ନୂଆଦିଲ୍ଲୀ,୬।୧୨: ନିକଟରେ ବିଶ୍ୱକପ ୨୦୨୩ରେ ଟିମ ଇଣ୍ଡିଆର ପ୍ରଦର୍ଶନକୁ ସମୀକ୍ଷା କରିବା ପାଇଁ ବିସିସିଆଇ ଅଧିକାରୀମାନେ ଏକ ବୈଠକ ଡାକିଥିଲେ। ଏଥିରେ ଭବିଷ୍ୟତ କାର୍ଯ୍ୟକ୍ରମ ଉପରେ ମଧ୍ୟ ଆଲୋଚନା କରାଯାଇଥିଲା। ଅଧିନାୟକ ରୋହିତ ଶର୍ମା ଏବଂ ମୁଖ୍ୟ କୋଚ ରାହୁଲ ଦ୍ରାବିଡ ଏଠାରେ ବିସିସିଆଇ ଅଧିକାରୀ ଏହି ବୈଠରେ ସାମିଲ ହୋଇଥିଲେ। ଏହି ସମୟରେ ରୋହିତ ଶର୍ମା ବିସିସିଆଇ ଅଧିକାରୀଙ୍କ ସହ ଆଗାମୀ ଟି-୨୦ ବିଶ୍ୱକପରେ ଖେଳିବାର ସମ୍ଭାବନା ବିଷୟରେ ସ୍ପଷ୍ଟ ଭାବରେ କହିଥିଲେ।
ବୈଠକରେ ଉପସ୍ଥିତ ଥିବା ଅଧିକାରୀଙ୍କ ଉଦ୍ଦେଶ୍ୟରେ ରୋହିତ ଶର୍ମା ବୋର୍ଡ ସଦସ୍ୟମାନଙ୍କୁ କହିଛନ୍ତି, ଯଦି ତୁମେ ମୋତେ ଟି-୨୦ ବିଶ୍ୱକପ ପାଇଁ ଚୟନ କରିବାକୁ ଚାହୁଁଛ, ତେବେ ବର୍ତ୍ତମାନ ମୋତେ ଏହା ବିଷୟରେ କୁହ। ବୈଠକରେ ଉପସ୍ଥିତ ଥିବା ସମସ୍ତ ଅଧିକାରୀ, ଚୟନକର୍ତ୍ତା ଏବଂ କୋଚ ରାହୁଲ ଦ୍ରାବିଡ ଟି-୨୦ ବିଶ୍ୱକପ୍ର ଦାୟିତ୍ୱକୁ ରୋହିତ ଶର୍ମାଙ୍କୁ ହସ୍ତାନ୍ତର କରିବାକୁ ସର୍ବସମ୍ମତ ମନେ ହେଉଥିଲେ। ଚୟନକର୍ତ୍ତାମାନେ ମଧ୍ୟ ଚାହୁଁଥିଲେ ଯେ, ରୋହିତ ନିଜେ ଦକ୍ଷିଣ ଆଫ୍ରିକା ବିପକ୍ଷ ଟି-୨୦ ସିରିଜରୁ ଟିମ ଇଣ୍ଡିଆର ଦାୟିତ୍ୱ ଗ୍ରହଣ କରନ୍ତୁ, କିନ୍ତୁ ରୋହିତ କିଛି ଦିନ ପାଇଁ ବିରତି ମାଗିଥିଲେ।
ବିସିସିଆଇର ଏହି ସମୀକ୍ଷା ବୈଠକ ନୂଆଦିଲ୍ଲୀରେ ଆୟୋଜିତ ହୋଇଥିଲା। ତେବେ ଭିଡିଓ ସମ୍ମିଳନୀ ମାଧ୍ୟମରେ ରୋହିତ ଶର୍ମା ଏହି ବୈଠକରେ ଯୋଗ ଦେଇଥିଲେ।
