକା ଇତିହାସର ସବୁଠାରୁ କମ୍ ବୟସ୍କ ନ୍ୟାସନାଲ ଚାମ୍ପିୟନ୍। ନିକଟରେ ଭାରୋତ୍ତୋଳନରେ ଆମେରିକାର ଅଣ୍ଡର ୧୧ ଏବଂ ଅଣ୍ଡର ୧୩ ଯୁବ ଜାତୀୟ ଚାମ୍ପିୟନଶିପ୍ ଜିତିଛନ୍ତି। ରୋରିଙ୍କ ଏହି ଅନନ୍ୟ ସଫଳତା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛି। ଏହି କାରଣରୁ ସୋସିଆଲ ମିଡିଆରେ ରୋରି ଚର୍ଚ୍ଚାର ବିଷୟ ପାଲଟିଛନ୍ତି। ରୋରି ନିଜର ଉତ୍ସର୍ଗୀକୃତ ପାଇଁ ଭାରତର ମୀନା କୁମାରୀଙ୍କୁ ନିଜର ପ୍ରେରଣାର ଉତ୍ସ ବୋଲି ମାନିଛନ୍ତି। ଏଥିପାଇଁ ସେ ସପ୍ତାହରେ ୪ ଘଣ୍ଟା ଭାରୋତ୍ତୋଳନ ଏବଂ ୯ ଘଣ୍ଟା ଜିମ୍ନାଷ୍ଟିକ ଅଭ୍ୟାସ କରିଥାନ୍ତି ବୋଲି ନିଜେ ରୋରି କହିଛନ୍ତି।
