ଜୟପୁର,୧୦ ।୨: ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲୋଟ ଶୁକ୍ରବାର ବିଧାନସଭାରେ ପୁରୁଣା ବଜେଟ ଭାଷଣ ପଢି ଦେଇଛନ୍ତି । ଯାହା ଏବେ ଖୁବ୍ ଚର୍ଚ୍ଚାରେ । ପ୍ରାୟ ୬ ମିନିଟ ପର୍ଯ୍ୟନ୍ତ ପୁରୁଣା ବଜେଟ ଭାଷଣ ପଢୁଥିବା ଗେହଲୋଟଙ୍କ କାନରେ ମହେଶ ଯୋଶୀ ଆସି କିଛି କଥା କହିଲେ । ଆଉ ଏହା ଜାଣିବା ପରେ ବିରୋଧି ଖୁବ୍ ହଟ୍ଟଗୋଳ କରିଛନ୍ତି ।
ଗେହଲୋଟ କହିଥିଲେ ମାନବ ଜୀବନରେ ସେ ପର୍ଯ୍ୟନ୍ତ ଶାନ୍ତି ମିଳିବ ନାହିଁ ଯେବେ ପର୍ଯ୍ୟନ୍ତ ସମସ୍ତ ମାନବଙ୍କର ସୁଖମୟ ସମାନ ଅଧିକାର ସୁନିଶ୍ଚିତ ହାଇଥାଏ । ଏହି ଶୁଭ ବାର ଏମିତି ହେଉ ନା ଏଥିରେ କାହାକୁ ଅଧିକ ନା କାହାକୁ କମ ମିଳୁ । ଆମ ସରକାର ସୋସିଆଲ ସିକ୍ୟୁରିଟି ସ୍କିମ ଲାଗୁ କରିଛନ୍ତି ଏଥିପାଇଁ ୧୦୦ କୋଟି ଟଙ୍କାର ଶିଫ୍ଟ ଫଣ୍ଡ ଘୋଷଣା କରାଯାଉଛି ।
ବଜେଟ ଅଧିବେଶନରେ ଗେହଲୋଟ ନିର୍ବାଚନି ଥୋପ ପକାଇଛନ୍ତି ବୋଲି ଆଲୋଚନ ହେଉଛି । ବଜେଟରେ ବରିଷ୍ଠ ନାଗରିକଙ୍କ ପେନଶନ ଯୋଜନା ପ୍ରତିମାସରେ ୫୦୦୦ ପରିବର୍ତ୍ତେ ୧୦ ହଜାର କରାଯାଇଛି ।
ରିସର୍ଚ୍ଚ ଷ୍ଟୁଡେଣ୍ଟଙ୍କୁ ପ୍ରତି ମାସରେ ୩୦ ହଜାର ଟଙ୍କା ସହାୟତା ଘୋଷଣା କରାଯାଇଛି । ଏମିତି ଏଥର ଆଉ କିଛି ନୂଆ ନୂଆ ଯୋଜନା ନେଇ ଆସିଛନ୍ତି ସରକାର । ନିର୍ବାଚନି ଥୋପ ଭାବେ ଗରିବଙ୍କୁ ୫୦୦ ଟଙ୍କାର ରୋଷେଇ ଗ୍ୟାସ ସିଲିଣ୍ଡର ଓ ଘରୋଇ ଉପଭୋକ୍ତାଙ୍କୁ ୧୦୦ ୟୁନିଟ ପର୍ଯ୍ୟନ୍ତ ବିଜୁଳି ମାଗଣାରେ ଯୋଗାଇ ଦେବାକୁ ରାଜସ୍ଥାନ ସରକାର କହିଛନ୍ତି । ୨୩ ଲକ୍ଷ କୃଷକଙ୍କୁ ମାଗଣା ମଞ୍ଜି ଯୋଗାଇ ଦିଆଯିବ । ପଶୁମିତ୍ର ଯୋଜନା ଆରମ୍ଭ କରାଯିବ । ଅନୁଦାନ ରାଶି ୫୦ ପରିବର୍ତ୍ତେ ୭୦ ପ୍ରତିଶତ ହେବ । ଜୟପୁର ଓ ଯୋଧପୁରରେ ଅର୍ଗାନିକ ଫାର୍ମ ଖୋଲାଯିବ ।
