ବେଙ୍ଗାଲୁରୁ,୧୫।୩: ଭାରତୀୟ ଅଫ୍ ସ୍ପିନର ରବିଚନ୍ଦ୍ରନ ଅଶ୍ୱିନ କ୍ୟାରିୟରରେ ଆଉ ଏକ ସଫଳତା ହାସଲ କରିଛନ୍ତି। ଶ୍ରୀଲଙ୍କା ବିପକ୍ଷ ଦିବାରାତ୍ର ତଥା ଦ୍ୱିତୀୟ ଟେଷ୍ଟରେ ଅଶ୍ୱିନ ଉଭୟ ଇନିଂସରେ ମୋ ୬ ଉଇକେଟ ନେଇଥିଲେ। ଏଥିସହିତ ସେ ଡବ୍ଲ୍ୟୁଟିସି ଟେଷ୍ଟ ଚାମ୍ପିୟନଶିପ୍ (ଡବ୍ଲ୍ୟୁଟିସି)ରେ ପ୍ରଥମ ବୋଲର ଭାବେ ୧୦୦ ଉଇକେଟ ପୂରଣ କରିଛନ୍ତି।
ଡବ୍ଲ୍ୟୁଟିସିର ପ୍ରଥମ ସାଇକେଲରେ ଅଶ୍ୱିନ ୧୪ ମ୍ୟାଚ୍ରେ ସର୍ବାଧିକ ୭୧ ଉଇକେଟ ନେଇଥିଲେ। ଏପର୍ଯ୍ୟନ୍ତ ଚଳିତ ସାଇକେଲରେ ୭ ମ୍ୟାଚ୍ରେ ସେ ୨୯ ଉଇକେଟ ହାସଲ କରିଛନ୍ତି। ଚଳିତ ଡବ୍ଲ୍ୟୁଟିସି ସାଇକେଲରେ ସର୍ବାଧିକ ଉଇକେଟ ନେଇଥିବା ବୋଲରଙ୍କ ତାଲିକାରେ ଅଶ୍ୱିନ ଏବେ ୬ଷ୍ଠ ସ୍ଥାନରେ ଅଛନ୍ତି। ତାଲିକାରେ ୪୦ ଉଇକେଟ ସହ ଶୀର୍ଷରେ ରହିଛନ୍ତି ଭାରତୀୟ ପେସର ଯଶପ୍ରୀତ ବୁମରା।
