ନୂଆଦିଲ୍ଲୀ,୧୭।୧୧ : ରାଜୀବ ଗାନ୍ଧୀଙ୍କ ହତ୍ୟାକାରୀମାନଙ୍କୁ ମୁକ୍ତ କରିଛ, ଏବେ ସମାନ ଆଇନ ଅନୁସାରେ ମତେ ବି ଜେଲରୁ ଖଲାସ କର ବୋଲି ସ୍ତ୍ରୀଙ୍କୁ ହତ୍ୟା କରି ଆଜୀବନ କାରାଦଣ୍ଡ ଭୋଗୁଥିବା ସ୍ବାମୀ ଶ୍ରଦ୍ଧାନନ୍ଦ ଦାବି କରିବା ଆରମ୍ଭ କରିଛନ୍ତି। ସମାନତାର ଅଧିକାର ଦର୍ଶାଇ ଶ୍ରଦ୍ଧାନନ୍ଦ ତାଙ୍କ ମୁକ୍ତି ଦାବିରେ କୋର୍ଟରେ ଆବେଦନ କରିଛନ୍ତି।
ପ୍ରଧାନ ବିଚାରପତି ଡି.ଓ୍ବାଇ ଚନ୍ଦ୍ରଚୂଡଙ୍କ ବେଞ୍ଚ ସମ୍ମୁଖରେ ଶ୍ରଦ୍ଧାନନ୍ଦଙ୍କ ଆଇନଜୀବୀ ବରୁଣ ଠାକୁର କହିଛନ୍ତି ଯେ ଶ୍ରଦ୍ଧାନନ୍ଦ ୨୯ ବର୍ଷ ଧରି ଜେଲରେ ଅଛନ୍ତି। ସେ ପୁଣି ଥରେ ପାରୋଲରେ ବାହାରକୁ ଯିବାର ସୁଯୋଗ ପାଇ ନାହାନ୍ତି। ସେ କୋର୍ଟରେ ଯୁକ୍ତି ଦର୍ଶାଇଥିଲେ ଯେ ରାଜୀବଙ୍କ ହତ୍ୟାକାରୀଙ୍କୁ ୩୦ ବର୍ଷ ଜେଲରେ ରହିବା ପରେ ମୁକ୍ତ କରାଯାଇଛି। ଏହି ସମୟରେ ସେମାନେ ଅନେକ ଥର ପାରୋଲ ମଧ୍ୟ ପାଇଥିଲେ। ଯେଉଁମାନେ ଏତେ ବଡ ଘଟଣା ଘଟାଇ ଥିଲେ ସେମାନଙ୍କୁ ମୁକ୍ତ କରାଯାଇଛି।
ସେ କହିଛନ୍ତି ଯେ ସମାନତା ଅଧିକାରର ଉଲ୍ଲଂଘନ ଏହା ଏକ ମାମଲା। ତାଙ୍କ ଆବେଦନ ଉପରେ ଶୀଘ୍ର ଶୁଣାଣି କରିବା ପାଇଁ ସହମତି ପ୍ରକାଶ କରି ଏହାକୁ ଗ୍ରହଣ କରାଯାଇଛି। ବରୁଣ ଠାକୁର କହିଛନ୍ତି ଯେ ଶ୍ରଦ୍ଧାନନ୍ଦଙ୍କ ବୟସ ୮୦ ବର୍ଷରୁ ଅଧିକ ଏବଂ ସେ ମାର୍ଚ୍ଚ ୧୯୯୪ ଠାରୁ ଜେଲରେ ଅଛନ୍ତି।
ଶ୍ରଦ୍ଧାନନ୍ଦ ତାଙ୍କ ସ୍ତ୍ରୀଙ୍କୁ ସମ୍ପତ୍ତି ପାଇଁ ହତ୍ୟା କରିଥିବା ଅଭିଯୋଗ ହୋଇଛି। ମହୀଶୂରା ଦେୱାନ ସାର୍ ମିର୍ଜା ଇସମାଇଲଙ୍କ ନାତୁଣୀ ଆକବର ଖାଲିଲି ଶାକରେହ ୧୯୮୬ରେ ଶ୍ରଦ୍ଧାନନ୍ଦଙ୍କୁ ବିବାହ କରିଥିଲେ। ବିବାହର ୨୧ବର୍ଷ ପରେ, ଶ୍ରଦ୍ଧାନନ୍ଦ ଆକବର ଖାଲିଲି ଶାକରେହଙ୍କୁ ଛାଡପତ୍ର ହୋଇଥିଲେ ଏବଂ ପରେ ବିବାହ କରିଥିଲେ। ଆକବର ଖାଲିଲ ଅଷ୍ଟ୍ରେଲିଆ ଏବଂ ଇରାନରେ ଭାରତର ରାଷ୍ଟ୍ରଦୂତ ଥିଲେ।
୧୯୯୧ରେ ଶ୍ରଦ୍ଧାନନ୍ଦ ତାଙ୍କ ସ୍ତ୍ରୀଙ୍କୁ ନିଶାସକ୍ତ ଅବସ୍ଥାରେ କବର ଦେଇଥିଲେ। ୨୦ ଏପ୍ରିଲ ୧୯୯୪ ରେ ଶ୍ରଦ୍ଧାନନ୍ଦଙ୍କୁ ଗିରଫ କରାଯାଇଥିଲା ଏବଂ ତାଙ୍କ ସ୍ତ୍ରୀଙ୍କ କଙ୍କାଳକୁ ବାହାର କରାଯାଇଥିଲା। ୨୦୦୦ରେ, ଟ୍ରାଏଲ କୋର୍ଟ ତାଙ୍କୁ ମୃତ୍ୟୁଦଣ୍ଡ ଦେଇଥିଲେ। ୨୦୦୫ମସିହାରେ କର୍ନାଟକ ହାଇକୋର୍ଟ ମଧ୍ୟ ଏହି ଦଣ୍ଡାଦେଶ କାଏମ ରଖିଥିଲେ। ତେବେ ୨୦୦୮ ରେ ସୁପ୍ରିମକୋର୍ଟ ଏହି ଦଣ୍ଡକୁ ଆଜୀବନ କାରାଦଣ୍ଡରେ ପରିଣତ କରିଥିଲେ। ୬୦୦କୋଟି ଟଙ୍କା ମୂଲ୍ୟର ସମ୍ପତ୍ତି ପାଇବା ପାଇଁ ଶ୍ରଦ୍ଧାନନ୍ଦ ତାଙ୍କ ସ୍ତ୍ରୀଙ୍କୁ ହତ୍ୟା କରିଥିବା ଅଭିଯୋଗ ହୋଇଥିଲା।
