ନୂଆଦିଲ୍ଲୀ,୧୧ ।୧୨: ଦେଶର ପ୍ରଥମ ସିଡିଏସ୍ ବିପିନ ରାୱତ ଓ ତାଙ୍କ ପତ୍ନୀ ମଧୁଲିକା ରାୱତଙ୍କ ସମେତ ୧୩ ଜଣଙ୍କର ହେଲିକପ୍ଟର ଦୁର୍ଘଟଣା ଜନିତ ମୃତ୍ୟୁ ପରେ ସାରା ଦେଶରେ ଶୋକର ଛାୟା ଖେଳି ଯାଇଥିଲା । ଶୁକ୍ରବାର ରାୱତ ଦମ୍ପତିଙ୍କ ଶେଷକୃତ୍ୟ ସେନା ସମ୍ମାନ ସହ ଶେଷ କରାଯାଇଛି । ଇତିମଧ୍ୟରେ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଭିଡିଓରେ ପ୍ରିୟଙ୍କା ଗାନ୍ଧୀ ଗୋଆର ପାରମ୍ପରିକ ଡ୍ୟାନ୍ସ କରୁଥିବା ନଜର ଆସିଛି । ଏହି ଭିଡିଓକୁ ଭାରତୀୟ ଜନତା ପାର୍ଟି(ଭାଜପା)ର ଆଇଟି ମୁଖ୍ୟ ଅମିତ ମାଲବିୟ ଶେୟାର କରି ପ୍ରିୟଙ୍କାଙ୍କୁ ଟାର୍ଗେଟ କରିଛନ୍ତି । ଏହାର ଗୋଟିଏ ଦିନ ପୂର୍ବରୁ ହିଁ ଲୋକେ କେନ୍ଦ୍ରମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆଙ୍କର କିଛି ଫଟୋ ଶେୟାର କରିଥିଲେ । ଯେଉଁଥିରେ ସେ ଗ୍ୱାଲିୟର ଷ୍ଟାଡିୟମରେ ଚୌକା-ଛକା ମାରୁଥିବା ଦେଖାଯାଇଥିଲା ।
ପ୍ରିୟଙ୍କାଙ୍କ ଭିଡିଓ ଶେୟାର କରି ମାଲବିୟ ଲେଖିଛନ୍ତି ଯେତେବେଳେ ୨୬/୧୧ ଆତଙ୍କବାଦୀ ଆକ୍ରମଣ ହୋଇଥିଲା ସେତେବେଳେ ରାହୁଲ ଗାନ୍ଧୀ ଭୋର ପର୍ଯ୍ୟନ୍ତ ପାର୍ଟି ମନାଉତିଲେ । ଏବେ ଭାଇଙ୍କ ଭଳି ଭଉଣୀ ବି ଗୋଆରେ ନାଚୁଛନ୍ତି । ଯେତେବେଳେ ସାରା ଦେଶ ସିଡିଏସ୍ ବିପିନ ରାୱତଙ୍କ ପରଲୋକରେ ଶୋକ ପ୍ରକାଶ କରୁଛି, ସେତେବେଳେ ପ୍ରିୟଙ୍କାଙ୍କ ଏଭଳି ଆଚରଣ, ଏହାଠାରୁ ଆଉ କିଛି ଲଜ୍ୟା ଜନକ ବିଷୟ ହୋଇପାରେ ବୋଲି ସେ ପ୍ରଶ୍ନ କରିଛନ୍ତି ।
When 26/11 happened, Rahul Gandhi was partying till wee hours of morning.
Like brother, Priyanka Vadra too is dancing away in Goa while the entire nation is mourning and steeped in sadness as CDS Gen Bipin Rawat is being cremated.
Can anything be more shameful than this? pic.twitter.com/hggjarFJdx
— Amit Malviya (@amitmalviya) December 10, 2021
