ଆଇପିଏଲ୍ ୨୦୨୦ରେ ମୁମ୍ବାଇ ଇଣ୍ଡିଆନ୍ସ ଚମତ୍କାର ପ୍ରଦର୍ଶନ କରି ଫାଇନାଲରେ ପ୍ରବେଶ କରିଛି। ଦଳ ପ୍ରଥମ କ୍ୱାଲିଫାୟରରେ ଦିଲ୍ଲୀ କ୍ୟାପିଟାଲ୍ସକୁ ପରାସ୍ତ କରି ଫାଇନାଲକୁ ସିଧା ଯାଇଛି। ଏହି ମ୍ୟାଚ୍ରେ ମୁମ୍ବାଇ ଦଳର ଅଧିନାୟକ ରୋହିତ ଶର୍ମା ଲଜ୍ଜାଜନକ ରେକର୍ଡ ହାସଲ କରିଛନ୍ତି। ମୁମ୍ବାଇ ପକ୍ଷରୁ ଓପନିଂ କରୁଥିବା ରୋହିତ ପ୍ରଥମ ବଲ୍ ସମ୍ମୁଖୀନ ହୋଇ ଶୂନରେ ଆଉଟ୍ ହୋଇଥିଲେ। ଦିଲ୍ଲୀ ପକ୍ଷରୁ ଆର୍. ଅଶ୍ୱିନ ତାଙ୍କ ଉଇକେଟ୍ ନେଇଥିଲେ। ଆଉଟ୍ ହେବା ସହ ଆଇପିଏଲ୍ ଇତିହାସରେ ପ୍ରଥମ ବଲ୍ ଖେଳି ଶୂନରେ ଆଉଟ୍ ହେବା ଖେଳାଳି ତାଲିକାର ପ୍ରଥମ ସ୍ଥାନରେ ପହଞ୍ଚିଛନ୍ତି ରୋହିତ। ଏପର୍ଯ୍ୟନନ୍ତ ସେ ୧୩ ଥର ଶୂନରେ ଆଉଟ୍ ହୋଇଛନ୍ତି। ତାଙ୍କ ପଛକୁ ହରଭଜନ ସିଂ (୧୩ଥର) ଏବଂ ପାଥିବ ପଟେଲ(୧୩ଥର) ଅଛନ୍ତି। ସୂଚନାଯୋଗ୍ୟ, ଆହତ ଯୋଗୁ ରୋହିତ ଆଇପିଏଲ୍ କିଛି ମ୍ୟାଚ୍ ଖେଳିପାରି ନଥିଲେ। ପରେ ସେ ସୁସ୍ଥ ହୋଇ ଦଳକୁ ଫେଣି ଥିଲେ। ଆଗାମୀ ଅଷ୍ଟ୍ରେଲିଆ ଗସ୍ତ ପାଇଁ ଭାରତୀୟ ଦଳରେ ସେ ସ୍ଥାନ ପାଇନାହାନ୍ତି।
