ନୂଆଦିଲ୍ଲୀ,୨୪।୨: ଟେଷ୍ଟ ଫର୍ମାଟରୁ ସନ୍ନ୍ୟାସ କଥା ଚିନ୍ତା କରିବାକୁ ଉଇକେଟକିପର ରିଦ୍ଧିମାନ ଶାହାଙ୍କୁ ପରାମର୍ଶ ଦେଇଥିଲେ ମୁଖ୍ୟକୋଚ୍ ରାହୁଲ ଡ୍ରାଭିଡ୍। ଏହି ଘଟଣାରେ ମୁଖ୍ୟ କୋଚ୍ ଡ୍ରାଭିଡ୍ଙ୍କ ପ୍ରତି ସମର୍ଥନ ଜାହିର କରିଛନ୍ତି ପୂର୍ବତନ ଉତ୍ତର ଜୋନ ଚୟନକର୍ତ୍ତା ତଥା ପୂର୍ବତନ କ୍ରିକେଟର ସରନଦୀପ ସିଂ।
“ ଡ୍ରାଭିଡ୍ କିଛି ଭୁଲ କଥା କହିଥିବା ମୋତେ ଅନୁଭବ ହେଉନାହିଁ। ଏହା ଶାହାଙ୍କ ପାଇଁ ନିଜ ସମ୍ପର୍କରେ ଚିନ୍ତା କରିବା ଲାଗି ଉଚିତ ସମୟ। ତାଙ୍କୁ ଏବେ ୩୭ ବର୍ଷ ହେଲାଣି। ଯୁବ ଉଇକେଟକିପର ଉପଲବ୍ଧ ଥିବାରୁ ତାଙ୍କୁ ଆଉ ଦଳୀୟ ଏକାଦଶରେ ଚୟନ କରାଯିବ ନାହିଁ। ତେବେ ତାଙ୍କୁ କ’ଣ ପାଇଁ ଦଳରେ ମନୋନୀତ କରାଯିବ। ରିଷଭ ପନ୍ତ ଦଳର ପ୍ରାଥମିକତା ଏବଂ ସେ ଦୀର୍ଘ ଦିନ ଧରି ଖେଳିବେ” ବୋଲି ସରନଦୀପ କହିଛନ୍ତି।
