ଟ୍ରେଣ୍ଟ ବ୍ରିଜ୍,୮।୮: ଭାରତୀୟ ଦଳ ହାତରୁ ବିଜୟ ଛଡ଼ାଇ ନେଇଛି ବର୍ଷା। ତୁହାକୁ ତୁହା ବର୍ଷା କାରଣରୁ ପ୍ରଥମ ଟେଷ୍ଟ ମ୍ୟାଚ୍ର ଅନ୍ତିମ ଦିନ ଖେଳ ସମ୍ଭବ ହୋଇପାରି ନ ଥିଲା। ଏହାକୁ ଦୃଷ୍ଟିରେ ରଖି ମ୍ୟାଚ୍ ଅଫିସିଆଲ ଟେଷ୍ଟକୁ ଡ୍ର’ ଘୋଷାଣ କରିଛନ୍ତି।
ପ୍ରଥମ ଇନିଂସରେ ଇଂଲଣ୍ଡ ୧୮୩ ରନ୍ କରିଥିବାବେଳେ ଭାରତ ୨୭୮ ରନ୍ କରିଥିଲା। ୯୫ ରନ୍ରେ ପଛୁଆ ଥିବା ଇଂଲଣ୍ଡ ଦ୍ୱିତୀୟ ଇନିଂସରେ ୩୦୩ ରନ୍ କରିବାକୁ ସକ୍ଷମ ହୋଇଥିଲା। ଫଳରେ ଟିମ୍ ଇଣ୍ଡିଆ ଆଗରେ ଧାର୍ଯ୍ୟ ହୋଇଥିଲା ୨୦୯ ରନ୍ର ବିଜୟ ଲକ୍ଷ୍ୟ। ଭାରତୀୟ ଚତୁର୍ଥ ଦିନ ଖେଳ ଶେଷ ସୁଦ୍ଧା ୧ ଉଇକେଟ ହରାଇ ୫୨ ରନ୍ କରିଥିଲା। ଦଳକୁ ଜିତିବା ପାଇଁ ବଳକା ୯ ଉଇକେଟରେ ଦରକାର ଥିଲା ୧୫୭ ରନ୍। କିନ୍ତୁ ଅନ୍ତିମ ଦିନକୁ ବର୍ଷା ଧୋଇ ନେବାରୁ ମ୍ୟାଚ୍ଟି ଡ୍ର’ ଭାବେ ଶେଷ ହୋଇଛି।
