ମୁମ୍ବାଇ: ବଲିଉଡରେ ଏବେ ଚାଲିଛି ବିବାହର ଋତୁ । ଜଣକ ପରେ ଜଣେ ସେଲିବ୍ରିଟି ବିବାହ ବନ୍ଧନରେ ବାନ୍ଧି ହୋଇ ଯାଉଛନ୍ତି । ଏବେ ସବୁଠୁ ଅଧିକ ଚର୍ଚ୍ଚାରେ ରହିଛନ୍ତି ବଲିଉଡ୍ କପୁଲ ରଣବୀର କପୁର ଓ ଆଲିଆ ଭଟ୍ଟ । କିଛିଦିନ ହେବ ସେମାନଙ୍କ ବିବାହ ଖବର ସାମ୍ନାକୁ ଆସିଥିଲେ ବି ସେମାନେ କେବେ ବିବାହ କରିବେ ତାହା ଆଜି ପର୍ଯ୍ୟନ୍ତ ସ୍ପଷ୍ଟ ହୋଇନାହିଁ ।
ଏବେ ଆଲୋଚନା ହେଉଛି କି ଏମାନେ ଖୁବଶୀଘ୍ର ବିବାହ କରିବେ । ଏବେ ଆଲିଆ ରଣବୀରଙ୍କର ଏମିତି ଏକ ଫଟୋ ଭାଇରାଲ ହେଉଛି ଯାହାକୁ ଦେଖି ପ୍ରଶଂସକ ଅନୁମାନ କରୁଛନ୍ତି କି ଏମାନେ ବିବାହ ପାଇଁ ଶାଢିର ଶପିଙ୍ଗ ଆରମ୍ଭ କରି ସାରିଲେଣି । କାରଣ ଏମାନେ ଏକ ଶାଢି ଫ୍ୟାଶନ ବ୍ରାଣ୍ଡ ଓ ଡିଜାଇନରଙ୍କ ସହ ଫଟୋ ଶେୟାର କରିଛନ୍ତି । ଯାହା ଭାଇରାଲ ହେବାରେ ଲାଗିଛି । ଏହି ଡିଜାଇନର ବିଶେଷ ଭାବେ ବ୍ରାଇଡାଲ ଶାଢି ପାଇଁ ଖୁବ୍ ଜଣାଶୁଣା । ସେଥିପାଇଁ ଆଲିଆ-ରଣବୀରଙ୍କ ପ୍ରଶଂସକମାନେ ଅନୁମାନ କରୁଛନ୍ତି କି ଏହି ଯୋଡି ଖୁବଶୀଘ୍ର ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି । ଏହାକୁ ଦେଖିବା ପରେ ପ୍ରଶଂସକମାନେ କମେଣ୍ଟ ବକ୍ସରେ କପୁଲଙ୍କୁ ଶୁଭେଚ୍ଛା ବି ଜଣାଇ ସାରିଲେଣି ।
ଶୁଣିବାକୁ ମିଳିଛି କି ରଣବୀର-ଆଲିଆ ଚଳିତ ବର୍ଷ ଏପ୍ରିଲରେ ବିବାହ କରିବାକୁ ଯାଉଛନ୍ତି । କିଛିଦିନ ପୂର୍ବରୁ ରଣବୀରଙ୍କ ମାଆ ନିତୁ କପୁର ବି ଡିଜାଇନର ମନିଶ ମାଲହୋତ୍ରାଙ୍କୁ ଭେଟିଥିଲେ । ତେଣୁ ଆଲିଆ-ରଣବୀର ଶୀଘ୍ର ବିବାହ କରିବେ ବୋଲି ଅନୁମାନ କରାଯାଉଛି ।
