ଭୁବନେଶ୍ୱର,୮।୨(ବ୍ୟୁରୋ): ସ୍କୁଲ ଓ କଲେଜ ଖୋଲିବା ପରେ ଏବେ ଘରୋଇ ପ୍ଲେ’, ନର୍ସରୀ ଏବଂ କେଜି ଶ୍ରେଣୀ ଖୋଲିବ। ଏଥିନେଇ ମଙ୍ଗଳବାର ରାଜ୍ୟ ସରକାର ଅନୁମତି ଦେଇଛନ୍ତି। ଫେବୃୟାରୀ ୧୪ରୁ ସ୍କୁଲ ଖୋଲିବା ନେଇ ସ୍କୁଲ ଓ ଗଣଶିକ୍ଷା ବିଭାଗ ପକ୍ଷରୁ ଜିଲା ଶିକ୍ଷାଧିକାରୀ, ଜିଲାପାଳଙ୍କୁ ଚିଠି ଲେଖି ଅବଗତ କରାଯାଇଛି। ତେବେ ସ୍କୁଲରେ କରୋନା ନିୟମର କଡ଼ାକଡ଼ି ପାଳନ କରାଯିବ। ଉଭୟ ଟିଚିଂ ଏବଂ ନନ୍ଟିଚିଂ କର୍ମଚାରୀ କରୋନାର ଉଭୟ ଟିକା ନେବା ବାଧ୍ୟତାମୂଳକ ବୋଲି କୁହାଯାଇଛି।
ଅପରପକ୍ଷେ ସୋମବାରଠାରୁ ଅଷ୍ଟମରୁ କଲେଜ ପର୍ଯ୍ୟନ୍ତ ପାଠପଢ଼ା ଆରମ୍ଭ ହୋଇଛି। କୋଭିଡ୍ ଗାଇଡ୍ଲାଇନ୍ରେ ସ୍କୁଲ ଓ କଲେଜ୍କୁ ଛାତ୍ରୀଛାତ୍ରମାନେ ଆସୁଥିବା ଦେଖିବାକୁ ମିଳିଛି। ଆସନ୍ତା ୧୪ରୁ କେଜିରୁ ସପ୍ତମ ପର୍ଯ୍ୟନ୍ତ ଖୋଲିବ। ଏଥିଲାଗି ସ୍କୁଲ ତରଫରୁ ବ୍ୟାପକ ପ୍ରସ୍ତୁତି ଆରମ୍ଭ ହୋଇଛି। ସ୍କୁଲଗୁଡ଼ିକୁ ସାନିଟାଇଜ୍ କରାଯାଉଥିବା ଦେଖିବାକୁ ମିଳିଛି।
