ନୂଆଦିଲ୍ଲୀ,୨୭।୭: କଂଗ୍ରେସ ନେତା ରାହୁଲ ଗାନ୍ଧୀ ଯୁବ କଂଗ୍ରେସ କାର୍ଯ୍ୟକ୍ରମରେ କହିଛନ୍ତି ଯେ, ମଣିପୁର ସହ ଦେଶର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କର କୌଣସି ସମ୍ପର୍କ ନାହିଁ। ସେ କହିଛନ୍ତି, ଭାଜପା-ଆରଏସଏସ କେବଳ କ୍ଷମତା ପାଇଁ ଭୋକିଲା ଏବଂ ଏଥିପାଇଁ ଏହା କେବଳ ମଣିପୁର କ’ଣ ସମଗ୍ର ଦେଶକୁ ଜଳାଇବା ପାଇଁ ପଛକୁ ହଟିବେ ନାହିଁ।
ଯୁବ କଂଗ୍ରେସର ନେତା ଓ କର୍ମୀଙ୍କୁ ସମ୍ବୋଧିତ କରି ରାହୁଲ ଗାନ୍ଧୀ କହିଛନ୍ତି, ମଣିପୁର ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କ’ଣ କରୁଛନ୍ତି? ସେ କାହିଁକି ମଣିପୁର ବିଷୟରେ କିଛି କହୁନାହାଁନ୍ତି? କାରଣ ନରେନ୍ଦ୍ର ମୋଦି ଜୀଙ୍କର ମଣିପୁର ସହିତ କୌଣସି ସମ୍ପର୍କ ନାହିଁ। ସେମାନେ ଜାଣନ୍ତି ଯେ ସେମାନଙ୍କର ଆଦର୍ଶ ମଣିପୁରକୁ ଜାଳି ଦେଇଛି।
