ମୁମ୍ବାଇ: ରଣବୀର କପୁର-ଆଲିଆ ଭଟ୍ଟ ନିକଟରେ ନୂଆବର୍ଷ ପାଳନ କରିବା ପାଇଁ ଆଫ୍ରିକା ଗସ୍ତରେ ଯାଇଥିଲେ। ଏହି ଅବସରରେ ଉଭୟ ରଣବୀର-ଆଲିଆ ବନ୍ୟଜନ୍ତୁ ସଫାରୀ ବୁଲି ଦେଖିତତ୍ଳେ। ଆଲିଆ ଏହି ସମୟର କିଛି ଫଟୋ ସୋସିଆଲ ମିଡିଆରେ ଶେୟାର କରିଛନ୍ତି। ଏହାସହିତ ସେ ପ୍ରେମିକ ରଣବୀର ସିଂଙ୍କ ନାମ ନ ନେଇ ତାଙ୍କ ପାଇଁ ଏକ କ୍ୟାପଶନ ମଧ୍ୟ ଲେଖିଛନ୍ତି।
ଆଲିଆ ତାଙ୍କ ଅଫିସିଆଲ ଇନ୍ଷ୍ଟାଗ୍ରାମ୍ରେ ବିନା ମେକ୍ଅପ୍ରେ ଏକ ଫଟୋ ଶେୟାର କରିଛନ୍ତି। ତାଙ୍କର ଲୁକ୍ ଏଥିରେ ଖୁବ୍ ସୁନ୍ଦର। ଏହା ସହ ଆଲିଆ କ୍ୟାପଶନରେ ଲେଖିଛନ୍ତି, ଫଟୋଗ୍ରାଫି କୌଶଳକୁ ଜାଣିବା ପାଇଁ ଚେଷ୍ଟା କରୁଛି। ଯଦିଓ ସେ ରଣବୀରଙ୍କ ନାଁ ନେଇ ନାହାନ୍ତି ମାତ୍ର ଏହି କ୍ୟାପଶନ ସେ ତାଙ୍କ ଉଦ୍ଦେଶ୍ୟରେ ଲେଖିଛନ୍ତି। ଉଭୟ ଆଲିଆ ଏବଂ ରଣବୀର ଏକାଠି ଯାଇଛନ୍ତି। ତେଣୁ ଏଥିରୁ ଅନୁମାନ କରି ହେଉଛି ରଣବୀର ହିଁ ଫଟୋଗୁଡ଼ିକୁ ଉଠାଇଛନ୍ତି।
ଏ ତ ଗଲା ଉଭୟଙ୍କ ବ୍ୟକ୍ତିଗତ ଜୀବନ କଥା। ଯଦି ତାଙ୍କ ଓ୍ବାର୍କ ଫ୍ରଣ୍ଟ ବିଷୟରେ କହିବା ତେବେ ଆଲିଆ ବର୍ତ୍ତମାନ ଆଗାମୀ ଫିଲ୍ମ ‘ଆରଆରଆର’କୁ ନେଇ ଚର୍ଚ୍ଚାରେ। ଏହା ବ୍ୟତୀତ ରଣବୀର ଏବଂ ଆଲିଆଙ୍କୁ ବହୁ ପ୍ରତୀକ୍ଷିତ ଫିଲ୍ମ ‘ବ୍ରହ୍ମାସ୍ତ୍ର’ରେ ଏକାଠି ଦେଖିବାକୁ ମିଳିବ। ଏହି ଫିଲ୍ମର ପ୍ରଥମ ଲୁକ୍ ରିଲିଜ ହୋଇଛି, ଯାହାକୁ ବହୁତ ପସନ୍ଦ କରାଯାଉଛି।
