ମୁମ୍ବାଇ: ଆସାମରେ ଆସିଥିବା ବନ୍ୟା ଏବେ ସେଠାକାର ଜନ ଜୀବନ ଉପରେ ଖୁବ୍ ପ୍ରଭାବ ପକାଇଛି। ଗୋଟିଏ ପଟେ କରୋନା ମହାମାରୀ ଅନ୍ୟପଟେ ସେଠାରେ ପ୍ରାୟ ୪ ଥର ଆସିଥିବା ବନ୍ୟାରେ ଲୋକେ ଅସ୍ତବ୍ୟସ୍ତ ହୋଇଗଲେଣି। ଆସାମ ବନ୍ୟାରେ ଶହ ଶହ ବନ୍ୟପ୍ରାଣୀଙ୍କ ମୃତ୍ୟୁ ମଧ୍ୟ ହେଲାଣି। ଏଭଳି ସ୍ଥିତିରେ ବଲିଉଡ୍ ଦେଶୀଗର୍ଲ ପ୍ରିୟଙ୍କା ଚୋପ୍ରା ଓ ତାଙ୍କ ପତି ନିକ୍ ଜୋନସ୍ ସହଯୋଗର ହାତ ବଢାଇଛନ୍ତି। ଟୁଇଟର ମାଧ୍ୟମରେ ସେ ଆସାମ ବନ୍ୟା ପୀଡିତଙ୍କୁ ସହଯୋଗ କରିବା କଥା କହିଥିବା ବେଳେ ଆଉ କିଛି ସଙ୍ଗଠନ ବିଷୟରେ ସେ ଟୁଇଟରରେ ଉଲ୍ଲେଖ କରିଛନ୍ତି। ଅନ୍ୟମାନେ ଚାହିଁଲେ ଏହି ସଙ୍ଗଠନ ମାଧ୍ୟମରେ ଆସାମ ବନ୍ୟା ପୀଡ଼ିତଙ୍କୁ ସାହାଯ୍ୟ କରିପାରିବେ ବୋଲି ସେ କହିଛନ୍ତି। ସୂଚନାଯୋଗ୍ୟ, ପ୍ରିୟଙ୍କା ଆସାମ ଟୁରିଜିମର ବ୍ରାଣ୍ଡ ଆମ୍ବାସଡର ରହିଛନ୍ତି।
