ଚଣ୍ଡିଗଡ଼,୨୫ ।୧୨: ପଞ୍ଜାବର କୃଷକ ସଙ୍ଗଠନ ବଳବୀର ସିଂ ରାଜେୱାଲଙ୍କୁ ୟୁନାଇଟେଡ ଫ୍ରଣ୍ଟର ମୁଖ୍ୟମନ୍ତ୍ରୀ ପ୍ରାର୍ଥୀ ଘୋଷଣା କରିଦେଇଛି । ବିଶେଷ ସୂତ୍ରରୁ ମିଳିଥିବା ସୂଚନା ଅନୁଯାୟୀ, କୃଷକ ସଙ୍ଗଠନ ଆମ ଆଦମୀ ପାର୍ଟି(ଏଏପି) ସହ ମଣ୍ଟ କରିବାକୁ ନେଇ କଥାବାର୍ତ୍ତା ଚାଲିଛି । କେନ୍ଦ୍ର ସରକାରଙ୍କ ନୂଆ କୃଷି ଆଇନକୁ ବିରୋଧ କରି ଯେଉଁସବୁ କୃଷକ ସଙ୍ଗଠନ ଆନ୍ଦୋଳନ କରିଥିଲେ ଏହାକୁ ଲିଡ୍ କରୁଥିବା ପଞ୍ଜାବର ୩୨ କୃଷକ ସଙ୍ଗଠନର ଏକ ମହତ୍ୱପୂର୍ଣ୍ଣ ବୈଠକ ଚଣ୍ଡିଗଡ଼ର ସେକ୍ଟର ୩୬ରେ ଥିବା କନଭେନଶନ ସେଣ୍ଟରରେ ଜାରି ରହିଛି । ମିଳିଥିବା ବିଶେଷ ସୂତର ସୂଚନା ଅନୁଯାୟୀ, ୩୨ ସଙ୍ଗଠନ ମଧ୍ୟରୁ ୨୮ ସଙ୍ଗଠନ ଏଏପି ସହ ମେଣ୍ଟ କରିବା ସପକ୍ଷରେ ଅଛନ୍ତି । ଆଉ ବଲବୀରଙ୍କୁ କୃଷକଙ୍କ ପକ୍ଷରୁ ନେତା ଭାବେ ରଖିବାକୁ ଚାହୁଁଛନ୍ତି । ତେବେ ଏଏପି ସହ ଆସନ ବୁଝାମଣା ପରେ ମେଣ୍ଟ କରାଯାଉ ବୋଲି ଶୁଣିବାକୁ ମିଳିଛି ।
