ଜୟପୁର,୧ା୧୦(ନି.ପ୍ର.): କୋରାପୁଟ ଜିଲା ଜୟପୁରରେ ହେଉଥିବା ଦୁର୍ଗାପୂଜା ମଧ୍ୟରୁ ରଜାନଗର ନିକଟରେ ହେଉଥିବା ଦୁର୍ଗାପୂଜା ଅନ୍ୟତମ। ରାଜାରାଜୁଡ଼ା ଅମଳରୁ ରଜାନଗର ମଧ୍ୟରେ ଥିବା କନକଦୁର୍ଗା ମନ୍ଦିରରେ ରାଜାଙ୍କ ପରିବାରବର୍ଗ ଦ୍ୱାରା ଦଶହରା ପାଳନ କରାଯାଉଥିଲା । ୧୯୫୦ ମସିହାରେ ଜୟପୁର ସହରର ପ୍ରଥମ ମୂର୍ତ୍ତିି ପୂଜା ଜନସାଧାରଣଙ୍କ ଦ୍ୱାରା ସ୍ଥାନୀୟ ନରସିଂହ ଗୌଡ଼ଙ୍କ ଦୋକାନରେ କରାଯାଇଥିଲା ବୋଲି କୁହାଯାଏ। ବର୍ତ୍ତମାନ ରଜାନଗରଠାରେ ସ୍ଥାୟୀ ମଣ୍ଡପ କରାଯାଇ ଏଠାରେ ଦୁର୍ଗାଙ୍କ ମୂର୍ତ୍ତି ପୂଜା କରାଯାଉଛି । ପ୍ରତିପଦାଠାରୁ ଆରମ୍ଭ ହୋଇ ଦଶମୀ ପର୍ଯ୍ୟନ୍ତ ଏଠାରେ ହୋମ, ଯଜ୍ଞ ଓ ପୂଜା ଚାଲେ। ଲୋକଙ୍କ ମତରେ ରଜାନଗର ଦୁର୍ଗାପୂଜା ମାନେ ହିଁ ଜୟପୁର ଦଶହରାକୁ ବୁଝାଇଥାଏ । ପୂର୍ବ ପ୍ରଚଳିତ ପରମ୍ପରା ଅନୁଯାୟୀ ଆଶ୍ୱିନ ମାସ ପ୍ରତିପଦା ତିଥିଠାରୁ ଆରମ୍ଭକରି ବିଜୟା ଦଶମୀ ପଯ୍ୟନ୍ତ ମା’ ଦୁର୍ଗାଙ୍କ ଦଶହରା ପର୍ବ ମହା ଆଡ଼ମ୍ବର ସହକାରେ ପାଳିତ ହୋଇଥାଏ। ଅବିଭକ୍ତ କୋରାପୁଟ ଜିଲାର କୋଣ ଅନୁକୋଣରୁ ବିଭିନ୍ନ ଦେବୀପୀଠରୁ ଲାଠି ଆସି ଜୟପୁରରେ ପହଞ୍ଚତ୍ଥାଏ। ଦଶହରା ଦିନ ମା’ ଭଗବତୀ, ମା’ ଦକ୍ଷିଣକାଳୀ ଆସି ରଜାନଗରଠାରେ ଦୁର୍ଗାଙ୍କ ନିକଟରେ ପହଞ୍ଚତ୍ ଦୁର୍ଗାଙ୍କ ସହ ଦଶହରା ପଡ଼ିଆକୁ ଯାଇଥାନ୍ତି। ପୂର୍ବରୁ ଅନେକ ବ୍ୟକ୍ତି ରଜାନଗର ଦୁର୍ଗାପୂଜା ଦାୟିତ୍ୱ ତୁଲାଇ ଆସିଛନ୍ତି । ସେମାନଙ୍କ ମଧ୍ୟରେ ସଚ୍ଚିଦାନନ୍ଦ ମହାପାତ୍ର, ତାରିଣୀ ଦାସ, ସ୍ବର୍ଗତ ରାଧାଗୋବିନ୍ଦ ପାଣିଗ୍ରାହୀ, ସ୍ବର୍ଗତ ମନ୍ମଥ ପାଣିଗ୍ରାହୀ, ସ୍ବର୍ଗତ ମୋହନ ଲାଲ ବୌଦ୍ୟ, ସ୍ବର୍ଗତ ରାମମୋହନ ସାମନ୍ତରା, ଡମ୍ବୁର ପାତ୍ର, ସ୍ବର୍ଗତ ପେଣ୍ଠା ଶ୍ରୀ ରାମଲୁ ଏବଂ ତାଙ୍କ ପୁଅ ପେଣ୍ଠା କାମେଶ୍ୱର ରାଓ ଅନ୍ୟତମ। ପରବର୍ତ୍ତୀ ସମୟରେ ପେଣ୍ଠା କାମେଶ୍ୱର ରାଓଙ୍କ ଦେହାନ୍ତ ପରେ ଏକ କମିଟି ଗଠିତ ହୋଇ ୨୦୧୦ ରୁ ପୂଜାର ପରିଚାଳନା କରି ଆସୁଛିି। ଆଜିକୁ ୧୨ ବଷର୍ର୍ ହେଲା ଶ୍ରଦ୍ଧାଳୁମାନଙ୍କ ସହଯୋଗରେ ପୂଜା ଅଧିକରୁ ଅଧିକ ଆକର୍ଷଣୀୟ କରିବା ପାଇଁ ଉଦ୍ୟମ ଜାରି ରହିଛି। ସହରରେ ପ୍ରଥମେ ରଜାନଗର ମୂର୍ତ୍ତି ବସି ପୂଜା ପାଇବା ପରେ ଅନ୍ୟ ଦୁର୍ଗାମୂର୍ତ୍ତିମାନ ବସିଥାନ୍ତି।
