ପୁରୀ ଅଫିସ ୨୫ା୬:ବିଶ୍ୱ ପ୍ରସିଦ୍ଧ ଘୋଷଯାତ୍ରା ପାଇଁ ଶ୍ରୀନଅରସ୍ଥିତ ରଥଖଳାରେ ରଥର ନିର୍ମାଣ କାର୍ଯ୍ୟ ପ୍ରାୟ ଶେଷ ପର୍ଯ୍ୟାୟରେ ପହଞ୍ଚତ୍ଛି। ଶୁକ୍ରବାର ତିନିରଥର ବେଦୀ ସିଂହାସନ ସମେତ ବେଦୀ ଚତୁଃପାଶର୍ବରେ ପଟା ପଡ଼ିବା ସମ୍ପୂର୍ଣ୍ଣ ହୋଇଛି। ତିନିରଥର ୧୨ଟି ଦୁଆରବେଢ଼ା ସହ ୨୪ଟି ନାଟଗୋଡ଼କୁ ଦୁଆରବେଢାରେ ସଂଯୁକ୍ତ କରାଯାଇଛି। ଭୋଇସେବକମାନେ ତିନି ରଥରେ ଦୁଆର ବେଢା ସଂଯୋଗ କରିବା ପରେ ପରମ୍ପରା ଅନୁଯାୟୀ ସପ୍ତମ ହରିବୋଲ ପକାଇଛନ୍ତି। ସିଂହାସନ ବେଦୀ ଉପର ପ୍ରଥମଭୂଇଁ ମଧ୍ୟଭାଗରେ କନକମୁଣ୍ଡି ବସାଯାଇଛି। କନକମୁଣ୍ଡିରୁ ୪ଟି କାଣ୍ଡ ଏବଂ ୨୦ଟି ରୁଅ ଗମ୍ବୁଜାକାର ଭାବେ ସେଟିଂ କରାଯାଇଛି। ବର୍ଷା ପାଣି ନ ପଡ଼ିବା ପାଇଁ ସେଥିରେ ପିତଳ ଚଦର ଆବରଣ ଫିଟିଂ କରାଯିବ। ଏଥିସହ ତିନିରଥର ୩ଟି ଲେଖାଏ ବିଜେ ଚକା ନିର୍ମାଣ ସରିଛି। ରୂପକାର ସେବକମାନେ ତିନି ରଥର ପ୍ରଭାରେ ରୂପ ଖୋଦେଇ ଜାରି ରଖିଛନ୍ତି। ଚିତ୍ରକାର ସେବକମାନେ ୨୪ଟି ନାଟଗୋଡ଼ରେ ଖୋଦେଇ ରୂପରେ ରଙ୍ଗ କାର୍ଯ୍ୟ ଶେଷ କରି ଫିଟିଂ ପାଇଁ ଯୋଗାଇଛନ୍ତି। ଏଥିସହ ତିନିରଥର ୮ଟି ଲେଖାଏ କନ୍ୟାପଟାରେ କନ୍ୟା ଚିତ୍ର ଅଙ୍କନ କରି ସେଗୁଡ଼ିକ କୋଣଗୁଜ ନିକଟ ଦଣ୍ଡାମୁହାଁଟ ଓ ନିରାଡ଼ିରେ ଫିଟିଂ କରାଯାଇଛି। ୨୭ ଶିଖର ଡମ୍ବରୁ ପାଶର୍ବ ଦେବଦେବୀ ଆସ୍ଥାନ ରଙ୍ଗକାର୍ଯ୍ୟ ଶେଷ କରି ପ୍ରତି ରଥର ୯ଟି ଲେଖାଏ ପାଶର୍ବ ଦେବଦେବୀ ତିନି ରଥର ୨୭ଟି ସଖି ହଂସପଟା ତିନିରଥରେ ସେଟିଂ ହୋଇଥିବା ଗୁଜ ଗୁଡିକରେ ରୂପ ଚିତ୍ର କାର୍ଯ୍ୟଜାରୀ ରଖିଛନ୍ତି। ଦୋଳବେଦୀସ୍ଥିତ ଅସ୍ଥାୟୀ କମାର ଶାଳରେ ଓଝା ସେବକମାନେ କଣ୍ଟା ନିର୍ମାଣ କରୁଛନ୍ତି। ଦରଜିସେବକମାନେ ରଥ କନାରେ ଲେସ ଫିଟିଂ ସହ ଫୁଲ ପକା କାର୍ଯ୍ୟ ଜାରି ରଖିଛନ୍ତି।
