ନୂଆଦିଲ୍ଲୀ,୨୪।୩: ମୋଦିଙ୍କ ସରନେମ୍କୁ ନେଇ ଦେଇଥିବା ବୀବାଦୀୟ ମନ୍ତବ୍ୟକୁ ନେଇ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ସୁରଟ କୋର୍ଟ ଦୋଷୀ ସାବ୍ୟସ୍ତ କରିଛନ୍ତି। ଏହି ମାମଲାରେ ଶୁକ୍ରବାର ରାହୁଲ ଗାନ୍ଧୀଙ୍କ ଲୋକ ସଭା ସଦସ୍ୟତା ଶେଷ ହୋଇଛି। ଲୋକ ସଭା ସଚିବାଳୟ ଦ୍ୱାରା ଜାରି କରାଯାଇଥିବା ବିଜ୍ଞପ୍ତି ଅନୁଯାୟୀ, ସୁରଟ କୋର୍ଟ ଦ୍ୱାରା ୨ବର୍ଷ ଦଣ୍ଡିତ ହେବା ପରେ ୱାୟନାଡ ଏମ୍ପିଙ୍କ ସଦସ୍ୟତା ବାତିଲ କରିବାକୁ ନିଷ୍ପତ୍ତି ନିଆଯାଇଥିଲା। ତେବେ ସଂସଦର ସଦସ୍ୟତା ବାତିଲ ହେବା ପରେ ଏବେ ପ୍ରଶ୍ନ ଉଠୁଛି ଯେ, ବର୍ତ୍ତମାନ ରାହୁଲ ଗାନ୍ଧୀଙ୍କୁ ତାଙ୍କର ସରକାରୀ ବଙ୍ଗଳା ଖାଲି କରିବାକୁ ପଡ଼ିବ କି। ଯଦି ଏଭଳି ହୁଏ ତେବେ ସେ କେଉଁଠାରେ ରହିବେ। ସୂଚନା ମୁତାବକ, ଗୃହ ଓ ନଗର ବ୍ୟାପାର ମନ୍ତ୍ରଣାଳୟ ଅଧୀନରେ ଥିବା ରାଜ୍ୟ ନିର୍ଦ୍ଦେଶାଳୟ ହିଁ କେନ୍ଦ୍ରମନ୍ତ୍ରୀ ଏବଂ ଏମ୍ପିମାନଙ୍କୁ ସରକାରୀ ବଙ୍ଗଳା ବଣ୍ଟନ କରିଥାନ୍ତି।
ରାହୁଲ ଗାନ୍ଧୀଙ୍କ ଏମ୍ପି ସଦସ୍ୟତା ସମାପ୍ତ ହେବା ପରେ ଏବେ ତାଙ୍କୁ ନିୟମ ଅନୁଯାୟୀ ସରକାରୀ ବଙ୍ଗଳା ଖାଲି କରିବାକୁ ପଡିବ। ତେବେ ଏହାପୂର୍ବରୁ କେନ୍ଦ୍ର ସରକାରଙ୍କ ଇଷ୍ଟେଟ ଅଧିକାରୀ ସେମାନଙ୍କୁ ନୋଟିସ ଜାରି କରିବେ। ଯାହାର ଉତ୍ତର ତାଙ୍କୁ ୩ଦିନ ମଧ୍ୟରେ ଦେବାକୁ ପଡ଼ିବ।
