କୃଷ୍ଣପ୍ରସାଦ,୨୫।୯(କୈଳାଶ ଚନ୍ଦ୍ର ପଟ୍ଟନାୟକ): ପୁରୀ ଜିଲା କୃଷ୍ଣପ୍ରସାଦରେ ଦୁଇ ଦିନ ହେବ ବାତ୍ୟା ତାଣ୍ଡବ ସୃଷ୍ଟି କରିଛି। ପବନ ସାଙ୍ଗକୁ ବର୍ଷା ଲାଗି ରହିଛି। ଫଳରେ ଲୋକ ଘରୁ ବାହାରକୁ ବାହାରିପାରୁ ନାହାନ୍ତି। ଏପରିକ ବର୍ଷା ପାଣି ନିସ୍କାସନ ନ ହୋଇ ଗାଁ ଦାଣ୍ଡରେ ଜମିବାରେ ଲାଗିଛି। ସମୁଦ୍ର ଅଶାନ୍ତ ହୋଇପଡିଥିବା ବେଳେ ଚିଲିକାରେ ଜଳସ୍ତର ଅସ୍ବାଭାବିକ ଭାବେ ବୃଦ୍ଧି ପାଉଛି। ଏହା ଦେଖି ଲୋକ ଭୟଭିତ ହୋଇ ପଡିଛନ୍ତି।
ଗୁରୁବାର ଚିଲିକାରେ ଜଣଙ୍କ ମୃତ୍ୟୁ ଘଟିଥିବା ବେଳେ ରାତିରୁ ମାଲୁଦ-ମଲେଶ୍ୱରୀ ରାସ୍ତାରେ ଏକ ବିରାଟ ବରଗଛ ଭାଙ୍ଗି ପଡିଛି। ଏକ କ୍ୟାଭିନ ଉପରେ ପଡ଼ିଥିବା ଗଛକୁ ଅଗ୍ନିଶମ ବାହିନୀ ଡାଳ କାଟି ସଫା କରୁଛନ୍ତି।
ହେଲେ ରାସ୍ତାରେ ବିରାଟ ଗଣ୍ଡି ପଡି ରହିଥିବାରୁ ଯାତାୟତ ଠପ୍ ହୋଇପଡିଛି। ୧୫ ଘଣ୍ଟାରୁ ଊଦ୍ଦର୍ବ ସମୟ ହେଲା ମାଲୁଦ ବାଲିସାହି, ମଲେଶ୍ୱରୀ, ସହାବାଜପୁର, ଦିଆକୁଦା, ବୁଦ୍ଧିବର ଗ୍ରାମର ଲୋକମାନେ ବନ୍ଦୀ ହୋଇ ରହିଛନ୍ତି। ଫଳରେ ଜୀବନଯାତ୍ରାରେ ବ୍ୟାଘାତ ସୃଷ୍ଟି ହୋଇଛି।
