ମୁମ୍ବାଇ: ବଲିଉଡ୍ ବିୟୁଟି ପ୍ରିୟଙ୍କା ଚୋପ୍ରା ବିବାହ ପରେ ତାଙ୍କ ସ୍ୱାମୀ ନିକ୍ ଜୋନସଙ୍କ ସହ ଆମେରିକାରେ ରହୁଛନ୍ତି । ହେଲେ ଏହି ଦେଶୀ ଗର୍ଲଙ୍କ କ୍ରେଜ୍ ଏବେବି ବଲିଉଡ୍ରେ ରହିଛି । ଆଉ ବିବାହ ପରେ ଏହି ଯୋଡି ସୋସିଆଲ ମିଡିଆରେ ଆକ୍ଟିଭ ରହି ସବୁବେଳେ ଆସିଛନ୍ତି ଚର୍ଚ୍ଚାକୁ । ନିକଟରେ ସୋସିଆଲ ମିଡିଆରେ ଏକ ଖବର ଆସିଥିଲା କି ନିକ୍ ଜୋନସ୍ ଦୁର୍ଘଟଣାର ଶିକାର ହୋଇଛନ୍ତି । ଯାହାପରେ ୟୁଜର୍ସ ତାଙ୍କର ଶୀଘ୍ର ଆରୋଗ୍ୟ କାମନା କରିଥିଲେ । ଏବେ ଏହାକୁ ନେଇ ନିକ୍ ସୂଚନା ଦେଇଛନ୍ତି କି ସେ ଏକ ବାଇକ୍ ଦୁର୍ଘଟଣାର ଶିକାର ହୋଇଥିଲେ ଏବେ ସେ ସୁସ୍ଥ ହୋଇ ଆସୁଛନ୍ତି । ଘଟଣା ହେଲା ସୋସିଆଲ ମିଡିଆରେ ଯେଉଁ ଭିଡିଓ ଭାଇରାଲ ହୋଇଥିଲା ସେଥିରେ ନିକ୍ ଏକ ବାଇକ ଉପରୁ ପଡି ଯାଉଥିବା ଦେଖାଯାଇଥିଲା । ପ୍ରକୃତରେ ନିକ ତାଙ୍କର ଭାଇ ଜୋ ଓ କେବିନଙ୍କ ସହ କମ୍ପିଟିଶନ କରୁଥିଲେ । ଆଉ ଦୁର୍ଘଟଣା ପରେ ପରେ ନିକ୍ ଓ ପ୍ରିିୟଙ୍କା ବିଲବୋର୍ଡ ମ୍ୟୁଜିକ ଆୱାର୍ଡ ପାଇଁ ଲଣ୍ଡନରୁ ଲସ ଆଞ୍ଜେଲସ ପହଞ୍ଚିଥିଲେ ।
