ବମ୍ବେ: ହାତକୁ ଦୁଇହାତ ହେବେ ବାହୁବଲୀ ଷ୍ଟାର ରାଣା ଦଗ୍ଗୁବତୀ। ମିହିକା ବଜାଜକୁ ପସନ୍ଦ କରିବା ପରେ ନିର୍ବନ୍ଧ ସରିଥିଲା। ଅଗଷ୍ଟ ୮ରେ ଉଭୟଙ୍କ ବିବାହ ଅନୁଷ୍ଠିତ ହେବ। କରୋନା ସଂକ୍ରମଣକୁ ନେଇ କଟକଣା ସତ୍ତ୍ୱେ ଉଭୟ ବିବାହ କରିବେ। ହେଲେ ଉତ୍ସବରେ ସମସ୍ତ ପ୍ରକାର ସୁରକ୍ଷା ବ୍ୟବସ୍ଥା ଗ୍ରହଣ କରାଯିବ।
ଏବେ ବିବାହର ବିଭିନ୍ନ କାର୍ଯ୍ୟକ୍ରମ ଆରମ୍ଭ ହୋଇଗଲାଣି। ବିବାହ ପୂର୍ବର ହଳଦୀ ଏବଂ ମେହେନ୍ଦି ସେରିମନିର ଅନେକ ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେଉଛି। ଉଭୟଙ୍କ ଯୋଡ଼ିଙ୍କୁ ବେଶ୍ ପସନ୍ଦ କରାଯାଉଛି।
ଉଭୟଙ୍କ ବିବାହରେ ୩୦ ଖାସ୍ ଅତିଥି ଯୋଗଦେବେ। ହେଲେ ଏଥିପାଇଁ ସେମାନଙ୍କର କୋଭିଡ ପରୀକ୍ଷଣ କରାଯିବ। ହାଇଦ୍ରାବାଦରେ ଉଭୟଙ୍କ ବିବାହ ଅନୁଷ୍ଠିତ ହେବ। ଉଭୟ ତେଲୁଗୁ ଏବଂ ମାରଓ୍ବାଡି ରୀତିନୀତିରେ ବିବାହ କାର୍ଯ୍ୟକ୍ରମ ହେବ। ବିବାହ ସମୟରେ ସାମାଜିକ ଦୂରତା ସହ ସାନିଟାଇଜେଶନ ଉପରେ ଗୁରୁତ୍ୱ ଦିଆଯିବ।
