ମୁମ୍ବାଇ: ଷ୍ଟାର କପୁଲ ଆଲିଆ ଭଟ୍ଟ ଓ ରଣବୀର କପୁରଙ୍କ ପାଇଁ ଏପ୍ରିଲ ୧୪ ଏକ ସ୍ମୃତିର ଦିନ ହୋଇ ରହିଗଲା । ଆଲିଆ ଭଟ୍ଟ ହେଲେ କପୁର ଖାନଦାନର ବୋହୂ । ଏହି ବିବାହ ଖୁବ୍ ଧୁମ ଧାମରେ ହୋଇଥିବା ବେଳେ ଏବେ ଏହାର କିଛି ଫଟୋ ଓ ଭିଡିଓ ସାମ୍ନାକୁ ଆସିଛି । ଯାହା ଉଭୟଙ୍କ ପ୍ରଶଂସକଙ୍କ ମନକୁ ଖୁସ କରି ଦେଇଛି । ତେବେ ବିବାହ ପରେ ଆସିଥିବା ଭିଡିଓ ଓ ଫଟୋରୁ କିଛି କଥା ଜାଣିବାକୁ ମିଳିଛି ।
ବିବାହରେ ରଣବୀର କପୁରଙ୍କର ଏକ ଫଟୋ ଉଭୟ ରଣବୀର ଓ ତାଙ୍କ ପିତା ସ୍ୱର୍ଗତ ଋଷି କପୁରଙ୍କ ପ୍ରଶଂସକଙ୍କୁ ଇମୋଶନାଲ କରି ଦେଇଛି । ଘଟଣା ହେଲା ବିବାହ ମଣ୍ଡପକୁ ଯିବା ବେଳେ ରଣବୀର ହାତରେ ଯେଉଁ ଘଡିଟି ପିନ୍ଧିଥିଲେ ତାହା ଥିଲା ତାଙ୍କ ପିତା ଋଷି କପୁରଙ୍କର । ଏହି ଘଡିର ମୂଲ୍ୟ ପାଖାପାଖି ୨୧ ଲକ୍ଷ ଟଙ୍କା ହେବ । ଏଥିରେ ୧୮ କ୍ୟାରେଟ ହ୍ୱାଇଟ ଗୋଲ୍ଡ ବ୍ୟବହାର କରାଯାଇଛି । ଏହାର ଲୁକକୁ ଏନହାନ୍ସ କରୁଛି ବ୍ଲୁ ଲେଦର ଷ୍ଟ୍ରେପ । ଆଲିଆ-ରଣବୀରଙ୍କ ବିବାହ ୨୦୨୦ରେ ହେବାକୁ ଥିବା ବେଳେ କରୋନା ମହାମାରୀ କାରଣରୁ ଏବେ ଏହା ସମ୍ପନ୍ନ ହୋଇଛି । ଖୁବ ଧୁମଧାମରେ ଏହା ହୋଇଥିବା ବେଳେ ଏବେ ସବୁଠି ଏହି ଯୋଡିଙ୍କ ବିବାହକୁ ନେଇ ଲାଗିଛି ଚର୍ଚ୍ଚା ।
