ରାୟଗଡ଼ା,୨୮।୩(ଆଶିଷ ରଞ୍ଜନ ପଣ୍ଡା)- ରାୟଗଡ଼ା ବାର ଆସୋସିଏଶନ ନିର୍ବାଚନ ଶନିବାର ଶାନ୍ତିପୂର୍ଣ୍ଣ ଭାବେ ସମାପ୍ତ ହୋଇଛି । ଏଥିରେ ବରିଷ୍ଠ ଆଇନଜୀବୀ ବ୍ରଜ ସୁନ୍ଦର ନାୟକ ୧୦୬ଖଣ୍ଡ ଭୋଟ ପାଇଥିବା ବେଳେ ବିରଜା ପ୍ରସାଦ ପାତ୍ର ୮୫ଖଣ୍ଡ ଭୋଟ ପାଇଛନ୍ତି । ବ୍ରଜ ନାୟକ ୧୯ଖଣ୍ଡ ଭୋଟ ଅଧିକା ପାଇ ସଭାପତି ଭାବେ ନିର୍ବାଚିତ ହୋଇଥିବା ନେଇ ନିର୍ବାଚନ ଅଧିକାରୀ ଉମାକାନ୍ତ ମିଶ୍ର ସୂଚନା ଦେଇଛନ୍ତି । ସକାଳ ୭ଟାରୁ ଭୋଟ ଆରମ୍ଭ ହୋଇ ଅପରାହ୍ନରେ ଭୋଟିଂ ଶେଷ ହୋଇଥିଲା । ଏହାପରେ ଭୋଟ ଗଣତି ହୋଇଥିଲା । ସର୍ବମୋଟ ୨୦୧ଜଣ ଆଇନଜୀବୀଙ୍କ ମଧ୍ୟରୁ ୬ଜଣ ଅନୁପସ୍ଥିତ ଥିଲେ। ଗଣତି ବେଳେ ୪ଟି ଭୋଟ ଅବୈଧ ହୋଇଥିବା ନିର୍ବାଚନ ଅଧିକାରୀ ଉମାକାନ୍ତ ମିଶ୍ର ସୂଚନା ଦେଇଛନ୍ତି ।
ଚଳିତ ଥର ବାର ଆସୋସିଏସନ କମିଟି ପାଇଁ କେବଳ ସଭାପତି ପଦ ପାଇଁ ଦୁଇ ଜଣ ପ୍ରାର୍ଥି ନାମାଙ୍କନ କରିଥିବା ବେଳେ ସମ୍ପାଦକ ପଦ ପାଇଁ ରମେଶ ପାଢ଼ୀ(ବୁନୁ) ସୁଶାନ୍ତ କୁମାର ଖୋସଲା ଉପସଭାପତି, ଶୁଭ୍ରକାନ୍ତି ବେହେରା ଯୁଗ୍ମ ସମ୍ପାଦକ ଏବଂ ବିସ୍ମୟ ପଟନାୟକ କୋଷାଧ୍ୟକ୍ଷ ଭାବେ ଜଣେ ଲେଖାଏ ନାମାଙ୍କନ କରି ନିର୍ନ୍ଦ୍ୱନ୍ଦ୍ୱରେ ନିର୍ବାଚିତ ହୋଇଛନ୍ତି । ନବ ନିର୍ବାଚିତ କମିଟିକୁ ବରିଷ୍ଠ ଆଇନଜୀବୀ ଦେବୀ ପ୍ରସାଦ ପଟ୍ଟନାୟକ, ମଙ୍ଗଳମୂର୍ତି ବେଉରିଆ, ସଚିଦାନନ୍ଦ ଖାଡ଼ଙ୍ଗା, ବିନାୟକ କର, ପଦ୍ମନାଭ ଦାଶ, ଗଙ୍ଗା ପ୍ରଧାନୀ, କୃଷ୍ଣ ପାଢ଼ୀ, ଭବାନୀ ମିଶ୍ର, ଲିଳାଧର ବିଶୋଇ, ସୁଶାନ୍ତ ପଣ୍ଡା, ବାବୁ ରାଜଗୁରୁ, ଉମାଶଙ୍କର ପାଢ଼ୀ, ବିଜୟ ଉଲାକା, ନାଗରାଜୁ ଓ ସମସ୍ତ ଆଇନଜୀବୀ ଶୁଭେଚ୍ଛା ଜଣାଇଛନ୍ତି । ଏହି ନିର୍ବାଚନକୁ ନିର୍ବାଚନ ଅଧିକାରୀଙ୍କ ଉମାକାନ୍ତ ମିଶ୍ରଙ୍କ ସମେତ ଆଇନଜୀବୀ ୱାଇ.ଶ୍ରୀହରି, ରଜତ ରଞ୍ଜନ ଖଟୁଆ ଓ ସୋନୁ ପ୍ରଧାନ ପ୍ରମୁଖ ପରିଚାଳନା କରିଥିଲେ।
