ବଲିଉଡ୍ ଅଭିନେତ୍ରୀ ପ୍ରିୟଙ୍କା ଚୋପ୍ରା ଏବଂ ନିକ୍ ଜୋନାସଙ୍କ ବିବବାକୁ ଆଜି ୨ ବର୍ଷ ହୋଇଯାଇଛି। ଆଜିର ଦିନରେ ଅର୍ଥାତ୍ ୧-୨ ଡିସେମ୍ବର, ୨୦୧୮ରେ ଏହି ଯୋଡି ହିନ୍ଦୁ ଏବଂ ଖ୍ରୀଷ୍ଟିିୟାନ୍ ରୀତିରେ ବିବାହ କରିଥିଲେ। ଏହି ବିବାହ ଯୋଦ୍ଧପୁରର ଉମିଦ୍ ଭବନ ପ୍ୟାଲେସରେ ହୋଇଥିଲା। ଏହି ବିବାହ ଦୀର୍ଘ ୪ ଦିନ ଧରି ଚାଲିଥିଲା। ଏହି ଉତ୍ସବରେ ଦେଶ ବିଦେଶର ବହୁ ବଡ଼ ବଡ଼ ବ୍ୟକ୍ତି ଶାମିଲ ହୋଇଥିଲେ। ଏହା ବଲିଉଡ୍ର ସବୁଠାରୁ ଦାମି ବିବାହ ମଧ୍ୟରୁ ଅନ୍ୟତମ। ତେବେ ଏହି ସ୍ବତନ୍ତ୍ର ଦିନରେ ଜାଣିବା ନିକ୍ଙ୍କ ପ୍ରଥମ ପ୍ରେମିକାଙ୍କ ବିଷୟରେ।
ନିକ୍ ପ୍ରଥମ ପ୍ରେମ ସ୍କୁଲ ସମୟରେ ମାତ୍ର ୧୪ ବର୍ଷ ବୟସରେ କରିଥିଲେ। ୨୦୦୬ ଜୁନ୍ରୁ ଡିସେମ୍ବର ୨୦୦୭ ପର୍ଯ୍ୟନ୍ତ ସେ ରିଲେସନଶିପ୍ରେ ଥିଲେ। ଏକ ରିପୋର୍ଟ ଅନୁଯାୟୀ, ନିକ୍ଙ୍କ ପ୍ରଥମ ପ୍ରେମିକା ହେଉଛନ୍ତି ମାଇଲୀ ସାଇରସ। ମାଇଲୀ ଜଣେ ଡିଜ୍ନି ତାରକା ଏବଂ ଆମେରିକୀୟ ଗାୟିକା ମଧ୍ୟ। ନିଜେ ନିକ୍ ଏକ ସାକ୍ଷାତକାରରେ ଏହା କହିଥିଲେ। ସେ କହିଥିଲେ ଯେ, ମାଇଲ ହେଉଛନ୍ତି ପ୍ରଥମ ଝିଅ ଯାହାକୁ ସେ ଚୁମ୍ବନ କରିଥିଲେ। ସେ ହଲିଉଡ୍ର କାଲିଫର୍ଣ୍ଣିଆ ପିଜା କିଚେନ୍ ବାହାରେ ମାଇଲଙ୍କୁ ଚୁମ୍ବନ ଦେଇଥିଲେ।
