ନୂଆଦିଲ୍ଲୀ,୮ ।୧୨: କେନ୍ଦ୍ର ସରକାରଙ୍କ କୃଷି ଆଇନକୁ ବିରୋଧ କରି କୃଷକମାନେ ଆନ୍ଦୋଳନ ଚଲାଇଥିବା ବେଳେ ମଙ୍ଗଳବାର ଭାରତ ବନ୍ଦ ଡାକରା ଦେଇଛନ୍ତି । ଏହି ଅବସରରେ କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ, ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରା ଓ ବହୁ ବରିଷ୍ଠ କଂଗ୍ରେସ ନେତା କୃଷକଙ୍କ ଏହି ସଂଘର୍ଷକୁ ସଫଳ କରିବାକୁ ଆହ୍ୱାନ ଦେଇଛନ୍ତି । ରାହୁଲ ଗାନ୍ଧୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉଦ୍ଦେଶ୍ୟରେ ଏକ ଟୁଇଟ୍ କରି ଲେଖଛନ୍ତି, ମୋଦି ଜୀ କୃଷକଙ୍କଠାରୁ ଚୋରୀ କରିବା ବନ୍ଦ କରନ୍ତୁ । ସମସ୍ତ ଦେଶବାସୀ ଜାଣିଛନ୍ତି ଆଜି ଭାରତ ବନ୍ଦ । ଏହାର ପୂର୍ଣ୍ଣ ସମର୍ଥନ କରି ଆମ ଅନ୍ନଦାତାଙ୍କ ସଂଘର୍ଷକୁ ସଫଳ କରନ୍ତୁ । ସେହିପରି ପ୍ରିୟଙ୍କା ବିରୋଧ ପ୍ରଦର୍ଶନ କରୁଥିବା କୃଷକଙ୍କୁ ସମର୍ଥନ କରିଛନ୍ତି । ସେ ଅଭିଯୋଗ କରିଛନ୍ତି ଯେ ଯେଉଁ କୃଷକ ପରିଶ୍ରମ କରି ଆମ ଥାଳି ଭରଣା କରୁଛନ୍ତି, ସେହି କୃଷକଙ୍କୁ ଭାରତୀୟ ଜନତା ପାର୍ଟି(ଭାଜପା) ସରକାର ନିଜର ଅରବପତି ବନ୍ଧୁଙ୍କ ଥାଳି ଭରଣା କରୁଛନ୍ତି । ପ୍ରିୟଙ୍କା କହିଛନ୍ତି ଏହି ସଂଘର୍ଷ ଆପଣଙ୍କ ଥାଳି ଓ ଅରବପତିଙ୍କ ଥାଳି ଭରଣାର କଥା । ତେଣୁ ଦେଶବାସୀ ଆଗେଇ ଆସନ୍ତୁ ଓ କୃଷକଙ୍କୁ ସହଯୋଗ କରନ୍ତୁ ।
