ଦିସପୁର,୧୪ ।୨: କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ରବିବାର ଆସାମ ଗସ୍ତ କରିଛନ୍ତି । ବିଧାନସଭା ନିର୍ବାଚନ ପାଇଁ ରାହୁଲ ଆରମ୍ଭ କରିଛନ୍ତି ରାଲି । ସେ ଶିବସାଗର ଜିଲାର ଶିବନଗର ବୋର୍ଡିଂ ଫିଲ୍ଡରେ ଏକ ରାଲିକୁ ସମ୍ବୋଧିତ କରିଛନ୍ତି । ଏହି ସମୟରେ ସେ ଆସାମର ପୂର୍ବତନ ମୁଖ୍ୟମନ୍ତ୍ରୀ ସ୍ୱର୍ଗତଃ ତରୁଣ ଗୋଗୋଇଙ୍କର ଖୁବ୍ ପ୍ରଶଂସା କରିଛନ୍ତି । ବେଆଇନ ବସବାସ ବା ଇଲିଗାଲ ଇମିଗ୍ରେସନ ଏବେ ସବୁଠାରୁ ବଡ ଆଲୋଚନାର ବିଷୟ ହୋଇ ଠିଆ ହୋଇଛି । ହେଲେ ଆସାମାବାସୀ ନିଜେ ଏହାର ସମାଧାନର ବାଟ ବାହାର କରିପାରିବେ ବୋଲି ରାହୁଲ କହିଛନ୍ତି । ତେବେ ରାଜ୍ୟରେ ସିଏଏ ଲାଗୁ ହେବ ନାହିଁ ବୋଲି ସେ କହିଛନ୍ତି । ଏହି ରାଲିରେ ରାହୁଲଙ୍କ ସମେତ ଆଉ କେତେଜଣ ନେତା ‘ନୋ ସିଏଏ’ ଲେଖାଥିବା ଗାମୁଛା କାନ୍ଧରେ ପକାଇଥିବା ଦେଖାଯାଇଛି । ଏହି ସମୟରେ କେନ୍ଦ୍ର ସରକାରଙ୍କୁ ଟାର୍ଗେଟ କରି ରାହୁଲ କହିଥିଲେ ଆମେ ଦୁଇ ଆମର ଦୁଇ ବାଲା ସରକାର ଶୁଣି ରଖନ୍ତୁ କିଛି ବି ହେଇଯାଉ ରାଜ୍ୟରେ ସିଏଏ ଲାଗୁ କରାଯିବ ନାହିଁ ।
