ଅନ୍‌ଲାଇନ୍‌ ଖଜଣା ଆଦାୟରେ ସମସ୍ୟା

କଟକ,୩୧।୭ (କାର୍ତ୍ତିକ ସାହୁ):ଜମି ଖଜଣା ଦେବାକୁ ନେଇ ଅଡୁଆରେ ପଡୁଛନ୍ତି ଯୁଗ୍ମଖାତାଧାରୀ। ଅନ୍‌ଲାଇନ୍‌ ଖଜଣା ଦେୟ ବ୍ୟବସ୍ଥାକୁ ନେଇ ଉପୁଜିଛି ସମସ୍ୟା। ଯୁଗ୍ମଖାତାର ଅଂଶୀଦାରମାନେ ନିଜ ଭାଗ ଜମିର ଖଜଣା ଦେଇପାରୁନାହାନ୍ତି। ପୂର୍ବରୁ ଗୋଟିଏ ଖାତାରେ ଅଂଶୀଦାର ଭାବେ ରହିଥିବା ଲୋକମାନେ ରାଜସ୍ବ ନିରୀକ୍ଷକ(ଆର୍‌ଆଇ)ଙ୍କୁ ଖଜଣା ଦେଇ ରସିଦ୍‌ କାଟୁଥିଲେ। ହେଲେ ଏବେ ମାନୁଆଲ ରସିଦ କଟା ବନ୍ଦ ହୋଇଯାଇଥିବାରୁ ଅସୁବିଧା ଦେଖାଦେଇଛି। ଏହାଦ୍ୱାରା ମଧ୍ୟ ରାଜ୍ୟ ସରକାରଙ୍କର ବିପୁଳ ପରିମାଣର ରାଜସ୍ବ ହାନି ହେଉଛି। ଭଦ୍ରକ ଗ୍ରାମାଞ୍ଚଳ ଥାନା ଅନ୍ତର୍ଗତ କଲାଇ ଗ୍ରାମର ବାସିନ୍ଦା ତଥା ହାଇକୋର୍ଟର ଆଇନ୍‌ଜୀବୀ ଅମ୍ବୁଜ ବନ୍ଧୁ ପରିଡ଼ା ଏନେଇ ରାଜ୍ୟ ରାଜସ୍ବ ଓ ବିପର୍ଯ୍ୟୟ ପରିଚାଳନା ବିଭାଗର ଅତିରିକ୍ତ ମୁଖ୍ୟ ଶାସନ ସଚିବଙ୍କୁ ଚିଠି ଲେଖି ଅବଗତ କରାଇଛନ୍ତି। ଏଥିସହ ଖଜଣା ଆଦାୟ ପାଇଁ ଉଭୟ ଅନ୍‌ଲାଇନ୍‌ ଓ ଅଫ୍‌ଲାଇନ ବ୍ୟବସ୍ଥା କରିବାକୁ ଆବେଦନ କରିଛନ୍ତି।
ମିଳିଥିବା ସୂଚନା ଅନୁଯାୟୀ, ଭଦ୍ରକ ତହସିଲର କଲାଇ ମୌଜା ଅନ୍ତର୍ଗତ ୩୮ ନମ୍ବର ଖାତାର ଜମି ଶ୍ରୀ କପିଳେଶ୍ୱର ମହାଦେବ ବିଜେଙ୍କ ନାମରେ ରହିଥିବାବେଳେ ସେଥିରେ ଏକାଧିକ ଟ୍ରଷ୍ଟି ମାର୍ଫତଦାର ଭାବେ ରହିଛନ୍ତି। ଉକ୍ତ ୩୮ ନମ୍ବର ଖାତାର ମନ୍ତବ୍ୟ ସ୍ତମ୍ଭରେ ପ୍ଲଟ୍‌ ନଂ. ୪୨୬, ଜମି ପରିମାଣ ଏ.୦.୪୩ ଡିସିମିଲ ସ୍ବର୍ଗତ ସାଧୁ ଚରଣ ପରିଡ଼ାଙ୍କ ପୁତ୍ର ଉଦୟନାଥ ପରିଡ଼ା, ରମାନାଥ ପରିଡ଼ା ଓ ଗଣନାଥ ପରିଡ଼ାଙ୍କ ଦଖଲରେ ରହିଛି। ସେହିପରି ସମାନ ଖାତାର ପ୍ଲଟ୍‌ ନଂ. ୪୨୭, ଜମି ପରିମାଣ ଏ୦.୩୩ ଡିସିମିଲ ଆବେଦନକାରୀଙ୍କ ପୂର୍ବଜ ନିତ୍ୟାନନ୍ଦ ପରିଡ଼ାଙ୍କ ଦଖଲରେ, ପ୍ଲଟ୍‌ ନଂ. ୪୨୮, ଜମି ପରିମାଣ ଏ୦.୩୪ ଡିସିମିଲ ନାରାୟଣ ପରିଡ଼ା, ଲକ୍ଷ୍ମୀକାନ୍ତ ପରିଡ଼ା, ସୀତା ପରିଡ଼ା, ନଟବର ପରିଡ଼ା ଓ ବିଶ୍ୱନାଥ ପରିଡ଼ାଙ୍କ ଦଖଲରେ ଏବଂ ପ୍ଲଟ୍‌ ନଂ. ୪୨୯, ଜମି ପରିମାଣ ଏ୦.୩୧ ଓ ପ୍ଲଟ୍‌ ନଂ.୪୩୧, ଜମି ପରିମାଣ ଏ୦.୪୧ ଡିସିମିଲ ମାଳତୀ ପରିଡ଼ା, ନରେନ୍ଦ୍ର ପରିଡ଼ା ଓ ବିନୋଦ ପରିଡ଼ାଙ୍କ ଦଖଲରେ ରହିଛି। ଏ ସମସ୍ତ ଜମିର ଖାତା ନମ୍ବର ଗୋଟିଏ ହୋଇଥିବାବେଳେ ବିଭିନ୍ନ ବ୍ୟକ୍ତିଙ୍କ ଦ୍ୱାରା ଭିନ୍ନ ଭିନ୍ନ ପ୍ଲଟ୍‌ ଭୋଗଦଖଲ ହେଉଛି। ହେଲେ ବର୍ତ୍ତମାନ ଅନ୍‌ଲାଇନ ଖଜଣା ଆଦାୟ ବ୍ୟବସ୍ଥାରେ ଜଣେ ବ୍ୟକ୍ତିଙ୍କଠାରୁ ପୂରା ଖାତାର ଖଜଣା ଆଦାୟ କରାଯାଉଛି। ଯାହାକି ସମ୍ପୃକ୍ତ ବ୍ୟକ୍ତି ପୂରା ଖାତାରେ ଥିବା ସମସ୍ତ ପ୍ଲଟ୍‌ର ଭୋଗଦଖଲକାରୀ ନୁହନ୍ତି। ଅନ୍‌ଲାଇନ୍‌ ବ୍ୟବସ୍ଥା ପ୍ରଚଳନ ହେବା ପୂର୍ବରୁ ଉପରୋକ୍ତ ଭୋଗଦଖଲକାରୀମାନେ ପୃଥକ ଭାବେ ଖଜଣା ପଇଠ କରି ରସିଦ୍‌ କାଟୁଥିଲେ। ହେଲେ ଏବେ ତାହା ସମ୍ଭବ ହେଉନାହିଁ। ସେହି ଖାତା ଅନ୍ତର୍ଗତ କୌଣସି ନିର୍ଦ୍ଦିଷ୍ଟ ପ୍ଲଟ୍‌ର ଭୋଗଦଖଲକାରୀ ନିଜ ଖଜଣା ପୃଥକ ଭାବେ ଦେବାକୁ ଚାହିଁଲେ ଦେଇପାରୁନାହାନ୍ତି। ଆଂଶିକ ଖଜଣା ଦେବା ନିମନ୍ତେ ଅନ୍‌ଲାଇନ୍‌ରେ କୌଣସି ବ୍ୟବସ୍ଥା ନାହିଁ। ପୁରା ଖାତାର ଖଜଣା ଦେବାକୁ ପଡୁଥିବାରୁ ପ୍ରତ୍ୟେକ ଅଂଶୀଦାର ଭୋଗଦଖଲକାରୀ ଏଥିପାଇଁ ଅମଙ୍ଗ ହେଉଛନ୍ତି। ଆଂଶିକ ଦେୟ ଦାଖଲ ନିମନ୍ତେ ସାତଭଉଣୀ ଆର୍‌ଆଇ ଓ ଭଦ୍ରକ ତହସିଲଦାରଙ୍କୁ ଆବେଦନକାରୀ ଅନୁରୋଧ କରିଥିଲେ ମଧ୍ୟ ସେ ଏ ଦିଗରେ ନିଜର ଅକ୍ଷମତା ପ୍ରକାଶ କରିଛନ୍ତି। ଏଭଳି ତ୍ରୁଟିଯୁକ୍ତ ବ୍ୟବସ୍ଥା ଦ୍ୱାରା ଖଜଣା ଆଦାୟ ହୋଇ ନ ପାରି ରାଜ୍ୟ ସରକାରଙ୍କର ବହୁ ପରିମାଣର ରାଜସ୍ବ ହାନି ହେଉଛି। ତେଣୁ ସରକାର ଏ ଦିଗରେ ଦୃଷ୍ଟି ଦେଇ ପଦକ୍ଷେପ ନେବାକୁ ଆବେଦନକାରୀ ଦାବି କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ଖାଇବାକୁ ଯାଉଥିବା ବେଳେ ପିକଅପ୍ ଭ୍ୟାନ ଧକ୍କାରେ କଂଗ୍ରେସ ନେତାଙ୍କ ଦେହାନ୍ତ; ଅଞ୍ଚଳରେ ଶୋକ

ଭଞ୍ଜନଗର,୧୯।୧୧(ବାବୁଲା ପ୍ରଧାନ): ଭଞ୍ଜନଗରରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ପିକ୍‌ଅପ୍ ଭ୍ୟାନ୍ ଧକ୍କାରେ କଂଗ୍ରେସ ନେତାଙ୍କ ଦେହାନ୍ତ ହୋଇଛି । ଜଣାଶୁଣା କଂଗ୍ରେସ ନେତା ତଥା…

ମହିଳା ଆଇଆଇସିଙ୍କ ମାନବିକତା, ବର୍ଷାରେ ଫସିଥିବା ଯାତ୍ରୀଙ୍କୁ ଉଦ୍ଧାର କରି…

ଗଞ୍ଜାମ,୧୯ା୧୧(ବିଦ୍ୟାଧର ସାହୁ): ବାତ୍ୟା ‘ଅକ୍ୱାନ’ ପ୍ରଭାବରେ ବୁଧବାରଠାରୁ ଆରମ୍ଭ ହୋଇଛି ବର୍ଷା। ଲଗାଣ ବର୍ଷା ଯୋଗୁ ଘରୁ ବାହାରକୁ ବାହାରି ପାରୁନାହାନ୍ତି ଲୋକେ। ଏଭଳି ପରିସ୍ଥିତିରେ ଗଞ୍ଜାମ…

ଉପକୂଳମୁହାଁ ବାତ୍ୟା ‘ଅକ୍ୱାନ’: ମହାକାଳପଡ଼ାରେ ହାଇଆଲର୍ଟ, ଫେରିଘାଟ ବନ୍ଦ ସହ ଯୁଦ୍ଧକାଳୀନ ଭିତ୍ତିରେ…

ମହାକାଳପଡ଼ା,୧୯ା୧୧(ପ୍ରତାପ ଚନ୍ଦ୍ର ସ୍ବାଇଁ): ବଙ୍ଗୋପସାଗରରେ ଘନୀଭୂତ ବାତ୍ୟା ଅକ୍ୱାନ ଧିରେ ଧିରେ ବଳ ଗୋଟାଇ ସ୍ଥଳଭାଗ ମୁହାଁ ହୋଇ ଆଗକୁ ବଢୁଛି ବୋଲି ପାଣିପାଗ ବିଭାଗ ସତର୍କତା…

ଲାଞ୍ଚ ନେବାବେଳେ ଗୋଲାମୁଣ୍ଡା ତହସିଲଦାରଙ୍କୁ ମାଡ଼ି ବସିଲା ଭିଜିଲାନ୍ସ, ଏତିକି ଟଙ୍କା ନେଇ…

ଗୋଲାମୁଣ୍ଡା,୧୯ା୧୧(ବଟକୃଷ୍ଣ ପଣ୍ଡା): ଲାଞ୍ଚ ନେବା ଅଭିଯୋଗରେ ଭିଜିଲାନ୍ସ ଜାଲରେ ପଡ଼ିଛନ୍ତି କଳାହାଣ୍ଡି ଜିଲା ଗୋଲାମୁଣ୍ଡା ତହସିଲଦାର ଚନ୍ଦନ କୁମାର ନାୟକ। ଗୁରୁବାର ଜଣେ ବ୍ୟକ୍ତିଙ୍କଠାରୁ ୧୦ ହଜାର…

ସମ୍ଭାବ୍ୟ ବାତ୍ୟାକୁ ନେଇ ଗଞ୍ଜାମ ପ୍ରଶାସନର ବଡ଼ ପଦକ୍ଷେପ: ୨୧ ପର୍ଯ୍ୟନ୍ତ ଦୁଇଟି ଘାଟି ରାସ୍ତା ବନ୍ଦ କରି…

ଛତ୍ରପୁର,୧୯ା୧୧(ଦିଲ୍ଲୀପ ସାମଲ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ଦୃଷ୍ଟିରେ ରଖି ପାହାଡ଼ିଆ ରାସ୍ତାରେ ଭୂସ୍ଖଳନ ଓ ପଥର ଖସିବା ଆଶଙ୍କା ଥିବାରୁ ଗଞ୍ଜାମ ଜିଲା ପ୍ରଶାସନ…

କୂଅରୁ ୮ ମାସର ଶିଶୁପୁତ୍ରର ମୃତଦେହ ଉଦ୍ଧାର: ସନ୍ଦେହ ଘେରରେ ମା’

ସମ୍ବଲପୁର,୧୯।୧୧(ପ୍ରମୋଦ ବହିଦାର): ସମ୍ବଲପୁର ଜିଲି ଯୁଯୋମୁରା ଥାନା ଅନ୍ତର୍ଗତ ହରିଜନପଡ଼ାର ଏକ ପରିତ୍ୟକ୍ତ କୂଅ ଭିତରୁ ଜଣେ ୮ ମାସର ଶିଶୁପୁତ୍ରର ମୃତଦେହ ଉଦ୍ଧାର କରାଯାଇଛି। ଖବର…

ସଡ଼କ ଦୁର୍ଘଟଣା ନେଉଛି ଜୀବନ, ଆଖି ବୁଜିଛି ପ୍ରଶାସନ

ବରଗଡ଼,୧୯।୧୧(ପ୍ରେମାନନ୍ଦ ଖମାରୀ): ବରଗଡ଼ ଜିଲାରେ ସଡ଼କ ସୁରକ୍ଷା ଚିନ୍ତାର ବିଷୟ ପାଲଟିଛି। ଜିଲାରେ ସଡ଼କ ଦୁର୍ଘଟଣା ଏବେ ସାଧାରଣରେ ପରିଣତ ହୋଇଛି। ଦିନକୁ ଦିନ ଏଠାରେ ଏହା…

ଖୋଲିଲା ୨୪ ଘଣ୍ଟିଆ କଣ୍ଟ୍ରୋଲ ରୁମ: ବାତ୍ୟା ମୁକାବିଲା ପାଇଁ ଜଳସମ୍ପଦ ବିଭାଗ ପ୍ରସ୍ତୁତ

ଭଞ୍ଜନଗର, ୧୯।୧୧ (ବାବୁଲା ପ୍ରଧାନ)- ଆଉ କିଛି ଘଣ୍ଟା ମଧ୍ୟରେ ବାତ୍ୟା ସ୍ଥଳଭାଗ ଛୁଇଁବାର ସମ୍ଭାବନା ଥିବାବେଳେ ଏହାର ପ୍ରଭାବରେ ଗଞ୍ଜାମ ଜିଲାରେ ପ୍ରବଳ ବର୍ଷା ଆଶଙ୍କା…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?