ନୂଆଦିଲ୍ଲୀ,୧୯।୮ : ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ୍ଙ୍କ ପରଲୋକ ଘଟିଥିବା ନେଇ ସୋସିଆଲ ମିଡିଆରେ ଚର୍ଚ୍ଚା ହେଉଛି। ୟୁଜର୍ସ ଘଟଣା ପଛର ସତ୍ୟତା ନ ଜାଣି ପାକିସ୍ତାନକୁ ୧୯୯୨ରେ କ୍ରିକେଟ ବିଶ୍ୱକପ୍ ଜିତାଇଥିବା ଇମ୍ରାନଙ୍କ ଲାଗି ଶୋକ ବ୍ୟକ୍ତ କରୁଛନ୍ତି। ଏବେ ଟୁଇଟରରେ ଆରଆଇପି ଇମ୍ରାନ ଖାନ ଟ୍ରେଣ୍ଡ କରୁଛି।
ତେବେ ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓଟି ଖୁବ୍ ପୁରୁଣା। ଯେଉଁଥିରେ ପ୍ରଧାନମନ୍ତ୍ରୀ ଇମ୍ରାନଙ୍କ ସ୍ବାସ୍ଥ୍ୟାବସ୍ଥା ଗୁରୁତର ଜଣାପଡ଼ୁଛି। କିଛି ୟୁଜର୍ସ ଟୁଇଟ୍ କରିଛନ୍ତି, କରାଚୀରେ ଘଟିଥିବା ବିସ୍ଫୋରଣରେ ପ୍ରଧାନମନ୍ତ୍ରୀ ଇମ୍ରାନଙ୍କ ମୃତ୍ୟୁ ହୋଇଛି। ଏହା ପ୍ରଥମ ଥର ଘଟିନାହିଁ। ପୂର୍ବରୁ ମଧ୍ୟ ପ୍ରଧାନମନ୍ତ୍ରୀଙ୍କ ମୃତ୍ୟୁ ସମ୍ପର୍କିତ ଖବର ଭାଇରାଲ ହୋଇଥିଲା।
