ସରକାରଙ୍କୁ ଆଶ୍ୱସ୍ତି

ଏୟାର ଇଣ୍ଡିଆ ବିକ୍ରି ଚୂଡ଼ାନ୍ତ ହୋଇଛି। ବହୁ ଦିନ ପରେ ଟାଟା ଏହାକୁ କିଣି ଏହାର ପାଇଲଟ ସିଟ୍‌ରେ ବସିଛି। ଏହାପରେ କିନ୍ତୁ ଡିପାର୍ଟମେଣ୍ଟ ଅଫ୍‌ ଇନ୍‌ଭେଷ୍ଟ୍‌ମେଣ୍ଟ୍‌ ଆଣ୍ଡ୍‌ ପବ୍ଲିକ ଆସେଟ୍‌ ମ୍ୟାନେଜ୍‌ମେଣ୍ଟ(ଡିଆଇପିଏଏମ୍‌)ର ସଚିବ ତୁହିନକାନ୍ତ ପାଣ୍ଡେଙ୍କୁ ବିଶ୍ରାମ ମିଳିବନି। ସେ ଏବଂ ତାଙ୍କ ବିଭାଗୀୟ ସହକର୍ମୀମାନେ ଆଗକୁ ବିନିବେଶର ଲକ୍ଷ୍ୟ ପୂରଣ କରିବାକୁ ଚାହଁୁଛନ୍ତି। ସୂତ୍ରରୁ ଜଣାପଡ଼ିଛି, ସରକାରଙ୍କ ନଜର ଏବେ ଭାରତ ପେଟ୍ରୋଲିୟମ୍‌ କର୍ପୋରେଶନ ଲିମିଟେଡ୍‌ (ବିପିସିଏଲ୍‌) ଉପରେ ଓ ଚଳିତ ବିତ୍ତୀୟ ବର୍ଷରେ ଏହାକୁ ବିକ୍ରି କରିବାକୁ ଚାହଁୁଛନ୍ତି। ଏହା ସହ ଚଳିତବର୍ଷର ଶେଷ ତ୍ରୈମାସିକ ସୁଦ୍ଧା ପ୍ରଥମଥର ପାଇଁ ଜୀବନ ବୀମା ନିଗମର ଅଂଶଧନ ବିକ୍ରି କରିବା ଲାଗି ଏକ ଇନିସିଆଲ ପବ୍ଲିକ୍‌ ଅଫରିଂ(ଆଇପିଓ) ଯୋଜନା ପ୍ରସ୍ତୁତ ହେଉଛି। ଭାରତୀୟ ଶେୟାର ବଜାରରେ ଏହା ସର୍ବବୃହତ୍‌ ଆଇପିଓ ହେବ ବୋଲି ଅନୁମାନ କରାଯାଉଛି। ତେବେ ବହୁଦିନ ଧରି ଅଟକି ରହିଥିବା ଏୟାର୍‌ ଇଣ୍ଡିଆ ବିକ୍ରି ପ୍ର୍ରକ୍ରିୟାରେ ସଫଳତା ପାଇବା ପରେ ସରକାର ବିନିବେଶ ପ୍ରକ୍ରିୟାକୁ ଯଥାଶୀଘ୍ର ସମ୍ପନ୍ନ କରିବାକୁ ସ୍ଥିର କରିଛନ୍ତି।
ଅଟକି ଥିବା ସଂସ୍କାର ପ୍ରକ୍ରିୟା ପୁଣି ଆରମ୍ଭ କରିବାରେ ରାଜନୈତିକ ଇଚ୍ଛାଶକ୍ତି ରହିଛିି ବୋଲି ସରକାର ସ୍ପଷ୍ଟ ବାର୍ତ୍ତା ମଧ୍ୟ ଦେଇଛନ୍ତି। ନନ୍‌ ପର୍ଫମିଂ ପବ୍ଲିକ୍‌ ସେକ୍ଟର୍‌ କମ୍ପାନୀ ଓ ଆର୍ଥିକ ସଂସ୍ଥାଗୁଡ଼ିକର ବିନିବେଶ ଏହି ସଂସ୍କାର ପ୍ରକ୍ରିୟାର ମୁଖ୍ୟ ଅଂଶ। ପାଣ୍ଡେ ଓ ଡିଆଇପିଏଏମ୍‌ ସହ ଜଡ଼ିତ ମନ୍ତ୍ରଣାଳୟଗୁଡ଼ିକର ସଚିବମାନେ ୨୦୨୧-୨୨ ବିତ୍ତୀୟ ବର୍ଷ ପାଇଁ ୧.୭୫ ଲକ୍ଷ କୋଟି ଟଙ୍କାର ଏକ କଠିନ ଲକ୍ଷ୍ୟ ହାସଲ କରିବାକୁ ସ୍ଥିର କରିଛନ୍ତି। ଏୟାର୍‌ ଇଣ୍ଡିଆ ବିକ୍ରି ସରକାରଙ୍କୁ ଆଶ୍ୱସ୍ତି ଦେବା ସହ ଉତ୍ସାହ ବଢ଼ାଇଦେଇଛି। ଏହା ମଧ୍ୟ ବାବୁମାନଙ୍କୁ ସେମାନଙ୍କ ଉଦ୍ୟମ ଜାରି ରଖିତ୍ବା ଲାଗି ନୂତନ ଶକ୍ତି ଯୋଗାଇଛି।
ଶିକ୍ଷାମନସ୍କ
ଜାନୁୟାରୀରେ ଆସିବାକୁ ଥିବା ଇକୋନୋମିକ୍‌ ସର୍ଭେ ଓ କେନ୍ଦ୍ର ବଜେଟର କିଛି ସପ୍ତାହ ଆଗରୁ ମୁଖ୍ୟ ଅର୍ଥନୈତିକ ପରାମର୍ଶଦାତା(ସିଇଏ) କ୍ରିଷ୍ଣମୂର୍ତ୍ତି ସୁବ୍ରମଣ୍ୟନ୍‌ ପୁଣି ତାଙ୍କ ଶିକ୍ଷା କ୍ଷେତ୍ରକୁ ଫେରିଯିବେ। ଡିସେମ୍ବରରେ ତାଙ୍କ ୩ ବର୍ଷର କାର୍ଯ୍ୟକାଳ ଶେଷ ହେବ। କ୍ରିଷ୍ଣମୂର୍ତ୍ତିଙ୍କ ପୂର୍ବରୁ ଡିସେମ୍ବର ୨୦୧୮ରେ ଅରବିନ୍ଦ ସୁବ୍ରମଣ୍ୟନଙ୍କ କାର୍ଯ୍ୟକାଳ ପୂରଣ ହେବା ପୂର୍ବରୁ ସେ ପଦ ତ୍ୟାଗ କରି ଶିକ୍ଷାକ୍ଷେତ୍ରକୁ ଫେରିଯାଇଥିଲେ। ଏହା ପୂର୍ବରୁ ନୀତିକୁ ନେଇ ରିଜର୍ଭ ବ୍ୟାଙ୍କ ଅଫ୍‌ ଇଣ୍ଡିଆ( ଆର୍‌ବିଆଇ)ର ପୂର୍ବତନ ଗଭର୍ନର ରଘୁରାମ ରାଜନ ଓ କେନ୍ଦ୍ର ମଧ୍ୟରେ ବିବାଦ ଯୋଗୁ ସେ ପଦବୀ ଛାଡ଼ି ଶିକ୍ଷା କ୍ଷେତ୍ରକୁ ଲେଉଟିଥିଲେ। ସ୍ପଷ୍ଟତଃ, ଶିକ୍ଷା କ୍ଷେତ୍ରରେ ଦକ୍ଷତା ହାସଲ କରିଥିବା ବ୍ୟକ୍ତି ବିଶେଷ ନୀତି ନିର୍ଦ୍ଧାରଣ ଓ ରାଜନୀତିର ଦ୍ୱନ୍ଦ୍ୱ ତଥା ବ୍ୟସ୍ତ ପରିବେଶକୁ ଏଯାବତ ପସନ୍ଦ କରୁନାହାନ୍ତି, ବରଂ ଶିକ୍ଷା ମନସ୍କ ହେଉଛନ୍ତି। ସରକାରରେ ଯୋଗଦେବା ପୂର୍ବରୁ ସୁବ୍ରମଣ୍ୟନ ହାଇଦ୍ରାବାଦ୍‌ର ଇଣ୍ଡିଆନ୍‌ ସ୍କୁଲ୍‌ ଅଫ୍‌ ବିଜ୍‌ନେସର ସେଣ୍ଟର ଫର୍‌ ଆନାଲିଟିକାଲ ଫାଇନାନ୍ସରେ ପଢ଼ାଉଥିଲେ। ବ୍ୟାଙ୍କିଙ୍ଗ୍‌ ଏବଂ ଆର୍ଥିକ ନୀତିରେ ତାଙ୍କ ଦକ୍ଷତା ପାଇଁ ସେ ବେଶ୍‌ ଜଣାଶୁଣା। ଅର୍ଥ ମନ୍ତ୍ରଣାଳୟରେ ନୀତି ନିର୍ଦ୍ଧାରଣରେ ତାଙ୍କର ଅନେକ ଯୋଗଦାନ ରହିଛି ଏବଂ ‘ଥାଳିନୋମିକ୍ସ’ ପାଇଁ ଲୋକେ ତାଙ୍କୁ ମନେରଖିବେ। ପୂର୍ବରୁ ଅରବିନ୍ଦ ଅର୍ଥ ମନ୍ତ୍ରଣାଳୟରେ ତାଙ୍କ କାର୍ଯ୍ୟକାଳକୁ ନେଇ ଯେଭଳି ବହି ଲେଖିତ୍ଥିଲେ ସୁବ୍ରମଣ୍ୟନଙ୍କର ସେଭଳି କିଛି ଲେଖିବାର ଯୋଜନା ନାହିଁ। ସୁବ୍ରମଣ୍ୟନଙ୍କ ପରେ ସେହି ପଦବୀ ପାଇଁ କେନ୍ଦ୍ର ଏବେ ପ୍ରାର୍ଥୀ ଖୋଜିବାରେ ଲାଗିଛି। ତାଙ୍କ ଡେପୁଟି ତଥା ପ୍ରିନ୍ସିପାଲ ଇକୋନୋମିକ ଆଡ୍‌ଭାଇଜର ସଞ୍ଜୀବ ସାନ୍ୟାଲ ଦାୟିତ୍ୱ ବହନ କରିବାକୁ କେନ୍ଦ୍ର ପ୍ରକ୍ରିୟା ଆରମ୍ଭ କରିଥିବା ଜଣାପଡ଼ିଛି। ଏବେ ସେ ୨୦୨୧-୨୨ ଇକୋନୋମିକ ସର୍ଭେ ପ୍ରସ୍ତୁତି କାର୍ଯ୍ୟକୁ ନିରୀକ୍ଷଣ କରିବେ ଏବଂ ପରବର୍ତ୍ତୀ ସିଇଏ ହେବେ ବୋଲି ଆଲୋଚନା ହେଉଛି।
ଫୈସଲ ଫେରିବେ କି
ଜମ୍ମୁ-କଶ୍ମୀରର ଆଇଏଏସ୍‌ ଅଧିକାରୀ ଶାହା ଫୈସଲ ୨୦୧୯ରେ ସେଠାରେ କେନ୍ଦ୍ରର ନୀତିକୁ ବିରୋଧ କରି ଇସ୍ତଫା ଦେଇଥିଲେ ଓ ପୁଣି ସିଭିଲ୍‌ ସର୍ଭିସରେ ଯୋଗ ଦେବାକୁ ଚାହଁୁଥିଲେ ବୋଲି ପୂର୍ବରୁ ଉକ୍ତ ସ୍ତମ୍ଭରେ ପ୍ରକାଶ କରାଯାଇଥିଲା। ଏବେ ବାବୁ ପରିସରରେ ପୁଣି ତାଙ୍କ ନିଯୁକ୍ତି କଥା କଥା ଉଠିଛି। ଫୈସଲ ଜମ୍ମୁ କଶ୍ମୀରର ଲ୍ୟୁଟ୍‌ନାଣ୍ଟ ଗଭର୍ନର ମନୋଜ ସିହ୍ନାଙ୍କ ପରାମର୍ଶଦାତା ଭାବେ ନିଯୁକ୍ତ ହୋଇପାରନ୍ତି ବୋଲି ଆଲୋଚନା ହେଉଛି। ନିକଟରେ ବସିର୍‌ ଖାନଙ୍କୁ ଉକ୍ତ ଦାୟିତ୍ୱରୁ ରିଲଭ୍‌ କରାଯାଇଛି। ଏବେସୁଦ୍ଧା ଫୈସଲଙ୍କ ଇସ୍ତଫା ରହସ୍ୟରେ ରହିଛି ଏବଂ ସରକାର ଏ ସମ୍ପର୍କରେ ଅଧିକ କିଛି କହୁନାହାନ୍ତି। କୁହାଯାଉଛି,କେନ୍ଦ୍ର ମଧ୍ୟ ଏଯାବତ ଫୈସଲଙ୍କ ଇସ୍ତଫା ଉପରେ କୌଣସି ନିଷ୍ପତ୍ତି ନେଇନାହିଁ। ଏଭଳି ସ୍ଥିତିରେ ଆଇନ ଅନୁସାରେ ଇସ୍ତଫା ସ୍ବତଃ ପ୍ରତ୍ୟାହାର ହୋଇଯାଏ ବୋଲି ବିଚାର କରାଯାଏ। କିନ୍ତୁ କାର୍ମିକ ଓ ପ୍ରଶିକ୍ଷଣ ବିଭାଗ(ଡିଓପିଟି) ଅନୁଯାୟୀ ଏହି ଇସ୍ତଫା ଏପର୍ଯ୍ୟନ୍ତ ବିଚାରାଧୀନ ରହିଛି। ସେ ଇସ୍ତଫା ଦେବା ପରେ ଜମ୍ମୁ ଆଣ୍ଡ୍‌ କଶ୍ମୀର ପିପୁଲସ୍‌ ମୁଭ୍‌ମେଣ୍ଟ ରାଜନୈତିକ ଦଳ ଗଠନ କରିଥିଲେ।
ପାର୍ଲାମେଣ୍ଟରେ ଜମ୍ମୁ କଶ୍ମୀରର ସ୍ବତନ୍ତ୍ର ଷ୍ଟାଟସ୍‌ ହଟାଯିବାର ଦିନକ ପୂର୍ବରୁ ତାଙ୍କୁ ଦିଲ୍ଲୀ ଏୟାରପୋର୍ଟରେ ମଧ୍ୟ ଅଟକ ରଖାଯାଇଥିଲା। ଏବେ ସିହ୍ନାଙ୍କ ପରାମର୍ଶଦାତା ଭାବେ ଫୈସଲଙ୍କ ସମ୍ଭାବ୍ୟ ନିଯୁକ୍ତିକୁ ନେଇ ଯେଉଁ ଗୁଜବ ଉଠିଛି ତାହା ସୋସିଆଲ ମିଡ଼ିଆରେ ଅତ୍ୟଧିକ ଚର୍ଚ୍ଚାର ପରିସରକୁ ଆସିଛି।
Email: dilipcherian@gmail.com


Enter your email to get our daily news in your inbox.

All Right Reserved By Dharitri.Com

ଝିଅ ଜନମ ପର ଘରକୁ

ଡ. ଶ୍ରୀହରି ପଣ୍ଡା   କୁହାଯାଏ ଭାଗ୍ୟବାନଙ୍କୁ କନ୍ୟା ମିଳିଥାଏ ା କାରଣ ଦୁନିଆରେ ଯେତେ ଦାନ ଅଛି ସବୁଠାରୁ ବଡ଼ ଦାନ କନ୍ୟାଦାନ ା...

ଏଇ ଭାରତରେ

ଯୁବାବସ୍ଥାରେ ପୁତ୍ରର ଦୁର୍ଘଟଣାରେ ମୃତ୍ୟୁ ଘଟିଲା। ଏହା ସତ୍ତ୍ୱେ ଭାଙ୍ଗି ଯାଇନାହାନ୍ତି ଏକ ଦମ୍ପତି। ନିଜ ମନକୁ ଦୃଢ କରି ବସ୍ତିରେ ଶିକ୍ଷାର ପ୍ରସାର କରିବାରେ...

କଳାର ମାନଚିତ୍ରକର

ଜୀବନରେ ପ୍ରସିଦ୍ଧିଲାଭ ପାଇଁ ଅଧିକ ପାଠପଢ଼ା ଏକମାତ୍ର ସୋପାନ ହୋଇ ନ ପାରେ। ପୃଥିବୀବ୍ୟାପୀ ଏହାର ଅସଂଖ୍ୟ ଦୃଷ୍ଟାନ୍ତ ରହିଛି। ଅର୍ଥାତ୍‌ ଲୌକିକ ଦୃଷ୍ଟିରୁ ଜଣେ...

ପୂର୍ବବର୍ତ୍ତୀଙ୍କ ପ୍ରତି ଅଶ୍ରଦ୍ଧାର ପରିଣାମ

ଜନାର୍ଦ୍ଦନ ବନ୍ଦ୍ୟୋପାଧ୍ୟାୟ ଶ୍ରୀଶ୍ରୀଠାକୁର ଅନୁକୂଳଚନ୍ଦ୍ର ୧୯୪୨ ମସିହାରେ ଥରେ ଆଲୋଚନା ପ୍ରସଙ୍ଗରେ କହିଥିଲେ-ପୂର୍ବଗାମୀମାନଙ୍କର ନିନ୍ଦାକରି, ସେମାନଙ୍କର ଅପ୍ରତିଷ୍ଠା କରି ଯଦି ନିଜର ପ୍ରତିଷ୍ଠା ଚାହଁ, ସେ...

ବୈଜ୍ଞାନିକ ଚେତନାର ଆବାହନ

ମାନବ ଜୀବନକୁ ଦୀର୍ଘାୟୁ କରିବାରେ ବିଜ୍ଞାନର ଯଥେଷ୍ଟ ଅଗ୍ରଗତି ହୋଇଛି। ବିଜ୍ଞାନ ଅନେକ ରୋଗର ନିରାକରଣ କରିଛି, ଅନେକ ଦୁଃସାଧ୍ୟ ରୋଗର ଉପଶମ ଖୋଜି ବାହାର...

ଏଇ ଭାରତରେ

ଆମ ଦେଶରେ ଆଇନକାନୁନ ଯେମିତି ଉଦାର, ନ୍ୟାୟ ପ୍ରଦାନ ପ୍ରକ୍ରିୟା ମଧ୍ୟ ସେପରି ବିଳମ୍ବ ହୋଇଥାଏ। ଏଥିପାଇଁ ଜଣେ ଅଭିଯୁକ୍ତ ନିଜ ଜୀବଦ୍ଦଶାରେ ମଧ୍ୟ ନ୍ୟାୟ...

ସାମ୍ପ୍ରତିକ ସମୟର ବଡ଼ ବିପଦ

ଅନିଲ ବିଶ୍ୱାଳ   ବିଶ୍ୱ ଏବେ ଅନେକ ସମସ୍ୟା ଦେଇ ଗତି କରୁଛି। କରୋନା ମହାମାରୀ, ଆର୍ଥିକ ସଙ୍କଟ, ଗଣତାନ୍ତ୍ରିକ ମୂଲ୍ୟବୋଧରେ ହ୍ରାସ, ଧନୀ-ଗରିବ ତାରତମ୍ୟରେ...

ଶିଳ୍ପପତିଙ୍କ ଆତ୍ମବିଶ୍ୱାସ ଓ ଅଭିବୃଦ୍ଧି

ଡ. ଭରତ ଝୁନ୍‌ଝୁନ୍‌ଓ୍ବାଲା ସରକାର ‘ସନ୍ତୁଳିତ ବଜେଟ’ ନୀତିକୁ ଅନୁସରଣ କରୁଛନ୍ତି। ଏପରି ନୀତି ୧୯୩୦ ଦଶକରେ ଆମେରିକା ଦ୍ୱାରା ଗ୍ରହଣ କରାଯାଇଥିଲା। ବିଂଶ ଦଶକରେ...

Advertisement
Archives

Model This Week