ଗୁଣପୁର,୧୩ା୮(ସୁଜାତା ପାଢ଼ୀ): ରାୟଗଡ଼ା ଜିଲା ରାମନାଗୁଡ଼ା ନିକଟସ୍ଥ ପରୀକ୍ଷିତି ଠାରେ ଗୁରୁବାର ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ଅପରାହ୍ନ ସମୟରେ ଏକ ଦ୍ରୁତ ଗତିରେ ଆସୁଥିବା ଅଟୋ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହେବା ଫଳରେ ଘଟଣା ସ୍ଥଳରେ ହିଁ ଜଣକର ମୃତ୍ୟୁ ହୋଇଛି । ମୃତ ବ୍ୟକ୍ତି ଜଣକ ହେଲେ ରବୀନ୍ଦ୍ର କାଡ୍ରକା ଏବଂ ତାଙ୍କ ଘର କାଣ୍ଡଜାମ ବୋଲି ଜଣାପଡିଛି । ଘଟଣା ସ୍ଥଳରେ ଥାନା ଅଧିକାରୀ କିରାଣବାଳ ସାମଲ ପହଂଚି ମୃତଦେହ ଉଦ୍ଧାର କରି ପୋଷ୍ଟ ମର୍ଟମ ନିମନ୍ତେ ଗୁଣପୁର ପଠେଇ ଅଟକୁ ଜବତ କରିଥିଲେ ।
ଘଟଣାସ୍ଥଳରେ ସମିତି ଅଧକ୍ଷ ରବି କୁମାର ଗମାଙ୍ଗ, ଜିଲା ପରିଷଦ ସଭ୍ୟ ତାଂଗୁଡୁ ଶ୍ରୀଧର ପହଞ୍ଚି ମୃତ ପରିବାରଙ୍କୁ ସାନ୍ବନା ଦେଇଥିଲେ । ଉପଜିଲାପାଳଙ୍କ ନିର୍ଦ୍ଦେଶ କ୍ରମେ ତହସିଲଦାର ପ୍ରାଣ କୃଷ୍ଣ ପାଣିଗ୍ରାହୀ, ଅତରିକ୍ତ ତହସିଲଦାର ଗୟା ଡମ୍ବୁରୁଧର ବେହେରା, ରାଜସ୍ବ ପରିଦର୍ଶକ ଶିବାନନ୍ଦ ଦାସ ପରିବାରଙ୍କୁ ରେଡକ୍ରସରୁ ସହାୟତା ରାଶି ଦଶ ହଜାର ଟଙ୍କା ପ୍ରଦାନ କରିଥିଲେ ।
