Posted inUncategorized

ଜୀବନ ଯୁଦ୍ଧରେ ହାରିଗଲେ ରଣଜିତ୍‌

ତାଙ୍କ ସଂଳାପ ଚଳଚ୍ଚିତ୍ର ଜଗତକୁ ଦେଉଥିଲା ଶକ୍ତି, ତାଙ୍କ ନିର୍ଦ୍ଦେଶନା ନାଟ୍ୟ ମଞ୍ଚରେ ଭରୁଥିଲା ରୋମାଞ୍ଚ, ତାଙ୍କ ଅଭିନୟ ଥିଲା ତା’ଠୁ ଜୀବନ୍ତ। ହେଲେ ଚଳଚ୍ଚିତ୍ର, ନାଟ୍ୟ ଜଗତର ଏହି ସଫଳ ବ୍ୟକ୍ତିତ୍ୱ ବିଶିଷ୍ଟ ଚଳଚ୍ଚିତ୍ର ସଂଳାପ ଲେଖକ, ନାଟ୍ୟକାର, ଅଭିନେତା ତଥା ସାହିତି୍ୟକ ରଣଜିତ୍‌ ପଟ୍ଟନାୟକ ଆଉ ନାହାନ୍ତି। ଲିଭରଜନିତ ରୋଗ ସହ ସଂଘର୍ଷ କରି ଶେଷରେ ହାରିଯାଇଛନ୍ତି। ମଙ୍ଗଳବାର ରାତିରେ କଟକସ୍ଥିତ ନିଜ ବାସଭବନରେ ସବୁଦିନ ପାଇଁ ଆଖିବୁଜି ଦେଇଛନ୍ତି। ତାଙ୍କର ଅବର୍ତ୍ତମାନ ଚଳଚ୍ଚିତ୍ର, ନାଟକ ଓ ସାହିତ୍ୟ କ୍ଷେତ୍ରରେ ବଡ଼ ଶୂନ୍ୟସ୍ଥାନ ସୃଷ୍ଟି କରିଥିବାବେଳେ ତାଙ୍କର ସୃଷ୍ଟି, କୃତି ଓ ସାଧନା ଅନ୍ୟମାନଙ୍କ ପାଇଁ ସ୍ମୃତି ଆଉ ପ୍ରେରଣା ହୋଇ ରହିଯିବ ନିଶ୍ଚୟ।

ପ୍ରକାଶିତ ନାଟ୍ୟ ପୁସ୍ତକ: ଚଉକି, ନାକ୍‌ଟା ଚିତ୍ରକର, ଇଚ୍ଛା ବନାମ ପଦ୍ମନାଭ, ଦାନବୀୟ, ମୁକ୍ତି ଏକ ଭୁଲ, ଟିଟୋ, ଗୁଣିଆ ଝାଡେଲୋ ଡାହାଣୀ, ଗୋଇଠା ବାବା, ମନ ତୋହର ନିଜ ଗୁରୁ, ତିତିଲି, ଗାଁ (ସାହିତ୍ୟ ଏକାଡେମୀ ପୁରସ୍କାର ପାଇଥିବା ନାଟକ), ମାର୍ଫତ୍‌ ଈଶ୍ୱର, ହା’କୃଷ୍ଣ ଓ ବଧିର ଈଶ୍ୱର ଅନ୍ୟତମ।

ନିର୍ଦ୍ଦେଶିତ ନାଟକ : ପଳାତକ, ଗୁଣ୍ଡା, ଧୃତରାଷ୍ଟ୍ରର ଆଖି, ମୋର ବା ଦୋଷ କ’ଣ, ହାରାକିରି, ନୟନ ପିତୁଳା, ଭିନ୍ନ ଏକ ଶ୍ମଶାନ ସନ୍ଧାନରେ, ବଧିର ଈଶ୍ୱର, ସଇତାନ କବର ଉପରେ ମୁଁ ମଣିଷ, ଟିଟୋ, ନିରପେକ୍ଷ ନିଦ୍ଦେର୍ଶକ, ଶାମୁକା ସମାଧି, ଆରେ ବାୟା ସବୁ ମାୟା, କାଶୀନାଥ, ଫିକା ଆକାଶ, ଗୋଇଠା ବାବା, ଗାଁ, ଝାଡେଲୋ ଡାହାଣୀ, ଉଭା କୁବେର ପୋତା ସପନ, ବାଘ ଶିକାର, ଆଠ କାନ୍ଥର ଅମରାବତୀ।

ଏକାଙ୍କିକା : ସଇତାନର କବର ଉପରେ ମୁଁ ମଣିଷ, ଆଠ କାନ୍ଥର ଅମରାବତୀ, କସ୍ତୁରୀ, ହୁଏନ୍‌ସାଙ୍କ ଭାରତ ପରିଭ୍ରମଣ, ଚିରକାଳ ମିଦାସ/ଉଭା କୁବେର ପୋତା ସପନ, କାଶୀ ପିଉସୀ, ବାଘ ଶିକାର।

କାବ୍ୟ ପୁସ୍ତକ : ଅକବିର କବିତା, ଫେସ୍‌ବୁକ୍‌ କବିତା ଆଦି।

ଅଭିନୀତ ନାଟକ : ଯଥା ନଳସ୍ୟ ଦମୟନ୍ତୀ, ପରିଶୋଧ, ଯୋଗ ବିଯୋଗ, ପଳାତକ, ଗୁଣ୍ଡା, ସନ୍ନ୍ୟାସୀ, ଅଥଚ ଚାଣକ୍ୟ,ରାଜକୀୟ, କାଳ ପୁରୁଷ, ଆଠ କାନ୍ଥର ଅମରାବତୀ, ମୁଁ ସଇତାନ କହୁଛି, ସ୍ନୋ ହ୍ବାଇଟ୍‌ ଗେଷ୍ଟ ହାଉସ୍‌ , ଧୂଳି ଘରୁ ଆକାଶ ଆଡକୁ, ଇଚ୍ଛା ବନାମ ପଦ୍ମନାଭ, ଆମ ଘରର ହାଲ୍‌ଚାଲ୍‌ ପ୍ରମୁଖ।

ଚଳଚ୍ଚିତ୍ର ଚିତ୍ରନାଟ୍ୟ, ସଂଳାପ, ଗୀତ ରଚନା : ଗୋପରେ ବଢ଼ୁଛି କଳା କହ୍ନେଇ, ରକତ ଚିହ୍ନିଛି ନିଜର କିଏ, ସମୟ ଖେଳୁଛି ଚକା ଭଉଁରୀ, ବର୍ଷା ମାଇଁ ଡାର୍ଲିଂ, ପ୍ରେମ ଋତୁ ଆସିଲାରେ, ମୁଁ ତତେ ଲଭ୍‌ କରୁଛି, ସତ୍ୟମେବ ଜୟତେ, ଇଡିଏଟ୍‌, ମାଟ୍ରିକ୍‌ ଫେଲ୍‌, ମାଟଖୋଜେ ମମତା, ସୁପର ମିଛୁଆ, ଦିୱାନା, ଡନ୍‌, ରୋମିଓ ଦି ଲଭରବୟ, ୱାନ ଫୋର ଥ୍ରି ଆ ଲଭ ୟୁ, ପର୍ଶୁରାମ, ଅଶୋକ ସମ୍ରାଟ, ଶକ୍ତି, ସିଷ୍ଟର୍‌ ଶ୍ରୀଦେବୀ, ଫ୍ରେଣ୍ଡଶିପ୍‌, ଶ୍ରୀମାନ୍‌ ସୁରଦାସ୍‌ ଭଳି ୪୧ଟି।

ଆଲବମ୍‌ ଓ ଧାରାବାହିକର ଗୀତ ରଚନା ସହ ନିର୍ଦ୍ଦେଶନା : ସାଇ ଅମୃତ, ଲକ୍ଷେ ଫଗୁଣ, ଦୁର୍ଗତିନାଶିନୀ ଦୁର୍ଗା, ଜୟ ମା’ମା ଲକ୍ଷ୍ମୀ, ଛାତି ଚଲ୍‌ କଲା, ଟାଇମ୍‌ପାସ୍‌ ।

ଧାରାବାହିକ ସଂଳାପ : ଗୁଣିଆ ଝାଡ଼ିଲେ ଡାହାଣୀ, ମହାଯଜ୍ଞ, ସ୍ବାଭିମାନ, ନୂଆ ବୋହୂ, ସାବିତ୍ରୀ, ପରୀ, ସିନ୍ଦୂର ବିନ୍ଦୁ, ତୋ ଅଗଣାରେ ତୁଳସୀ ମୁଁ, କେମିତି ଏ ବନ୍ଧନ, ମଙ୍ଗଳା ଚରଣ ପ୍ରମୁଖ।

ନାଟକ ଲେଖିବାରେ ସିଦ୍ଧହସ୍ତ ଥିଲେ
ଅତି ପ୍ରତିଭାଧାରୀ ନାଟ୍ୟକାର ଥିଲେ। ମଞ୍ଚ ନାଟକରେ କ୍ୟାରିୟର ଆରମ୍ଭ କରି ତାହା ପରେ ଚଳଚ୍ଚିତ୍ର ଓ ଧାରାବାହିକ ପାଇଁ ସେ ସଂଳାପ ଲେଖୁଥିଲେ। କିନ୍ତୁ ନାଟ୍ୟକର ଭାବେ ସିଦ୍ଧହସ୍ତ ଥିଲେ। ତାଙ୍କ ନିର୍ଦ୍ଦେଶିତ ‘ଗୋଇଠା ବାବା’ ଲୋକପ୍ରିୟ ନାଟକ ଥିଲା। ଚଳିତବର୍ଷ ଏପ୍ରିଲ ୨୭ରେ ତାଙ୍କ ଶେଷ ନାଟକ ‘ଗଣ କବି ବୈଷ୍ଣବ ପାଣି’ ରବୀନ୍ଦ୍ର ମଣ୍ଡପଠାରେ ମଞ୍ଚସ୍ଥ ହୋଇଥିଲା। ଏହାର ନିର୍ଦ୍ଦେଶନା ଦେବାର ସୁଯୋଗ ମୁଁ ପାଇଥିଲି। ସେ ମୋର ଅତି ଘନିଷ୍ଠ ବନ୍ଧୁ। ନାଟକ ଜଗତର ଜଣେ ଆଗଧାଡ଼ିର ବ୍ୟକ୍ତି ଆମକୁ ଛାଡ଼ି ଚାଲିଯିବା ନିଶ୍ଚିତ ଦୁଃଖଦ।
-ଧୀର ମଲ୍ଲିକ, ନାଟ୍ୟକାର

ଦରଦୀ ମଣିଷ, ସଫଳ ଲେଖକ
ସେ ଜଣେ ଦରଦୀ ମଣିଷ ଓ ସଫଳ ଲେଖକ ଥିଲେ। ଜଣେ ସାହିତ୍ୟ ମନସ୍କ ବ୍ୟକ୍ତିତ୍ୱ। ମୁଁ ତାଙ୍କୁ ଲେଖକ ଜୀବନ ଅପେକ୍ଷା ବ୍ୟକ୍ତିଗତ ସ୍ତରରେ ଅଧିକ ଗୁରୁତ୍ୱ ଦିଏ। ସେ ମୋର ଜଣେ ଭଲ ବନ୍ଧୁ ଥିଲେ। ପରସ୍ପର ଫୋନ୍‌ରେ ସୁଖଦୁଃଖ ବାଣ୍ଟୁଥିଲୁ। ମୋର ଅନେକ ଅନୁଭୂତି ତାଙ୍କ ସହ ଯୋଡ଼ିହୋଇ ରହିଛି। ତାଙ୍କ ସହ ମିଶି କୌଣସି କାମ କରିନି, କିନ୍ତୁ ମୋର କୌଣସି ଚଳଚ୍ଚିତ୍ର ରିଲିଜ ହେଲେ ସେ ମୋତେ ଶୁଭକାମନା ଜଣାନ୍ତି ଆଉ ମୁଁ ମଧ୍ୟ। ତାଙ୍କ ବିୟୋଗରେ ମୁଁ ମ୍ରିୟମାଣ।
-ରଜନୀ ରଞ୍ଜନ ଦାଶ, ସଂଳାପ ଲେଖକ

ଅନିଦ୍ରା ରହି ଲେଖୁଥିଲେ
ସେ ମୋ ସାନଭାଇ। ନାଟ୍ୟ ଜଗତରେ ସେ ଜଣେ ଭିନ୍ନ ଧରଣର ନାଟ୍ୟକାର ଥିଲେ। ସ୍ବତନ୍ତ୍ର ମଣିଷର ସ୍ବତନ୍ତ୍ର ଷ୍ଟାଇଲ, ଯାହା ତାଙ୍କ ନିର୍ଦ୍ଦେଶନାରୁ ବାରି ହୋଇପଡ଼େ। ସେ ଜଣେ କଠିନ ପରିଶ୍ରମୀ ମଣିଷ। ବ୍ୟାଙ୍କରେ ଚାକିରି କରିବା ସହ ନାଟକ, ସିନେମା, ଧାରାବାହିକ ପାଇଁ ତାଙ୍କୁ ରାତି ଅନିଦ୍ରା ରହିବାକୁ ପଡ଼ିଛି। ଗୋଇଠା ବାବା, ତିତିଲି ଆଦି ନାଟକର ନାମରୁ ହିଁ ତାଙ୍କ ନାଟକର ସ୍ବତନ୍ତ୍ରତା ଜଣାପଡ଼େ। ତାଙ୍କ ମୃତ୍ୟୁରେ ବିଶେଷ ଭାବେ ଏକ ଶୂନ୍ୟ ସ୍ଥାନ ସୃଷ୍ଟି ହୋଇଛି।
-ମନୋଜ ପଟ୍ଟନାୟକ , ନାଟ୍ୟକାର

ଜଣେ ସମ୍ପୂର୍ଣ୍ଣ ନାଟ୍ୟକାର
ଆଜୀବନ ଯୁବ ସୁଲଭ ନାଟ୍ୟକାର ଥିଲେ ରଣଜିତ୍‌ ପଟ୍ଟନାୟକ। ସେ ନାଟକରେ ଅଭିନୟରୁ କ୍ୟାରିୟର ଆରମ୍ଭ କରିଥିଲେ। ପରେ ସେ ନାଟ୍ୟ ନିର୍ଦ୍ଦେଶନା, ସଂଳାପ ରଚନା କରିଥିଲେ। ସେ ଜଣେ ସମ୍ପୂର୍ଣ୍ଣ ନାଟ୍ୟକାର ବୋଲି ମୁଁ ଭାବେ। ନାଟକ ଲେଖା, ନିର୍ଦ୍ଦେଶନା, ଅଭିନୟ ଓ ସାହିତ୍ୟ ଚର୍ଚ୍ଚା – ସବୁଥିରେ ଭାରସାମ୍ୟ ରକ୍ଷା କରିବାରେ ସେ ଥିଲେ ନିଆରା ତଥା ସଫଳ ମଣିଷ। ତାଙ୍କ ସ୍ଥାନ କେହି ପୂରଣ କରି ପାରିବେ ନାହିଁ।
-ସୁବୋଧ ପଟ୍ଟନାୟକ, ନାଟ୍ୟକାର


Enter your email to get our daily news in your inbox.

All Right Reserved By Dharitri.Com

କେଜରିଓ୍ବାଲ କିଙ୍ଗପିନ, ସିସୋଡିଆ ମୁଖ୍ୟ ଷଡଯନ୍ତ୍ରକାରୀ: ଇଡି

ନୂଆଦିଲ୍ଲୀ,୨୨।୩: ଦିଲ୍ଲୀ ମଦ ଦୁର୍ନୀତି ମାମଲାରେ ଗୁରୁବାର (୨୧ ମାର୍ଚ୍ଚ ୨୦୨୪) ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କୁ ଏନଫୋର୍ସମେଣ୍ଟ ନିର୍ଦ୍ଦେଶାଳୟ (ଇଡି) ଗିରଫ କରିଛି। ମଦ ନୀତିରେ...

୨୦ ଲକ୍ଷ ଟଙ୍କା ହଡ଼ପ କରିନେଲେ ବିଇଓ

ଦାରିଙ୍ଗବାଡି,୨୦।୩(ଅରୁଣ ସାହୁ): ଶିକ୍ଷକ ନ୍ୟାଶନାଲ ପେନସନ ସିଷ୍ଟମର ୨୦ ଲକ୍ଷ ହଡପ କରି ବିଇଓ ରସାନନ୍ଦ କର ଏବେ ଭିଜିଲାନ୍ସ ମାମଲାରେ ଛନ୍ଦି ହୋଇଯାଇଛନ୍ତି। ଦାରିଙ୍ଗବାଡି...

ନିଜେ ନିଜର ମଜା ଉଡାଇଲେ ଅଶ୍ୱିନ, କହିଲେ-ଏତେ ବର୍ଷ ପରେ ବି ସୁଧାର ନାହିଁ…

ନୂଆଦିଲ୍ଲୀ,୧୩।୩: ନିକଟରେ ଭାରତୀୟ ଟିମ୍‌ର ଷ୍ଟାର ସ୍ପିନର ରବିଚନ୍ଦ୍ରନ ଅଶ୍ୱିନ ନିଜର ୫୦୦ ଉଇକେଟ ପୂରଣ ସହ ୧୦୦ତମ ଟେଷ୍ଟ ଖେଳିବାର ଗୌରବ ହାସଲ କରିଛନ୍ତି।...

ଧର୍ମଶାଳାରେ ଡେବ୍ୟୁ କରିବେ ୮ ଖେଳାଳି 

ନୂଆଦିଲ୍ଲୀ,୫।୩: ଧର୍ମଶାଳାର ଏଚ୍‌ପିସିଏ ଷ୍ଟାଡିୟମରେ ମାର୍ଚ୍ଚ ୭ରୁ ଭାରତ-ଇଂଲଣ୍ଡ ମଧ୍ୟରେ ୫ ମ୍ୟାଚ୍‌ ବିଶିଷ୍ଟ ଟେଷ୍ଟ ସିରିଜର ଅନ୍ତିମ ମୁକାବିଲା ଖେଲାଯିବ। ଏହି ମ୍ୟାଚ୍‌ରେ ବିଜେତା...

ପଓ୍ବନ୍‌ ସିଂଙ୍କ ପରେ ନିର୍ବାଚନରୁ ଓହରିଲେ ଉପେନ୍ଦ୍ର ସିଂ ରାଓ୍ବତ୍‌

ନୂଆଦିଲ୍ଲୀ,୪।୩ : ଆଗାମୀ ଲୋକ ସଭା ନିର୍ବାଚନ ପାଇଁ ଭାଜପା ୧୯୫ ପ୍ରାର୍ଥୀଙ୍କ ତାଲିକା ଘୋଷଣା କରିବାର ଦୁଇଦିନ ମଧ୍ୟରେ ୨ ଜଣ ପ୍ରାର୍ଥୀ ନିର୍ବାଚନ...

ଭାଜପା-ବିଜେଡି ବାହାଘର

ଛେଣ୍ଡିପଦା,୩।୩ (ଅଜିତ ଧଳ): ଅନୁଗୋଳ ଜିଲା ଛେଣ୍ଡିପଦା ବ୍ଲକ କୋଶଳାସ୍ଥିତ ମା’ ରାମଚଣ୍ଡୀଙ୍କ ପୀଠ ସମ୍ମୁଖରେ ବ୍ଲକ କଂଗ୍ରେସ ପକ୍ଷରୁ ଶନିବାର ଭାଜପା ଓ ବିଜେଡି...

କଲେଜ ଛାତ୍ରୀ ଜସ୍ମିନ୍‌ ହତ୍ୟା ମାମଲା: ୪୮ ଘଣ୍ଟା ବିତିଲା, ରହସ୍ୟରୁ ପରଦା ହଟିଲାନି

ଢେଙ୍କାନାଳ,୩।୩(ରତନ ନାୟାର)ଢେଙ୍କାନାଳ ଜିଲା ସଦର ଥାନା ମଜୁରି ଗ୍ରାମର କଲେଜ ଛାତ୍ରୀ ଜସ୍ମିନ୍‌ ସାହୁ ହତ୍ୟା ଘଟଣାକୁ ଶନିବାର ୪୮ ଘଣ୍ଟା ପୂରିଛି। ହେଲେ ହତ୍ୟାକାଣ୍ଡର...

୬୯୧ ପରିବାରକୁ ୧୦୦ ଦିନର କାମ

ଗୋପାଳପୁର,୩।୩(ନବୀନ ରାଜ ଆଚାରୀ): ମହାତ୍ମାଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନା ଓ ଜାତୀୟ ଖାଦ୍ୟ ସୁରକ୍ଷା ଆଇନର ବ୍ଲକସ୍ତରୀୟ ଜନଶୁଣାଣି ଶିବିର ଶନିବାର...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri