ଲଣ୍ଡନ,୧୮ ।୯: ବ୍ରିଟେନ ମହାରାଣୀ ଏଲିଜାବେଥ ଦ୍ୱିତୀୟଙ୍କ ଅନ୍ତିକ ସଂସ୍କାର ସୋମବାର ଅର୍ଥାତ୍ ସେପ୍ଟେମ୍ବର ୧୯ରେ ହେବ । ଏଥିରେ ବିଶ୍ୱର ଅନେକେ ନେତା , ରାଜ ପରିବାରର ଗଣ୍ୟମାନ୍ୟ ବ୍ୟକ୍ତି ଯୋଗଦେବେ । ଲଣ୍ଡନରେ ମହାରାଣୀଙ୍କ ଅନ୍ତିମ ସଂସ୍କାରରେ ସାମିଲ ହେଉଥିବା ଅତିଥିଙ୍କର ଏକ ତାଲିକା ରାଜ ପରିବାର ପକ୍ଷରୁ ଜାରି କରାଯାଇଛି । ମହାରାଣୀଙ୍କ ଅନ୍ତିମ ସଂସ୍କାରରେ ଯିବା ଲାଗି ପ୍ରାୟ ୫୦୦ ଲୋକଙ୍କୁ ଅନୁମତି ମିଳିଛି । ୬ ଦଶକ ପରେ ରାଜ ପରିବାରର ଏହା ଏମିତି ଏକ ମୁହୂର୍ତ୍ତ ଯେତେବେଳେ ବହୁ ପରିମାଣରେ ଲୋକେ ଏକାଠି ହେଉଛନ୍ତି । ସେଥିପାଇଁ ସମ୍ପୂର୍ଣ୍ଣ ପ୍ରସ୍ତୁତି କରାଯାଇଛି । ଯେହେତୁ ଏହା ଏକ ସ୍ୱତନ୍ତ୍ର ସୁଯୋଗ ଏଥିପାଇଁ ରାଜ ପରିବାର ପକ୍ଷରୁ ବି ସ୍ୱତନ୍ତ୍ର ନିର୍ଦ୍ଦେଶ ଜାରି କରାଯାଇଛି । ଅନ୍ତିମ ସଂସ୍କାର ସ୍ଥଳକୁ ସମସ୍ତ ଅତିଥି ବସଯୋଗେ ଯିବେ । ଲଣ୍ଡନ ପହଞ୍ଚିବା ପରେ ଅତିଥିଙ୍କୁ ପଶ୍ଚିମ ଲଣ୍ଡନ ପର୍ଯ୍ୟନ୍ତ ବସରେ ନିଆଯିବ । ମହାରାଣୀଙ୍କୁ କବର ଦେବାର ସମସ୍ତ ରିତିନିତି ୱେଷ୍ଟମିନିଂଷ୍ଟର ଆବେରେ ହେବ । ଏହି କାର୍ଯ୍ୟକ୍ରମରେ ଅତିକମରେ ୨୨୦୦ ଲୋକ ପହଞ୍ଚିବା ଅନୁମାନ କରାଯାଉଛି ।
