ଜୟପୁର,୧୯।୧୨: କଂଗ୍ରେସର ଭାରତ ଯୋଡୋ ଯାତ୍ରା ଜାରି ରହିଛି। ରାହୁଲ ଗାନ୍ଧୀଙ୍କ ଏହି ଯାତ୍ରା ସୋମବାର ଅଲଓ୍ବାର ଜିଲାରେ ପ୍ରବେଶ କରିଥିଲା। ଏହି ଅବସରରେ ସେଠାରେ ଆୟୋଜିତ ଏକ ସାଧାରଣ ସଭାରେ ଉଦ୍ବୋଧନ ଦେଇ ଭାଜପାକୁ କଟାକ୍ଷ କରିଛନ୍ତି ରାହୁଲ। ଏହି ଯାତ୍ରାରେ ମୁଁ କ’ଣ କରୁଛନ୍ତି ବୋଲି ଭାଜପା ନେତାମାନେ ପ୍ରଶ୍ନ କରୁଛନ୍ତି। ସେମାନଙ୍କୁ କହିବାକୁ ଚାହିଁବି, ମୁଁ ଘୃଣାର ବଜାରରେ ପ୍ରେମର ବାର୍ତ୍ତା ଦେଉଛି ବୋଲି ରାହୁଲ କହିଛନ୍ତି।
ଭାଜପା ନେତାମାନଙ୍କୁ ଏକ ବାର୍ତ୍ତା ଦେଇ ରାହୁଲ କହିଛନ୍ତି, ଆପଣ ମୋତେ ଘୃଣା କରନ୍ତୁ, ଏହା ଆପଣଙ୍କ ହୃଦୟର କଥା। ଆପଣଙ୍କର ଦୋକାନ ମଧ୍ୟ ଘୃଣାର। ହେଲେ ମୋ ଦୋକାନରେ ପ୍ରେମ ମିଳେ। ଆପଣ ସମସ୍ତେ ମଧ୍ୟ ଏହି ବଜାରରେ ପ୍ରେମର ଦୋକାନ ଖୋଲନ୍ତୁ। ମହାତ୍ମା ଗାନ୍ଧୀ, ସୁଭାଷ ଚନ୍ଦ୍ର ବୋଷ, ସର୍ଦ୍ଦାର ପଟେଲ, ଆମ୍ବେଦକର ପ୍ରମୁଖ ଘୃଣା ବଜାରରେ ପ୍ରେମ ଦୋକାନ ଖୋଲିଥିଲେ। ଆପଣଙ୍କୁ ବି ସେଭଳି କରିବାକୁ ହେବ। କାରଣ ଆମ ଦେଶ ଘୃଣାର ଦେଶ ନୁହେଁ, ପ୍ରେମର ଦେଶ। ମୁଁ ଭାଜପା ନେତାଙ୍କୁ ମଧ୍ୟ ଘୃଣା କରେ ନାହିଁ। କେବଳ ତାଙ୍କର ବିଚାରଧାରା ସହ ଲଢ଼ିଥାଏ ବୋଲି ସେ କହିଛନ୍ତି।
