ମୁମ୍ବାଇ,୨୬।୧୨: ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ତଥା ଓପନର ବ୍ୟାଟ୍ସମ୍ୟାନ ରୋହିତ ଶର୍ମାଙ୍କ ଏକ ଭାବୁକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଏହି ଭିଡିଓରେ ରୋହିତଙ୍କ ଆଖିରୁ ଲୁହ ଝରିବାର ଦୃଶ୍ୟ ଦେଖିବାକୁ ମିଳୁଛି।ଏହି ଘଟଣା ତାଙ୍କ ଝିଅ ସମାୟରାଙ୍କ ସ୍କୁଲର ବାର୍ଷିକ ଉତ୍ସବରେ ଘଟିଥିଲା। ଅନୁଷ୍ଠାନରେ ଛାତ୍ରଛାତ୍ରୀମାନେ ଲତା ମଙ୍ଗେଶକରଙ୍କ ପ୍ରସିଦ୍ଧ ଦେଶଭକ୍ତି ଗୀତ “ଐ ମେରେ ବତନ କେ ଲୋଗୋ” ଗାଇଥିଲେ। ଏହି ଗୀତ ଶୁଣି ରୋହିତ ବହୁତ ଭାବୁକ ହୋଇପଡିଥିଲେ ଏବଂ ନିଜକୁ କୌଣସି ପ୍ରକାରେ ସମ୍ଭାଳି ନେଇଥିଲେ।
ଏହା ପ୍ରଥମ ଥର ନୁହେଁ। ରୋହିତ ପୂର୍ବରୁ ମଧ୍ୟ ଦେଶଭକ୍ତି ଗୀତ ଶୁଣି ଭାବୁକ ହୋଇଥିବାର ଦେଖାଯାଇଛି। ଯେମିତି:
- ୨୦୨୩ ODI ବିଶ୍ବକପ୍ ଫାଇନାଲରେ ପରାଜୟ ପରେ
- ୨୦୧୯ ବିଶ୍ବକପ୍ ସେମିଫାଇନାଲରେ ହାରିବା ପରେ
- ଭାରତକୁ ବିଶ୍ବକପ୍ ଜିତାଇବା ପରେ
ରୋହିତଙ୍କର ଦେଶ ପ୍ରତି ଗଭୀର ଭଲପାଇବା ଓ କ୍ରିକେଟ ପ୍ରତି ସମର୍ପଣ ସମସ୍ତଙ୍କୁ ପ୍ରେରଣା ଦେଇଥାଏ।ବ୍ୟାଟିଙ୍ଗରେ ରୋହିତଙ୍କ ଅସାଧାରଣ ଫର୍ମଏହିବେଳେ ରୋହିତ ବ୍ୟାଟିଙ୍ଗରେ ଅସମ୍ଭବ ଫର୍ମରେ ରହିଛନ୍ତି। ନିକଟରେ ଅଷ୍ଟ୍ରେଲିଆ ବିପକ୍ଷରେ ଶତକ ହାସଲ କରିଛନ୍ତି। ଦକ୍ଷିଣ ଆଫ୍ରିକା ଏକଦିବସୀୟ ସିରିଜରେ ଉତ୍କୃଷ୍ଟ ପ୍ରଦର୍ଶନ କରିଛନ୍ତି। ଏହା ଦ୍ୱାରା ସେ ଏକଦିବସୀୟ କ୍ରିକେଟରେ ନମ୍ବର ୧ ରାଙ୍କିଂ ବଜାୟ ରଖିଛନ୍ତି।ବର୍ତ୍ତମାନ ସେ ବିଜୟ ହଜାରେ ଟ୍ରଫିରେ ମୁମ୍ବାଇ ପାଇଁ ଖେଳୁଛନ୍ତି। BCCI ନିର୍ଦ୍ଦେଶ ଅନୁଯାୟୀ ଟିମ୍ ଇଣ୍ଡିଆ ଖେଳାଳିମାନଙ୍କୁ ଅତି କମରେ ଦୁଇଟି ମ୍ୟାଚ ଖେଳିବାକୁ ପଡିବ। ତେଣୁ ରୋହିତ ଆଗାମୀ ମ୍ୟାଚରେ ଖେଳିବେ କି ନାହିଁ ତାହା ଦେଖିବା ରୋଚକ ହେବ।
Rohit sharma got emotional 🥺 when girl sing ae mere watan ke logo 🥺😭
Pure deshbhakt 🥺🤍 pic.twitter.com/W5WooTzFZK— cricket2645 (@cricketlatestne) December 26, 2025
